viernes, 13 de noviembre de 2026
Na actualidade, a Administración galega está a completar os pagamentos do 2º Plan de Rescate. Ten xa aboado o 90% do orzamento inicial, dos 75 millóns de euros, é dicir, xa pagados 66 millóns.
Para a Xunta de Galicia é unha prioridade garantir o mantemento de actividade dos negocios e, polo tanto, dos empregos asociados, polo que o Goberno galego está a facer un novo esforzo económico para apoiar o sacrificio que están a facer moitas empresas que se están vendo afectadas pola covid-19. A Administración autonómica galega, polo tanto, segue aportando fondos e inxectando liquidez aos negocios máis afectados pola crise sanitaria a través de axudas directas. En total mobilizará en tempo récord cos dous plans de rescate 182 millóns de euros.
3º plan de rescate
A Xunta, ademais, xa ten avanzado o deseño do 3º Plan de Rescate que prevé activar cos 234 millóns comprometidos polo Goberno central para Galicia. En consenso cos integrantes do Diálogo Social e coa Mesa do Emprego autónomo, o Goberno galego quere seguir aplicando o que xa está a funcionar: que as axudas cheguen a todas as empresas con baixada na facturación, sen limitalas a determinadas actividades económicas como pretende o Estado.
Avogarase ademais por simplificar o procedemento previsto no Real Decreto do Goberno que sobrecarga de burocracia tanto aos empresarios como ás Comunidades Autónomas que xestionarán os cartos. E, ao igual que vén facendo cos dous primeiros plans de rescate, a Xunta, en terceiro lugar, quere pagar o antes posible as axudas, polo que se están a buscar fórmulas que permitan anticipar o 80% das axudas simplemente mediante declaración responsable por parte dos solicitantes.
O Goberno galego agarda que o Estado sexa receptivo coas peticións de Galicia posto que só busca que as axudas cheguen canto antes a todos os sectores que o necesitan.
A Xunta, ademais, amosou tamén a súa preocupación pola distribución de fondos prevista considerando insuficientes os 234 millóns de euros que lle concedeu o Estado. O importe máximo da axuda pode chegar ata 200.000 euros para as grandes empresas, polo que con esta contía, os pequenos autónomos e empresas poden verse prexudicados ou absorbidos na distribución.
Galicia, para que as axudas poidan chegar o antes posible ao tecido empresarial, asinou o convenio co Ministerio de Facenda e a Axencia Estatal de Administración Tributaria, polo que a Xunta agarda agora a inmediata transferencia dos fondos co obxectivo de sacar a orde este mesmo mes de maio.
O 68,7 % da poboación galega de 16 a 74 anos dispón de competencias dixitais básicas ou avanzadas, fronte ao 61,4 % de 2025, o que supón un incremento relativo do 11,9 %. O 42,6 % da poboación galega de 16 a 74 anos ten competencias dixitais avanzadas, cinco puntos porcentuais máis ca en 2025, e o 26,1 % ten competencias básicas. Son datos publicados hoxe polo INE no informe sobre equipamento e uso das TIC nos fogares, analizados polo Observatorio da Sociedade da Información da Axencia para a Modernización Tecnolóxica de Galicia (Amtega).
Foi presentada na Cidade da Cultura a iniciativa 'Circo no Camiño', que celebrará entre o 12 de novembro e o 6 de decembro a súa primeira edición, na que contará con artistas nacionais e internacionais. A proposta Circo no Camiño quere achegar as artes escénicas a diferentes localidades galegas relacionadas co Camiño de Santiago. Para isto avanza unha programación variada de espectáculos de circo, maxia, música, acrobacias, humor e animación de rúa dirixidos a todos os públicos, que se desenvolverán tanto nunha gran carpa como nas rúas.En concreto, a programación desenvolverase en catro localidades galegas: Verín, Lalín, A Estrada e Santiago de Compostela, onde se pechará a programación, entre os días 3 e o 6 de decembro.
