sábado, 24 de octubre de 2026
Entre as prioridades están a actualización do concepto de zona altamente dependente da pesca para que as zonas recoñecidas teñan un trato diferenciado encamiñado a preservar a actividade marítimo-pesqueira mediante unha distribución preferente das cotas de pesca.
A potenciación da remuda xeracional, a dotación dunha definición ampla da pesca artesanal, apropiada á idiosincrasia de cada conca marítima así como a adopción dun enfoque ecosistémico da actividade pesqueira que permita mellorar a súa xestión. Tamén a preservación do patrimonio marítimo ou o fomento da economía azul que sitúe as actividades da pesca, do marisqueo e da acuicultura no centro do deseño destas políticas.
Nesta liña, outra das demandas é a necesidade de establecer uns obxectivos realistas que permitan abordar os retos ambientais e enerxéticos derivados da adaptación ao cambio climático. Así, avógase por impulsar a investigación relativa á interacción entre as mudanzas ambientais e as poboacións de peixes e serva tamén para mellorar o análise do estado das pesqueiras coa finalidade de desenvolver máis e mellores ferramentas de xestión adaptadas. Tamén pola mobilización de suficientes recursos para a modernización e descarbonización da frota, incrementando a súa resiliencia enerxética e independencia dos combustibles fósiles.
Rexionalización PPC
Alfonso Villares valorou o procedemento de avaliación impulsado polo executivo comunitario como unha oportunidade para apostar por unha rexionalización da toma de decisións na PPC. Unha descentralización que permita unha xestión pesqueira eficaz e que implique a reformulación da cooperación entre as partes interesadas e a garantía dunha participación proactiva das autoridades rexionais na toma de decisións xunto as institución comunitarias, comunidade científica, representantes do sector e as ONG. Unha reivindicación compartida no marco da Conferencia de Rexións Periféricas Marítimas (CRPM) no que Galicia preside o Grupo de Traballo de Pesca.
Level Playing Field
O conselleiro trasladou o sector que outro piar da folla de ruta autonómica é a demanda de dotar de protección ao mercado interior europeo que permita garantir a soberanía alimentaria do continente. Un punto que uniu a importancia de que tamén rexan os principios do level playing field para que a frota comunitaria opere en igualdade de condicións respecto a terceiros países. Aspectos que estarán na axenda no seu novo encontro co Comisario de Pesca, Costas Kadis, que terá lugar a vindeira semana na capital comunitaria, o terceiro desde que o chipriota tomou posesión.
Novos aranceis
O Pleno do Consello Galego de Pesca manifesta a súa máxima preocupación ante a imposición dunha nova política arancelaria que prexudicará de forma notoria ao complexo mar-industria de Galicia. Nestes termos se expresou o sector ante o anuncio do goberno de Estados Unidos de incrementar nun 20% os aranceis aos produtos procedentes da Unión Europea. Entre 2021 e 2024, Galicia exportou produtos do grupo "03 Peixe, Crustáceos, Moluscos, 1604 Preparacións e conservas de pescado, 1605 Crustáceos, moluscos e demais ingredientes, 1504 Graxas e aceites, e seus fraccións, 230120 Fariña e pellets de peixe cru" a Estados Unidos, alcanzando un total de 252,51 millóns de euros en exportacións.
Foi inaugurada no Museo do Pobo Galego a exposición 'Transfronteiriza', da artista e cineasta tudense Diana Gonçalves, que permanecerá aberta ao público ata o 28 de marzo de 2027. A mostra parte do documental 'Mulleres da Raia', da mesma autora, e froito de tres anos de investigación. A través da linguaxe cinematográfica, de materiais documentais, arquivos históricos e elementos patrimoniais, a proposta constrúe unha experiencia arredor da memoria compartida entre Galicia e o norte de Portugal. En concreto, Transfronteiriza recupera a memoria das mulleres que viviron na fronteira entre ambos territorios a mediados do século XX, que desempeñaron un papel fundamental no comercio transfronteirizo e na supervivencia económica das familias.
Trátase dunha iniciativa que nace como evolución de Circo Presente Continuo e que se vai desenvolver por primeira vez fóra de Madrid. A Cidade da Cultura, o Teatro Principal e o Salón Teatro serán as súas sedes na capital galega, reunindo artistas, compañías, profesionais da programación, distribuidoras e institucións para compartir proxectos e favorecer novas oportunidades de colaboración e contratación. O programa inclúe oito espectáculos, seis mostras breves e catro traballos en proceso. Entre as propostas figuran Naufragio, de Labsurda; Serena, de Circ Bover; Matrimonio, de Kolektivo Konika; Siku, de Jessica Arpin; e Sen patrón, de Pistacatro, que ofreceu un adianto artístico durante a presentación.
