sábado, 24 de octubre de 2026
Está coordinado por Alberto Vaquero, co-director da Rede Localis e profesor da Facultade de Ciencias Empresariais e Turismo do campus de Ourense, ademais de membro do grupo Gen.
Desde a Rede Localis destácase da análise realizada que os concellos e deputacións galegas contan cunha excelente saúde financeira, o que lles permite xogar un papel moi significativo ante a delicada situación económica e social provocada pola pandemia. As entidades locais, recalcan os seus expertos, gozan de capacidade económica-financeira para afrontar gastos e son a administración máis próxima ás necesidades básicas da cidadanía: dúas razóns de peso para cumprir co obxectivo de complementar o papel que deben desempeñar a administración xeral do estado e as comunidades autónomas". Neste sentido, desde o Observatorio Municipal Galego suxiren que, na liña do aprobado polo Ministerio de Facenda, a suspensión das regras fiscais débese ampliar ata o ano 2022. Tamén recomendan que "as axudas fiscais, aínda que necesarias, deben ser conxunturais e complementadas con outras vías, como a redución dos trámites administrativos desde a óptica local".
Medidas no calendario fiscal
O documento publicado este venres recolle que as entidades locais teñen optado por medidas fiscais e non por axudas directas para facer fronte á crise económica e social, tanto no exercicio fiscal 2020 como neste inicio de 2021. Durante 2020 e o que leva transcorrido de 2021, sinalan os expertos da Rede Localis, compróbase que "as sete grades cidades galegas aplicaron dúas medidas de calado no calendario fiscal, fundamentalmente baseadas na ampliación dos prazos para o pago de impostos e taxas e na introdución de exencións en aqueles tributos con maior repercusión no comercio, hostalaría e turismo, que foron precisamente as actividades máis castigadas pola covid-19, segundo indican desde a entidade".
Centrándose no comportamento dos concellos, o documento recolle que Ourense, Vigo e Pontevedra son os concellos que menos rebaixas fiscais aplicaron para combater os efectos económicos e sociais da pandemia, tanto en 2020 como en 2021. Pola contra, Ferrol, Santiago e A Coruña son os que máis apostaron pola vía das rebaixas fiscais. Finalmente, o documento da Rede Localis indica que os concellos que máis utilizaron ou teñen previsto aplicar axudas directas son os de Pontevedra, Santiago, Lugo e Ourense.
Foi inaugurada no Museo do Pobo Galego a exposición 'Transfronteiriza', da artista e cineasta tudense Diana Gonçalves, que permanecerá aberta ao público ata o 28 de marzo de 2027. A mostra parte do documental 'Mulleres da Raia', da mesma autora, e froito de tres anos de investigación. A través da linguaxe cinematográfica, de materiais documentais, arquivos históricos e elementos patrimoniais, a proposta constrúe unha experiencia arredor da memoria compartida entre Galicia e o norte de Portugal. En concreto, Transfronteiriza recupera a memoria das mulleres que viviron na fronteira entre ambos territorios a mediados do século XX, que desempeñaron un papel fundamental no comercio transfronteirizo e na supervivencia económica das familias.
Trátase dunha iniciativa que nace como evolución de Circo Presente Continuo e que se vai desenvolver por primeira vez fóra de Madrid. A Cidade da Cultura, o Teatro Principal e o Salón Teatro serán as súas sedes na capital galega, reunindo artistas, compañías, profesionais da programación, distribuidoras e institucións para compartir proxectos e favorecer novas oportunidades de colaboración e contratación. O programa inclúe oito espectáculos, seis mostras breves e catro traballos en proceso. Entre as propostas figuran Naufragio, de Labsurda; Serena, de Circ Bover; Matrimonio, de Kolektivo Konika; Siku, de Jessica Arpin; e Sen patrón, de Pistacatro, que ofreceu un adianto artístico durante a presentación.
