Noticias economia
O director da Axencia Galega da Calidade Alimentaria, José Luis Cabarcos, anunciou na Comisión 7ª do Parlamento que a partir do vindeiro verán poderá atoparse no mercado produto amparado co selo da Artesanía alimentaria. Isto suporá diferentes vantaxes para os produtores, como un aval que garantirá a calidade das súas producións ou beneficiarse de campañas de promoción. O responsable da Agacal sinalou que a regulación da Artesanía alimentaria vai abrir novas oportunidades ás empresas agroalimentarias galegas, como tamén o vai facer a futura lei de calidade alimentaria galega.
O presidente do Goberno galego, Alberto Núñez Feijóo, anunciou hoxe a activación dun novo programa financeiro, que estará dotado con 30 M, para achegar apoios financeiros e contribuír así á modernización e á reactivación das empresas dentro do contexto económico actual marcado pola covid-19. En concreto, a liña de transformación incidirá, dixo, no impulso de proxectos de internacionalización e reforzo da competitividade a través da dixitalización e innovación, da mellora de produtos e procesos, do desenvolvemento tecnolóxico, da profesionalización de equipos directivos e da reestruturación societaria.
Galicia pechou o mes de marzo cunha caída do paro do -2,43%, o que a sitúa como a segunda comunidade autónoma na que máis baixou o desemprego con respecto ao mes de febreiro. De feito, o descenso rexistrado é maior á caída da media do Estado (-1,48%), con case un punto de diferencia. Esta redución supón, ademais, a maior da serie histórica (1996), tal e como destacou hoxe en Santiago de Compostela a directora xeral de Formación e Colocación, Zeltia Lado. Os datos do paro no mes de marzo, segundo valorou Lado, reflicten que Galicia continúa a resistir os efectos da pandemia sobre o mercado laboral.
Galicia pechou o ano 2020 cun diferencial de débeda coa media autonómica de 7,2 puntos, mantendo así o máximo da serie histórica, tal e como mostran os datos de débeda segundo o Protocolo de Déficit Excesivo (PDE) publicados hoxe polo Banco de España. Ademais, o organismo regulador volve situar á Comunidade Autónoma de Galicia como a terceira de réxime común con menor endebedamento de toda España. En concreto, a ratio de débeda/PIB de Galicia subiu case un punto con respecto ao terceiro trimestre do ano para facer fronte ás necesidades extraordinarias derivadas da pandemia, e situouse no 19,9% ao peche do cuarto trimestre.
O Foro Económico de Galicia, coordinado desde o campus de Ourense polo Grupo Governance and Economics Research Network (Gen), presentou este xoves o I Informe de Conxuntura Socioeconómica do Ano 2021. Nel destácase que o impacto da crise na economía galega foi significativamente menos intenso que no conxunto do estado. Galicia resiste mellor o envite da crise que o conxunto do estado. A estrutura económica e produtiva da nosa comunidade, cun peso menor do turismo e a hostalaría e maior do agroalimentario, contribuíron a iso, indican desde a entidade.
A directora xeral de Formación e Colocación, Zeltia Lado, valorou hoxe os datos do paro e destacou que Galicia continúa rexistrando menos persoas sen emprego que ao inicio da pandemia. Con respecto a abril, mes que marca o impacto inicial da crise sanitaria, hai 6.401 (-3,34%) desempregados menos. Galicia, ademais, pechou o mes de febreiro cunha baixada do paro do 0,41% con respecto a xaneiro do pasado ano, polo que a evolución positiva que viña rexistrando o mercado laboral galego nos meses de febreiro desde o ano 2014 continúa. O desemprego cae nas catro provincias, nas sete grandes cidades, excepto en Lugo que crece un 0,47%, nos sectores da construción (-3,15%) e da agricultura e pesca (-2,80%) e en todos os tramos de idade.
O director do Igape, Fernando Guldrís, salientou hoxe que as vendas no exterior dos produtos de sectores como a automoción, as conservas e o naval -con subas do 33,3%, 20,5%, e 34,6%- contribuíron de maneira decisiva ao volume alcanzado polas exportacións galegas en 2020. Así, ter superado por cuarto ano consecutivo os 20.000 millóns de euros en exportacións confirma a capacidade de resistencia do tecido produtivo galego. A recuperación das exportacións galegas se confirma cos resultados do segundo semestre do ano, no que as vendas aumentaron un 4,9% con respecto ao mesmo período de 2019, e cos do mes de decembro, nos que a suba foi do 6,8%. Esta evolución positiva supón un xiro na caída que experimentaron nos primeiros meses da pandemia.
A economía galega baixou no ano 2020 por mor da covid-19 un 8,9%, un descenso 2,1 puntos inferior ao avanzado polo Instituto Nacional de Estadística (INE) para España (-11%). O Instituto Galego de Estatística (IGE) publica hoxe os datos de contabilidade trimestral referentes ao cuarto trimestre. Esta taxa mellora as previsións realizadas polo Goberno galego o pasado mes de outubro cando actualizou o cadro macroeconómico correspondente ao ano 2020. Nese momento, as previsións realistas e prudentes da Xunta estimaban que o impacto na economía galega do coronavirus provocase unha caída do Produto Interior Bruto (PIB) do -9,7%.
Nas próximas semanas porase en marcha un programa con medidas específicas para reactivar o comercio de proximidade, que contará cun investimento de 20 M. O presidente da Xunta explicou hoxe que este programa, que se está a ultimar co sector, contemplará medidas en dous grandes ámbitos. Por unha banda, iniciativas que impulsen a súa transformación dixital, cunha aposta clara polo comercio en liña. E, por outra, axudas para dar resposta ás necesidades máis inmediatas e contribuír a impulsar o consumo nas tendas. Sobre isto, Feijóo adiantou que se poñerá en marcha un programa de bonos desconto para mercar no comercio local.
O Foro Económico de Galicia, coordinado polo Grupo Governance and Economics Research Network (Gen), fixo públicos os datos do seu último Barómetro Exportador de Galicia (Baexga). A análise sectorial das exportacións en decembro de 2020 amosa un crecemento das exportacións galegas dun 6,8% con respecto o mesmo mes de 2019. Un valor considerablemente superior ao rexistrado polo conxunto de España (un 0,9%). Con esta taxa de crecemento, indican en nota de prensa desde a entidade, Galicia segue recuperando o nivel de exportacións anterior á pandemia, situándose nun 92,9% con respecto ao último nivel anual previo á covid-19. No conxunto do Estado a cifra mantense estancada no 89,5%.
A marca de garantía certifica na actualizade os viños de doce adegas galegas, das cinco denominacións de orixe. Máis de 300 produtos de 51 empresas galegas contan co certificado. Durante os 3 anos de validez, a empresa pode etiquetar e realizar as accións promocionais baixo a marca Galicia Calidade.
Costa Rica será a protagonista dunha edición que conta con 10 países representados. Participan un total de 17 restaurantes con 25 menús entre os 12 e os 30 euros. O programa ofrece máis de 100 actividades orientadas a poñer en valor a gastronomía sostible e saudable. A cita, en Expourense do 4 ao 8 de marzo.
A Xunta salienta o papel das universidades á hora de acadar un maior equilibrio entre mulleres e homes no mundo profesional, durante a xuntanza de traballo con representantes do programa Woman Emprende que colabora con Igualdade na titorización do Programa Emega, para potenciar o emprendemento feminino na Comunidade galega.
A directora xeral de Produción Agropecuaria destacou que os sectores gandeiros foron considerados prioritarios no novo período de programación da PAC e, en particular, o orzamento destas axudas para o sector lácteo supón un aumento do 63%, e insiste en que a Xunta traballa polo futuro do rural galego.
O director da Oficina MEDIA España achegoulles as claves da modalidade Single Project Funding desta liña de apoio do Programa Europa Creativa, para a que se mantén aberto o prazo de solicitude ata o 16 de abril. A Agadic ofrécelles aos profesionais do audiovisual galego unha sesión sobre axudas europeas.
Lembra que un informe de Industria sitúa aquí as 44 das 50 gasoliñeiras cos prezos dos combustibles máis caros de todo o Estado. Alerta que lonxe de beneficiarnos de ser produtores de electricidade, Galicia pode chegar a pagar máis pola luz coa reforma enerxética.
A deputada do BNG criticou que entreguen a máns privadas unha empresa con beneficios e amosou a preocupación pola seguridade aérea e os traballadores de AENA.
A balanza comercial suma máis de 3.330 millóns, colocando a Galicia como a cuarta comunidade autónoma con mellor saldo, e a taxa de cobertura é do 123% fronte ao 90% da media nacional. A boa marcha das exportacións encádrase no esforzo das empresas galegas reforzado co apoio do Goberno galego e a Estratexia Empresarial 2020.
O PPdeG defenderá no Pleno do Parlamento que a taxa de reposición do 50% na oferta de emprego público no sector da Sanidade en Galicia se faiga no primeiro semestre de 2015. Cuestionarase, tamén, ao presidente galego sobre os resultados da súa viaxe a Méixo, Perú e Colombia para abrir mercados á exportación.
O presidente da Xunta, de visita no país andino, di que o convenio posibilitará 5 anos de colaboración en materia de pesca e de acuicultura; en materia de asistencia técnica, en materia de formación das tripulacións; e, tamén coa posibilidade de adquisición de aparellos e no tocante á tecnoloxía dos propios barcos de pesca.
