lunes, 26 de octubre de 2026
Nesta liña, apostou por una rexionalización da PPC que proporcione mellores condicións para a colaboración entre os principais actores das concas marítimas apoiando e consolidando a experiencia destas administracións en materia de coxestión establecendo un novo espazo para elas no marco da política pesqueira comunitaria. Un coñecemento e know how que pode contribuír a un modelo de xestión pesqueira máis eficaz, adaptado ás singularidades de cada territorio e que responda ás necesidades e desafíos do conxunto da cadea mar-industria europea.
Por outra banda, Alfonso Villares subliñou a necesidade dunha definición máis ampla e apropiada da pesca costeira artesanal xa que debería atender criterios como a duración das saídas para a pesca, a capacidade de desembarcar diariamente peixe fresco para a súa venda nos mercados locais así como a forte conexión coas comunidades costeiras e ás súas economías locais. Así, demandou que esa nova definición sexa recollida explicitamente no regulamento (UE) Nº1380/2013 e, en consecuencia, sexan actualizados o resto de actos lexislativos pertinentes.
O responsable autonómico, que ostenta a presidencia do grupo de traballo Marítimo e de Pesca da organización, situou como urxente a realización de mellores avaliacións e máis amplas ao redor do impacto do cambio climático e de todas as actividades humanas sobre as poboacións de peixe e a acuicultura. Nesta liña resaltou que unha xestión sostible destas poboacións de especies comerciais debería sustentarse nun enfoque amplo dos ecosistemas e non só no axuste á baixa dos esforzos pesqueiros. Ademais, apostou por unha nova definición de capacidade pesqueira xa que, os quilovatios ou os tonelaxes xa non criterios relevantes para alcanzar obxectivo do Rendemento Máximo Sostible (RMS).
Por último, o conselleiro tamén reclamou maiores recursos económicos para cofinanciar un Blue Deal ambicioso sen ir en detrimento dunha PPC que atenda ás necesidades específicas do sector pesqueiro e acuícola. Neste punto, lamentou que a Comisión lanzara simultaneamente a convocatoria de probas e a consulta do Fondo Europeo Marítimo e de Pesca 2014-2020 e a avaliación intermedia do Fondo Europeo Marítimo, de Pesca e Acuicultura 2021-2027 e que as mesmas non foran dotadas cun calendario máis amplo que permitira unha maior participación de representantes do sector.
Foi inaugurada no Museo do Pobo Galego a exposición 'Transfronteiriza', da artista e cineasta tudense Diana Gonçalves, que permanecerá aberta ao público ata o 28 de marzo de 2027. A mostra parte do documental 'Mulleres da Raia', da mesma autora, e froito de tres anos de investigación. A través da linguaxe cinematográfica, de materiais documentais, arquivos históricos e elementos patrimoniais, a proposta constrúe unha experiencia arredor da memoria compartida entre Galicia e o norte de Portugal. En concreto, Transfronteiriza recupera a memoria das mulleres que viviron na fronteira entre ambos territorios a mediados do século XX, que desempeñaron un papel fundamental no comercio transfronteirizo e na supervivencia económica das familias.
Trátase dunha iniciativa que nace como evolución de Circo Presente Continuo e que se vai desenvolver por primeira vez fóra de Madrid. A Cidade da Cultura, o Teatro Principal e o Salón Teatro serán as súas sedes na capital galega, reunindo artistas, compañías, profesionais da programación, distribuidoras e institucións para compartir proxectos e favorecer novas oportunidades de colaboración e contratación. O programa inclúe oito espectáculos, seis mostras breves e catro traballos en proceso. Entre as propostas figuran Naufragio, de Labsurda; Serena, de Circ Bover; Matrimonio, de Kolektivo Konika; Siku, de Jessica Arpin; e Sen patrón, de Pistacatro, que ofreceu un adianto artístico durante a presentación.
