miércoles, 18 de marzo de 2026
A norma proposta pola Comisión Europea o 16 de outubro de 2023 ten como obxectivo diminuír nun 6% a cantidade total de vertidos non intencionados de microplásticos para evitar o seu impacto no clima, a biodiversidade, a economía e a saúde.
Cómpre ter en conta que o granulado plástico, unha vez dispersado, é moi difícil de recuperar e a súa mobilidade facilita que se expanda por aire, augas superficiais, correntes mariñas e solos agrícolas.
Durante a súa intervención para expoñer a posición común autonómica, Ángeles Vázquez fixo fincapé en que a futura norma regulará, ademais doutros aspectos, a cadea de subministración dos microplásticos e agradeceu a todas as comunidades a súa implicación e traballo nos últimos meses para acadar unha postura de consenso. Así, entre as medidas propostas, que contan co respaldo do sector portuario e dos produtores de plástico, inclúense as obrigas que deberían aplicarse aos operadores económicos europeos así como aos transportistas comunitarios e extracomunitarios.
Cómpre lembrar que Galicia foi designada para exercer a representación das comunidades españolas durante as dúas reunións dos ministros de Medio Ambiente da UE programadas para o segundo semestre de 2024.
Precisamente, a intervención de Ángeles Vázquez en Bruxelas o vindeiro 17 de decembro enmárcase nesta encomenda, polo que durante a reunión dos ministros europeos e como parte da delegación española será a encargada de defender a posición común autonómica sobre o Regulamento para reducir a contaminación por microplásticos.
Obxectivo climático no ano 2040
Durante a reunión telemática convocada hoxe polo Ministerio para a Transición Ecolóxica e o Reto Demográfico tamén se analizou a postura de España ante o debate aberto en Europa para fixar novos obxectivos climáticos de cara a 2040, en concreto, a redución nun 90% das emisións de gases de efectos invernadoiro (GEI) respecto aos valores de 1990, ano de referencia a nivel comunitario en materia climática.
Ao respecto, a conselleira tomou a palabra para incidir na importancia de garantir a seguridade xurídica a nivel europeo para os proxectos relacionados coa implantación de enerxías renovables, consideradas pola UE de interese público superior polo seu papel clave na loita contra o cambio climático e na consecución da transición enerxética.
De feito, lembrou que a Xunta, da man do Goberno central, decidiu personarse na cuestión prexudicial elevada ante o Tribunal de Justicia Europeo (TJUE) para defender a tramitación dos proxectos eólicos realizada en Galicia nos últimos anos en aplicación da Lei de avaliación ambiental de 2013 e insistiu en que espera que o pronunciamento da xustiza comunitaria sobre este asunto permita desbloquear a actual parálise eólica na Comunidade e garanta a seguridade xurídica que demandan sector e administracións.
Con esta decisión, procúrase ampliar a internacionalización, unha maior apertura á creatividade dixital coa irrupción das novas tecnoloxías e darlle pulo a súa descentralización dentro e fóra de Galicia. O obxectivo con esta renovación é impulsar estes eidos na actividade deste centro museístico, referente da arte contemporánea en Galicia e España, tras case once anos con Santiago Olmo á fronte da súa dirección. Como resultado do seu labor, o Centro Galego de Arte Contemporánea acadou en 2025 ser recoñecido como Insignia da cultura galega polo Observatorio da Cultura da Fundación Contemporánea, segundo os resultados do prestixioso informe elaborado coas valoracións de máis de 400 expertos e profesionais de toda España.
O presidente da Xunta informou de que 'Galicia vai liderar un val especializado en tecnoloxía cuántica no que participarán nove países europeos' e que contará cun investimento de 14,3 millóns de euros. Rueda lembrou que a comunidade 'está a posicionarse como referente europeo' neste eido e asegurou que o feito de que Galicia lidere un proxecto 'nunha materia con tanto futuro é un reflexo da boa saúde da I+G+i galega'. A Comisión Europea acaba de conceder un novo proxecto de cuántica polo que a nosa Comunidade vai liderar un val de innovación, é dicir, unha iniciativa de colaboración entre rexións que destacan pola súa capacidade neste ámbito e que, grazas a este val, van conectalas para facer novos desenvolvementos e incrementar a soberanía da UE.
