domingo, 13 de septiembre de 2026
Os Concertos do Xacobeo da Xunta de Galicia regresan esta fin de semana á Praia da Concha de Vilagarcía de Arousa dándolle cobertura a unha nova edición do Atlantic Fest. Turismo de Galicia apoia así, un ano máis, a celebración deste evento de referencia do verán musical no territorio galego, que alcanza a 12ª edición deste este venres, 18 de xullo, e ata o domingo 20 na vila pontevedresa.
Neste 2025, no cartel do Atlantic Fest danse cita, grandes figuras imprescindibles da escena indie-rock e o pop internacional, estatal e galega, como Primal Scream, The Jesus and Mary Chain, Slowdive, Zahara, Xoel López, Los Planetas e León Benavente, entre moitos outros, que actuarán no escenario principal do festival, bautizado como Galicia Calidade.
Durante a presentación, o director de Turismo de Galicia, Xosé Merelles, sinalou que o Atlantic Fest é un dos eventos máis queridos polo público galego, que transcende diferentes xeracións, e supón un relevante motor turístico nunha contorna costeira privilexiada.
Neste senso, salientou a satisfacción de contribuír á celebración, un ano máis, desta proposta musical de referencia, que aposta pola calidade musical e ofrece ao público a oportunidade de gozar cos directos de bandas e artistas de culto internacionais que visitan Galicia da nosa man. Finalmente, Merelles quixo destacar, tamén, que eventos como o Atlantic Fest amosan a relevancia e a singularidade da oferta musical e cultural galega, como motor da economía, o turismo e o lecer sostible no noso territorio.
O director de Turismo de Galicia destacou tamén a participación de Galicia Calidade nesta cita a través dun espazo específico dentro do festival, onde a marca desenvolverá diferentes actividades gastronómicas nas que se porá en valor a excelencia e variedade dos produtos galegos certificados.
As actividades gastronómicas celebraranse durante o venres 18 e sábado 19 de xullo, con degustacións e showcookings dirixidos por profesionais recoñecidos. O venres, ás 19:30 horas, a experta Salomé Beiroa será a encargada dunha cata de queixos galegos, e a partir das 22:00 horas terá lugar un showcooking a cargo do chef Iñaki Bretal, do restaurante Eirado da Leña (Pontevedra). No menú empregarase unha ampla variedade de produtos certificados polo selo Galicia Calidade, que abranguen referencias do mar e da horta, produtos lácteos e elaboracións artesás.
O sábado, ás 19:30 horas, o público poderá asistir a unha exhibición de corte de xamón, con pezas procedentes de Jamones González e Terra de Núñez, e ás 22:00 horas terá lugar un segundo showcooking a cargo dos cociñeiros de Nova Ourense, que presentarán un menú creativo baseado en produtos de tempada e proximidade, cunha clara aposta pola innovación culinaria. Ao longo das dúas xornadas, empregaranse case unha trintena de produtos galegos certificados de diferentes empresas.
Grandes nomes do indie-rock e pop
A música en directo, o ambiente familiar e os grandes nombres do indie-rock e pop internacional, estatal e galego de hoxe e de sempre son os grandes piares desta exitosa cita. Cun cartel que reúne figuras xa clásicas e outras emerxentes e de absoluta vixencia, o Atlantic Fest converterá un ano máis á localidade de Vilagarcía no epicentro da música durante tres completas xornadas.
O escenario principal que dará cabida aos grandes directos das grandes iconas musicais do programa está bautizado como Galicia Calidade. O Atlantic fest conta, tamén, cun espazo para djs, un segundo escenario na Praza do Castro e unha zona de camping e glamping. O recinto ten un zona infantil, un espazo con xogos, obradoiros, cine e baile, ademais de zonas gourmet, e programa actividades paralelas aos concertos para todos os públicos, como exposicións ou, incluso, presentacións de libros. A entrada ao festival para menores de 12 anos é gratuíta.
Concertos do Xacobeo, un programa plural que apoia os principais eventos de Galicia
A Xunta de Galicia continúa firme na súa aposta por posicionar á comunidade galega como destino turístico de grandes eventos musicais a través dos Concertos do Xacobeo. Na provincia de Pontevedra, Concertos do Xacobeo suma máis dunha trintena de eventos, como Portamérica, Atlantic Fest, Costa Feira, Orballo Cultural, o Atlantic Fest ou Revenidas.
Deste xeito, contribúese a fomentar na provincia de Pontevedra a dinamización da economía local, co apoio a asociacións locais, motores da cultura propia, á hostalería e ao comercio; e, tamén, a posta en valor da paisaxe e a riqueza patrimonial e paisaxística local.
Máis de 800 artistas internacionais, nacionais e galegos de todos os xéneros que pisan forte nas listas de escoitas de agora e de sempre visitarán neste 2025 os Concertos do Xacobeo. O programa completo está recollido na páxina web www.concertosdoxacobeo.gal.
A reposición dálle continuidade á aposta do Centro Dramático Galego por recuperar títulos do seu repertorio que manteñen a demanda do público máis alá da súa primeira exhibición. No caso de 'A serie clopen', as 33 funcións ofrecidas no Salón Teatro durante a súa estrea en 2025 reuniron arredor de 5.500 espectadores, antes de iniciar unha serie de representacións por outros espazos de Galicia e de Portugal. O regreso aos escenarios prodúcese despois do recoñecemento acadado pola produción nos Premios de Teatro María Casares, pois obtivo dous galardóns: Natalia Pajarito, como mellor actriz protagonista, e Marta Alonso Tejada, pola dirección de movemento.
O sábado 12 de setembro chegará un dos pratos fortes do ciclo: A Movida Viguesa e a Homenaxe a Golpes Bajos. Esta histórica xornada supón o regreso aos escenarios de artistas fundamentais para comprender a historia musical de Vigo e de Galicia. Bandas e músicos que naceron na cidade e que, desde aquí, conquistaron o panorama nacional e mesmo internacional. Reunir nun mesmo escenario a Golpes Bajos, Semen Up, Miguel Costas de Siniestro Total, Killer Barbies e Stoned at Pompei é moito máis que un concerto: é unha homenaxe a unha xeración irrepetible e a unha cidade que marcou unha época dentro da música española.
