martes, 3 de noviembre de 2026
Con todo, Alfonso Rueda recordou na Cámara galega que Galicia ten hoxe en día outras prioridades que reclamar perante o Goberno central, como o cobro da débeda do IVE do ano 2017, os compromisos pendentes coas infraestruturas, o apoio ao tecido industrial e produtivo e a mellora dos servizos públicos do Estado na comunidade.
En concreto, o vicepresidente primeiro referiuse no Parlamento de Galicia á recente sentenza do Tribunal Supremo que deu a razón a Castela-León na súa reclamación do IVE pendente do ano 2017. Tendo en conta que Galicia fixo unha demanda similar, Rueda reiterou a necesidade de que o Goberno central devolva á Xunta os 204 millóns que lle corresponden antes de que se pronuncien os tribunais.
De convocarse a Comisión Mixta que reclama a Xunta, o Goberno galego esixirá novas transferencias sempre que sexan útiles e sempre que melloren a xestión, xa que a clave para mellorar o noso autogoberno non é ter máis competencias por ter, senón exercer as que se teñen, indicou Rueda.
Con ese obxectivo, Galicia esixirá a financiación necesaria para poder xestionar os traspasos, e para iso pediu ao Goberno central vontade de diálogo e acordos con Galicia deixando de lado agravios comparativos entre comunidades autónomas.
Respecto por Galicia e polo seu goberno
Alfonso Rueda subliñou que para que se dea ese diálogo ten que haber respecto por parte do Goberno central a Galicia, e lamentou que, en contra dese necesario talante, o Goberno que representa a todos os galegos non fose convocado á reunión que hoxe mantivo o secretario de Estado de Seguridade, Rafael Pérez, para acordar o plan de seguridade do Xacobeo 21-22. O autogoberno consiste en ser respectados, recalcou o vicepresidente.
Na negociación dos transferencias, o Goberno galego dará prioridade a demandas históricas como son o traspaso da AP-9 e o do dominio público marítimo-terrestre, sen esquecer outras pendentes desde hai máis dunha década ou as que xurdiron posteriormente.
Galicia é a terceira comunidade autónoma con máis traspasos acadados, cun total de 154 transferencias desde o ano 1978.
O Plan constitúe o primeiro documento estratéxico específico de Galicia dedicado á planificación, organización e desenvolvemento dos coidados paliativos pediátricos e nace coa finalidade de dar resposta ás necesidades propias desta poboación, garantindo unha atención adaptada ás características evolutivas da infancia e da adolescencia. O documento aprobado hoxe conta co aval científico da Sociedade de Pediatría de Galicia e da Sociedade Española de Coidados Paliativos Pediátricos e está dirixido á poboación pediátrica con enfermidades crónicas complexas e situacións susceptibles de atención paliativa. Articúlase arredor de catro liñas estratéxicas orientadas a fortalecer a organización asistencial e a dar resposta ás necesidades clínicas, emocionais e sociais dos pacientes pediátricos e das súas familias.
Galicia ocupa un lugar destacado nos Premios Nacionais de Investigación 2026, con cinco científicos galardoados. Tivo lugar o acto de entrega destes premios, celebrado no Palacio de Congresos de Europa, en Vitoria-Gasteiz. Os investigadores galegos que recibiron esta distinción son Ángel Carracedo, natural de Santa Comba, catedrático de Medicina na USC e director da Fundación Pública Galega de Medicina Xenómica; a compostelana Carmen Álvarez Lorenzo, catedrática da USC e directora do Instituto de Materiais da USC (iMATUS); e Laura Castro Santos, de Betanzos, catedrática da Escola Politécnica de Enxeñaría de Ferrol, pertencente á UDC.
