jueves, 27 de noviembre de 2025
Un KIC é unha comunidade deseñada para fomentar a colaboración entre empresas, centros de investigación e universidades co fin de acelerar solucións innovadoras a retos estratéxicos en Europa. Trátase do principal mecanismo comunitario de apoio á innovación, a transferencia de coñecemento e a formación de talento especializado e supón un paso importante para garantir a futuro da auga no continente, ademais de ofrecer innovacións que poidan responder ás presións ambientais, económicas e sociais dos sistemas hÃdricos de Europa.
Unha alianza europea sen precedentes
Allwaters involucra 50 socios directos e un ecosistema ampliado de máis de 230 en máis de 30 paÃses, entre eles universidades, centros de investigación, industrias, empresas, portos, organizacións non gobernamentais e pemes. O consorcio foi seleccionado tras un proceso competitivo internacional revisado por expertos independentes e avaliado polo Consello de Goberno do EIT.
O KIC EIT Water abordará de maneira integrada os desafÃos da auga doce, os ecosistemas mariños e o ámbito marÃtimo, centrándose na escaseza de auga, as secas e inundacións, a degradación dos ecosistemas de auga doce e mariños e o desenvolvemento dunha economÃa azul circular e sostible. Entre as súas metas para 2033, EIT Water prevé impulsar 247 innovacións e 58 startups, apoiar a creación de 1380 empregos cualificados e evitar perdas económicas de máis de 1200 millóns de euros derivadas da degradación de ecosistemas acuáticos.
Vigo, referente de innovación azul
Desde Vigo, a alianza entre a UVigo e a APV conseguiu entrar no consorcio e traballará conxuntamente para fortalecer a investigación aplicada ao ámbito portuario e mariño, promover a formación especializada en sustentabilidade e economÃa azul e desenvolver solucións innovadoras que contribúan á resiliencia climática dos ecosistemas costeiros e á xestión eficiente da auga.
O director do CIM, Daniel Rey, considera que “para o Centro de Investigación Mariña formar parte da nova Comunidade Europea de Innovación da auga representa un importante recoñecemento ao traballo que vimos desenvolvendo no ámbito mariño e marÃtimo, asà como unha oportunidade única para proxectalo a escala europea”. Ademais, sinala que “a nosa participación no consorcio apóiase no liderado do Campus do Mar e na estreita colaboración coa Autoridade Portuaria de Vigo, con quen comparto unha visión común de innovación, sustentabilidade e compromiso coa economÃa azul”. Esta alianza, segundo Rey, consolida Vigo como un nodo estratéxico dentro da rede europea de coñecemento mariño e na procura de solucións fronte aos grandes retos hÃdricos, mariños e costeiros. “Aspiramos a que Vigo e Galicia se consoliden como referentes europeos en coñecemento mariño e xestión sostible da auga, demostrando que a cooperación entre universidades, portos e empresas é esencial para construÃr un futuro azul máis xusto, competitivo e sostible”, explica o director do CIM.
Pola súa banda, o presidente da Autoridade Portuaria de Vigo, Carlos Botana, considera que “a aprobación deste proxecto é dunha gran importancia, xa que reforza a colaboración tan estreita que estamos a ter coa Universidade de Vigo e co Campus do Mar, á vez que reforza os máis de 40 proxectos en marcha no Porto de Vigo no marco da nosa estratexia Blue Growth”. Considera Botana que só entidades do máximo prestixio poden formar parte deste consorcio, “xa que existiu unha poxa moi grande entre portos e universidades para ser parte do mesmo". O presidente da APV explica que, tanto o Porto de Vigo, como a propia Autoridade Portuaria e a Universidade, están a coller un posicionamento estratéxico a nivel europeo e internacional como dous grandes centros de referencia en EconomÃa Azul e investigación, “o que nos reforza, fronte ao futuro, para atraer novos proxectos e actuacións. Vigo tense que converter nesa Cidade das Ciencias, e isto só é posible cunha colaboración estreita e conxunta entre o Porto e a UVigo".
Financiamento e prazos
O KIC recibirá unha subvención inicial de ata cinco millóns de euros en 2026 da EIT, destinada a poñer en marcha a estrutura de gobernanza, os marcos operativos e o plan estratéxico que guiarán o desenvolvemento de EIT Water. Este primeiro ano terá un carácter principalmente preparatorio, centrado na organización interna e na definición de prioridades de actuación, mentres que se prevé que a comunidade sexa plenamente operativa en 2027, cando comezarán a despregarse os programas europeos de innovación, emprendemento e formación.
A longo prazo, o consorcio aspira a mobilizar máis de 500 millóns de euros e configurarase como unha asociación aberta e colaborativa, integrando universidades, empresas, portos e centros de investigación. De maneira progresiva, atraerá recursos e xerará unha cadea de valor que fortalecerá a innovación, a transferencia de coñecemento e a sustentabilidade do conxunto do ecosistema azul europeo.
Sobre o European Institute of Innovation and Technology
O EIT é un organismo da UE e forma parte integral de Horizonte Europa, o Programa Marco da UE para a Investigación e a Innovación. Actualmente, o instituto apoia nove KIC: Climate KIC (anteriormente EIT Climate-KIC), 28DIXITAL (anteriormente EIT Dixital), Innoenergy (anteriormente EIT InnoEnergy), EIT Health, EIT RawMaterials, EIT Food, EIT Manufacturing, EIT Urban Mobility e EIT Culture & Creativity, á que se suma a EIT Water.
O director xeral de Relacións Exteriores e coa Unión Europea, Jesús Gamallo, participou hoxe na Comisión de PolÃtica Económica (ECON) do Comité Europeo das Rexións (CdR). No encontro, celebrado en Bruxelas, os representantes das rexións e cidades aprobaron un ditame sobre a Estratexia do Mercado Único. A Comisión Europea presentou esta estratexia en maio de 2025 para fortalecer o mercado interior da UE mediante a redución de barreiras comerciais, a simplificación de trámites, a promoción da dixitalización e o apoio ás pemes e ás startups. Esta decisión conta co apoio do Comité das Rexións e de Galicia, que pide á Comisión que vaia un paso máis alá eliminando as barreiras que seguen a limitar o potencial dun mercado de 450 millóns de consumidores, o segundo maior do mundo na actualidade.
A ConsellerÃa de Sanidade publica o informe de actividade das infeccións respiratorias agudas correspondente á semana do 17 ao 23 de novembro, que sinala que a actividade gripal en Galicia segue con intensidade baixa e tendencia crecente. Respecto da semana anterior, rexÃstrase un aumento na taxa de consultas por gripe en atención primaria dun 40,3 %. AsÃ, esta taxa sitúase en 72,1 consultas por 100.000 habitantes. Produciuse aumento da taxa en todos os grupos de idade, destacando o grupo de 0 a 4 anos cun aumento do 78 %. Os grupos coa maior taxa de consultas seguen a ser o de 0 a 4 anos con 188,4 consultas por 100.000 habitantes. No que atinxe ás áreas sanitarias, incrementáronse as consultas en todas elas, duplicándose o valor na área de Vigo e rexistrando un aumento das súas taxas as áreas de Ourense (96,6 %) e de Lugo (79,3 %).
