martes, 27 de octubre de 2026
Esta iniciativa ten un dobre obxectivo: por un lado, garantir a calidade de toda a produción alimentaria da nosa comunidade con base no cumprimento rigoroso da normativa de aplicación e, por outra parte, potenciar as nosas producións de calidade diferenciada -as que teñen unha maior reputación no mercado-.
Axudas da PAC
Por outra parte, o director xeral de Gandaría, Agricultura e Industrias Agroalimentarias, José Balseiros, contestou outra pregunta sobre a Política Agrícola Comunitaria (PAC). Neste sentido, afirmou que Galicia e as demais comunidades da Cornixa Cantábrica (Asturias, Cantabria e País Vasco) defenden un período de transición axeitado e con medidas correctoras para facilitar o avance cara a equiparación entre as diferentes rexións da axuda básica á renda.
Trátase, dixo, de reducir as diferenzas na contía das axudas por hectárea entre os territorios PAC, pero tamén con correccións das diferenzas de porcentaxe de superficies con dereitos de axuda. José Balseiros debullou a postura común acadada entre estas catro comunidades cara á negociación da futura PAC en aspectos como as axudas á renda dos agricultores e gandeiros, a definición de agricultor xenuíno, as axudas asociadas ou os ecoesquemas, entre outras medidas previstas
Así, en relación coa figura de agricultor xenuíno, lembrou que se avoga por definila a partir dunha porcentaxe mínima de ingresos agrarios sobre os totais que se propón que sexa igual ou superior ao 30%. Neste sentido, o director xeral amosou a oposición á proposta do Ministerio de Agricultura, Pesca e Alimentación (Mapa) de considerar tamén como agricultores xenuínos ás persoas con axudas directas inferiores a certa cantidade, con independencia da súa porcentaxe de ingresos agrarios.
Sobre as axudas asociadas, Galicia e as outras tres autonomías apostan por mantelas para o vacún, ovino e cabrún, cunha dotación semellante ao período 2014-2020. Con respecto aos ecoesquemas, mantense un rexeitamento aos inicialmente propostos polo Mapa, nos que se abordan principalmente problemas e realidades do centro e sur peninsular.
Couza da pataca
Por último, en resposta a outra pregunta sobre a couza guatemalteca da pataca, José Balseiros defendeu a transparencia e o rigor da Xunta na xestión desta praga. Así, sinalou que o Plan de Acción para a súa erradicación e control é público e pode consultarse na web da Consellería do Medio Rural. Ademais, trasladou que os concellos afectados teñen acceso a toda a información, xa que na comisión de seguimento creada ao efecto está presente a Federación Galega de Municipios e Provincias (Fegamp). En relación coas sancións por incumprimentos nesta materia, o director xeral indicou que entre o 2019 e o 2020 impuxéronse nos concellos afectados un total de 118 multas, por un importe total de algo máis de 65.000 euros.
O proxecto Xenoma Galicia, que conta cun investimento de 20 millóns de euros, ten por obxecto recompilar o ADN de 400.000 galegos para identificar os xenes relacionados co cancro de mama e ovario hereditario, a síndrome de Lynch e a hipercolesterolemia familiar. Ata o de agora, foron analizadas 3.112 mostras biolóxicas. En concreto, 1.037 mostras de sangue na primeira pilotaxe do proxecto, 796 de saliva no segundo piloto e, coa primeira fase do proxecto en marcha, 1.279 mostras dos voluntarios dos primeiros distritos participantes. A análise das mostras destes 1.279 participantes da fase 1 permitiu detectar 25 novos casos positivos. En concreto, 14 participantes deron positivo en cancro de mama e ovario hereditario, dous na síndrome de Lynch e nove en hipercolesterolemia familiar.
A Pedreira e Fillas de Cassandra estarán presentes no Womex 2026, o máis importante encontro mundial das músicas folk e de raíz que se celebra ata este domingo en Las Palmas de Gran Canaria. Trátase dunha iniciativa que ofrece aos artistas e ás empresas galegas un espazo para dar a coñecer o seu traballo ante programadores, festivais, axencias de contratación e outros profesionais de diferentes países. A artista foi escollida por un xurado internacional independente para formar parte dos Official Showcases, a selección oficial de concertos coa que Womex achega aos profesionais propostas das músicas do mundo.
