martes, 9 de junio de 2026
A directora xeral de Desenvolvemento Pesqueiro, Marta Villaverde, participou este mércores na Xornada de Protección do Patrimonio Marítimo, organizada pola Fundación Traslatio, e onde puxo en valor o Plan da Cultura Marítima de Galicia Horizonte 2030; un documento do Executivo galego que nace froito das consultas a persoas e entidade de todo o litoral e fai unha profunda análise da diversidade dos bens inmobles, mobles e patrimonio inmaterial existente na comunidade, recollendo 100 medidas que contribuirán a avanzar no seu coñecemento, preservalo e poñelo en valor tanto en Galicia como no exterior.
Segundo destacou Villaverde, esta iniciativa busca converterse no punto de partida para actuar de xeito coordinado na protección do pasado e o presente mariñeiro. O obxectivo, en definitiva, é evitar que este legado quede no esquecemento, pois Galicia conta con máis de 1.600 quilómetros de costa, tres provincias con mar e máis da metade da poboación (preto do 55%) vive no litoral. Características que provocaron que a actividade vinculada ao mar definise un gran número de oficios e de estilo de vida que deron lugar a unha idiosincrasia de gran valor.
Este documento, elaborado en colaboración coa Universidade de A Coruña, fai unha radiografía demográfica e da cadea mar-industria. Destaca os case 40.000 empregos directos que dependen dela, así como so múltiples oficios: mariñeiros, mariscadores, percebeiros, acuicultores, bateeiros, operarios de conserva, afumadores, baleneiros, salgadores, muiñeiros, carpinteiros de ribeira, torneiros ou redeiras. Inclúe a variedade de construcións (estaleiros, fábricas de conserva e salazón, stands de pescadores e lavadoiros de redes, vivendas mariñeiras, embarcadoiros, faros, lonxas, cemiterios, ermidas ou restos arqueolóxicos, entre outros) e, no eido dos bens mobles, recolle as artes de pesca, as ferramentas empregadas, útiles de cestaría, calzado, embarcacións tradicionais e barcos afundidos. Asemade, dentro do patrimonio inmaterial, plasma cuestións como festas, a tradición oral e o folclore, adiviñanza, cancións, contos, lendas, léxico marítimo, receitas de cociña, iconografía, ou museos. O documento da Xunta tamén analiza fortalezas, oportunidades, debilidades e ameazas, ademais do patrimonio somerxido.
A bordo do Hidria Segundo
Con este encontro, a cidade olívica converteuse no epicentro da defensa de toda a cultura patrimonial vencellada ao sector marítimo-pesqueiro. Así, ademais de Villaverde, outras autoridades e expertos reuníronse a bordo do Hidria Segundo -construído en 1953 e considerado un símbolo da historia marítima galega- para debater establecer liñas de actuacións que contribúan á preservación do legado naval co que conta Galicia.
No transcurso da mesma, tamén se reallizaron exposicións individuais sobre temas que amosan a importancia que ten na nosa comunidade a cultura mariñeira, ademais das técnicas aplicada para a recuperacións de embarcacións e a necesidade dun marco legal que contribúa a esa protección.
Os chefs representantes de cada cidade son: Adrián Pérez de Sinxelo (Ferrol); Carlos Montes de La Sifonería Gastrobar (A Coruña); Rodrigo Seoane de ArteSana Gastrobar (Santiago de Compostela); Rubén González de El Cafetín de La Alameda (Pontevedra); Rebeca Guede de La Orensana (Vigo); Beatriz Alcalá de La zapatería del abuelo (Ourense) e Jose Luis Pardo de El Boni (Lugo). Os sete cociñeiros competirán por dous galardóns e serán outorgados por un xurado profesional e outro popular, integrado polos invitados á gala, que utilizará un sistema de televotación. Todos eles valorarán cada tapa segundo a súa complexidade técnica, creatividade, presentación e sabor.
Presetouse a segunda parte da campaña de Trens Turísticos de Galicia, que inician estee sábado 6 de xuño unha nova quenda de viaxes coas saídas da Ruta dos Faros e a da Ribeira Sacra polo Sil. Os trens que inician saída neste mes son o das Rutas dos Faros (con saídas 6 e 20 de xuño, 4 e 18 de xullo, 29 de agosto e 26 de setembro, todas vendidas); os da Ribeira Sacra polo Sil (6 e 27 de xuño e 11 de xullo, xa vendidas; e 1 e 22 de agosto e 12 de setembro, aínda con prazas á venda); a da Ribeira Sacra polo Miño (13 de xuño, esgotadas, e 5 e 26 de setembro); e a dos Mosteiros (20 de xuño -xa vendidas- e 25 de xullo). O programa de Trens Turísticos de Galicia é unha iniciativa de Turismo de Galicia, en colaboración con Renfe e o INORDE. En total, en 2026 realizaranse 13 rutas e 33 saídas, cunha ruta -a da Camelia- xa realizada.
