martes, 9 de junio de 2026
Precisamente, no transcurso desta xuntanza, Villares, como exemplo do compromiso do Goberno galego co sector, explicou ao dirixente bretón que a comunidade, coa Estratexia da Economía Azul de Galicia, se converterá nun referente internacional en crecemento azul, dotando dun valor social, medioambiental e económico as nosas rías e ao territorio costeiro, desde un enfoque de protección, conservación e recuperación do medio mariño e da biodiversidade. Un documento imprescindible que mobilizará 144 millóns de euros, e que será clave para a súa planificación, xa que o sector marítimo-pesqueiro galego é líder, alcanzando un valor engadido bruto 25 veces superior ao da UE e máis de 6 veces superior ao de España.
Unha PPC que se axuste ás demandas do sector
Os dous dirixentes coincidiron na importancia de que dende a Comisión Europea se impulse unha nova Política Pesqueira Común que verdadeiramente dea resposta ás demandas do sector, como xa se reflectía no Ditame elaborado no seo do Consello Galego de Pesca, no que Galicia defendía e defende unha solución europea e europeísta que reforce a cohesión social e económica en termos pesqueiros, acuícolas e de transformación e comercialización dos produtos do mar; de igualdade normativa de cara ao interior e exterior da Unión (level playing field); de revisión do concepto de zona altamente dependente da pesca; de actualización da aplicación do deber de desembarque de todas as capturas; e de revisión do criterio de asignación de cotas para adaptalo ao patrón de capturas de cada pesqueira. E é que a actual (PPC) non conseguiu cumprir os obxectivos marcados, evidenciando que debe adaptarse aos novos requirimentos que demanda o sector: mantemento do equilibrio socioeconómico e ambiental; deseño dunha estratexia que dea solución aos problemas; creación emprego e produción sostible; e unha xestión da pesca baseada no coñecemento científico para evitar malos precedentes como o veto da pesca de fondo.
En outubro de 2022 entrou en vigor este veto en 87 áreas da Unión, que suman 16.400 quilómetros cadrados e constitúen unha boa parte dos casos para o arrastre e o palangre galego, pero tamén para o asturiano, o cántabro, o vasco e o andaluz. Un ataque inxustificado e arbitrario contra o sector que nin contou co aval de informes científicos, nin mediu o impacto socioeconómico que iba a provocar na frota. Esta deriva medioambientalista da Comisión Europea provocou que se prohibise o palangre de fondo, unha das artes máis selectivas que existe, como así o proba un informe da USC, que contabilizou a perda en 150.000 euros/ano para cada palangreiro e unha redución de 27 millóns de euros na facturación desta frota galega, ademais do solapamento nas zonas de pesca. A esta decisión da Comisión hai que engadir a posta en marcha en 2023 do Plan de Acción para protexer e restaurar os ecosistemas mariños, que incluíu a prohibición da pesca de arrastre en 2030 en todas as áreas protexidas, o 30% das augas da UE
Descarbonización
Polo que respecta á descarbonización, os dous dirixentes coincidiron en sinalar que esta se faga de xeito equilibrado, xusto e cun custe asumible para o sector. Neste senso, Villares destacou que Galicia rexeita a eliminación xeneralizada do combustible bonificado, pois poría en risco a rendibilidade e o futuro do sector e prexudicaría a flota galega que practica unha pesca responsable e sostible.
A pesca bretoa en cifras
Bretaña conta con 100 portos, repartidos en 12 distritos marítimos. Dispón dunha frota de 1.270 buques, na que traballan 4.800 pescadores. O peixe fresco desembarcado alcanza as 140.000 toneladas ao ano, o que supón o 50% da produción francesa e 290 millóns de euros. Con 21.00 toneladas é a primeira rexión produtora de mexillóns e a segunda de ostras (34.000/ano). Ocupa tamén o primeiro posto en cultivo de algas e o terceiro es piscicultura.
Traballa como organismo intermedio, de xeito que, ao abeiro do Fondo Europeo Marítimo, de Pesca e Acuicultura (Fempa) 2021-2027, conta cun orzamento que supera os 58 millóns de euros, dos que 16,9 son para pesca sostible e conservación, 30 para acuicultura, 8 para os Galp e 3,3 para asistencia técnica. No caso de Galicia, tal e como trasladou Villares, percibe máis de 4 de cada 10 euros, con 366,2 millóns, seguida de Andalucía, Canaria, o País Vasco e Cataluña.
Os chefs representantes de cada cidade son: Adrián Pérez de Sinxelo (Ferrol); Carlos Montes de La Sifonería Gastrobar (A Coruña); Rodrigo Seoane de ArteSana Gastrobar (Santiago de Compostela); Rubén González de El Cafetín de La Alameda (Pontevedra); Rebeca Guede de La Orensana (Vigo); Beatriz Alcalá de La zapatería del abuelo (Ourense) e Jose Luis Pardo de El Boni (Lugo). Os sete cociñeiros competirán por dous galardóns e serán outorgados por un xurado profesional e outro popular, integrado polos invitados á gala, que utilizará un sistema de televotación. Todos eles valorarán cada tapa segundo a súa complexidade técnica, creatividade, presentación e sabor.
Presetouse a segunda parte da campaña de Trens Turísticos de Galicia, que inician estee sábado 6 de xuño unha nova quenda de viaxes coas saídas da Ruta dos Faros e a da Ribeira Sacra polo Sil. Os trens que inician saída neste mes son o das Rutas dos Faros (con saídas 6 e 20 de xuño, 4 e 18 de xullo, 29 de agosto e 26 de setembro, todas vendidas); os da Ribeira Sacra polo Sil (6 e 27 de xuño e 11 de xullo, xa vendidas; e 1 e 22 de agosto e 12 de setembro, aínda con prazas á venda); a da Ribeira Sacra polo Miño (13 de xuño, esgotadas, e 5 e 26 de setembro); e a dos Mosteiros (20 de xuño -xa vendidas- e 25 de xullo). O programa de Trens Turísticos de Galicia é unha iniciativa de Turismo de Galicia, en colaboración con Renfe e o INORDE. En total, en 2026 realizaranse 13 rutas e 33 saídas, cunha ruta -a da Camelia- xa realizada.
