Noticias economia
Optimizar e incrementar as capacidades en investigación e transferencia de coñecemento é o obxectivo do convenio de colaboración que este martes 12 asinaron as tres universidades públicas galegas coa Consellaría de Cultura, Educación, Formación Profesional e Universidades. O acordo céntrase no reforzo de persoal de xestión da transferencia e a innovación, así como na consolidación de estruturas de investigación. Tal e como salienta o convenio, 'a transferencia de coñecemento é un dos mecanismos polos que o valor creado na universidade a través da investigación retorna á sociedade'. Pola súa contribución ao desenvolvemento e ao crecemento económico, 'a transferencia constitúe unha actividade fundamental para a Universidade'.
En 2022 creáronse na nosa Comunidade 142 cooperativas (a cifra máis elevada da serie histórica) con 542 socias e socios promotores, o 50% deles mulleres. Tamén 24 sociedades laborais, con 58 socias e socios (41% mulleres) e 7 centros especiais de emprego. Para seguir co pulo a este modelo que prima os beneficios colectivos e sociais sobre a rendibilidade económica, a conselleira recordou que se veñen implemantando medidas que se reforzarán en 2024. De feito, increméntase un 3% o presuposto neste apartado chegando aos máis de 43,6 millóns de euros, co propósito de avanzar -precisamente- na creación e consolidación de iniciativas de economía social, pero tamén co de incidir na súa difusión e na promoción do emprego inclusivo.
A conselleira de Promoción do Emprego e Igualdade, Elena Rivo, compareceu hoxe no Pleno do Parlamento galego para dar conta das medidas da Xunta co gallo de mellorar a situación laboral e económica da mocidade en Galicia. Unhas medidas que, segundo aseverou, contribuíron a que a taxa de paro entre as persoas de 24 a 29 anos pasase de representar o 19,6% en 2018 a situarse no 14,3% no último trimestre deste ano. Na súa intervención, a conselleira referiuse á mocidade como un colectivo prioritario en todas as políticas de emprego da Xunta, clave para garantir o futuro de Galicia.
A economía galega xa recuperou o PIB prepandemia no cuarto trimestre do ano 2021, tres trimestres antes que a media de España, segundo as contas económicas trimestrais do IGE como resultado da revisión das estimacións anuais do período 2020-2021 coas contas anuais, logo da xa realizada polo INE. En concreto, o PIB galego incrementouse un 7,6 % en 2021, 2,4 puntos máis do inicialmente estimado; e un 4,1 % en 2022, tres décimas superior ao estimado nun primeiro momento.Por outra banda, a economía galega medrou un 1 % no terceiro trimestre de 2023 en relación ao mesmo período do ano anterior, como se desprende da Información de Contabilidade trimestral publicada hoxe polo IGE. En canto á evolución intertrimestral, de xullo a setembro, foi do -0,3 %.
A conselleira de Infraestruturas e Mobilidade, Ethel Vázquez, subliñou hoxe que máis do 70 % dos autobuses que conforman a frota do transporte público autonómico conta coa etiqueta verde da categoría ambiental C e case o 22 % é eco. Vázquez Mourelle, co director xeral de Mobilidade, Ignacio Maestro, participou hoxe en Coirós na inauguración da primeira estación de servizo de Galicia con combustible 100 % renovable, impulsada por Repsol. A conselleira puxo en valor o compromiso do Goberno galego nese obxectivo común e compartido con Repsol pola descarbonización da mobilidade.
A nova estratexia Axenda Impulso Autónomo Horizonte 2027 rexerá as políticas públicas de apoio ao traballo autónomo durante os próximos anos. Farao a través dun marco que pretende fortalecer o ecosistema competitivo do traballo por conta propia e potenciar a calidade dos novos proxectos, tal e como puxo de relevo a conselleira de Promoción do Emprego e Igualdade, Elena Rivo, no acto da súa presentación celebrado na Fundación Laboral da Construción. A representante autonómica destacou que o documento foi resultado dun proceso participativo no que a Xunta colaborou coas principais entidades do colectivo representadas na Mesa do Emprego Autónomo (UPTA-Agtamar, ATA e APE).
A porcentaxe de poboación con vontade de emprender en Galicia durante os vindeiros tres anos sitúase no 8,5%, cifra que evidencia a "restauración da confianza" no fenómeno emprendedor e "permite prever un maior crecemento" deste tipo de actividade nos próximos anos. Ademais, a Taxa de Actividade Emprendedora (TEA) na comunidade galega elevouse ata o 5,4%, 0,6 puntos máis que en 2021, sendo o segundo valor máis alto dende 2010 e moi próximo ao acadado nos últimos dez anos (5,6% en 2018). Estas son algunhas das principais conclusións que achega o Informe GEM Galicia 2022-2023.
A Axencia Galega de Coñecemento en Saúde (ACIS) liderará o novo proxecto eurorrexional 'Transfiresaúde', un programa no que entidades galegas e do norte de Portugal colaborarán para fomentar a innovación e a transferencia de resultados en investigación biomédica. Xunto con ACIS, outros seis socios colaborarán no desenvolvemento dun proxecto que acaba de ser concedido polo Comité de xestión do Programa de Cooperación Interreg (POCTEP), para o impulso do ecosistema de I+D+i en saúde, e que contará cun orzamento superior os 1,8 millóns de euros. A súa duración estenderase durante os vindeiros 3 anos.
O presidente da Xunta, Alfonso Rueda, anunciou que o Consello aprobou hoxe o límite de gasto non financeiro da Comunidade Autónoma para o exercicio 2024, que ascende a 13.257 millóns de euros, un 5% máis que o orzamento do presente exercicio. É dicir, aprobamos un ano máis o teito de gasto máis alto da historia, resaltou. Rueda lembrou que a Conta Xeral de 2022 revela que a Xunta fixo ben os deberes na xestión dos recursos de todos os galegos cumprindo o obxectivo de déficit e débeda sen renunciar a ofrecer servizos de calidade. Pola súa banda, o conselleiro de Facenda e Administración Pública, Miguel Corgos, asegurou que o obxectivo do Goberno galego é dar certezas á cidadanía e ás empresas neste contexto económico.
Os clientes do comercio galego de proximidade poderán descargar e empregar desde este luns 9 de outubro o Bono Activa Comercio, ao que a Consellería de Economía, Industria e Innovación destina 2,5 millóns de euros co obxectivo de incentivar a demanda e atraer nova clientela aos establecementos de proximidade. A iniciativa, coa que se prevé mobilizar 8,5 millóns de euros en vendas, ten tamén por obxectivo contribuír a reducir o impacto da inflación das familias. Cada persoa poderá descargar na web www.bonosactivacomercio.gal un bono desconto de 30 euros para as compras que realicen nos comercios adheridos, que suman xa máis de 4.000.
O deputado Luís Bará demandou a retirada do plan de transporte da Xunta para dar paso a unha auténtica mesa de negociación e diálogo que deixe atrás a prepotencia e o escurantismo do departamento de Ethel Vázquez quen, reclamou, debe dimitir ou ser cesada. As propostas do BNG buscan unha solución á chapuza da Xunta.
O Grupo Popular defenderá a mellora da seguridade para os ciclistas nas estradas galegas e a devolución polos concellos das cantidades recadadas indebidamente polo imposto de plusvalías. Está previsto que o Pleno do Parlamento aprobe o proxecto de lei de actuacións de apoio ao crecemento económico e reforzo do gasto social.
O portavoz do Grupo Socialista, acusou ao goberno galego de afrontar as modificacións do plan de transporte por estrada para reservarse demasiado poder discrecional que pode utilizar con criterios políticos. Así o dixo na clausura da xornada parlamentaria sobre transporte na que se xuntaron a patronal, sindicatos, anpas e Fegamp.
Esta medida inscríbese na Estratexia do autónomo 2020, dotada con 40 millóns de euros anuais ata o final da década. Oito de cada dez euros dos fondos previstos para os autónomos ao longo de todo o ano activaranse en xullo xunto coa Oficina do autónomo e a bonificación na cota da Seguridade Social do empregado en caso de maternidade ou paternidade.
Abanca financia al Dépor para reestructurar su deuda y construir un proyecto más sólido y competitivo. El acuerdo permitirá reducir la presión de la deuda a amortizar cada temporada, permitiendo al Dépor elevar su tope salarial y reforzar la plantilla, y también hará viable varias reformas para el estadio.
Feijóo afirma que os proxectos, pertencentes a PSA Peugeot e a Televés e seleccionados tras unha convocatoria pública en concorrencia competitiva, permitirán atraer investimentos e avanzar no novo modelo industrial baseado na innovación; e fixar tecido industrial e crear postos de traballo de calidade e industrializar Galicia.
Eentregouse o certificado de uso de garantía da marca a esta empresa que vende as súas coleccións en todo o mundo combinando talento e aposta polo comercio intelixente. A firma pode empregar este selo para as coleccións Antiques e Apliables. Máis de 90 firmas de distintos sectores da economía galega contan xa con este selo.
Ponse en marcha tamén unha nova convocatoria de axudas dotada con 1,3 millóns de euros para impulsar a modernización e a mellora do imaxe do comercio galego. A directora xeral de Comercio e Consumo informou na Coruña da II edición desta iniciativa, cuxo prazo de presentación de solicitudes remata o 17 de agosto.
Unha delegación da Comisión de Recursos Naturais do organismo rexional visitou unha explotación gandeira e unha queixería, para coñecer de primeira man o sector da produción e a transformación do leite na nosa comunidade. Os responsables do Goberno galego insistiron na necesidade de simplificar a PAC e manter os apoios públicos para lograr incorporación de mozos ao agro.
Galicia defínese como un destino de contrastes con infinidade de posibilidades que fan dela un destino atractivo durante os 365 días do ano. O presidente da Xunta reuniuse co viceministro de Relacións Internacionais, Guo Yezhou e destacou atractivos como a Ruta da Camelia e a Muralla de Lugo, Patrimonio da Humanidade, irmandada coa Gran Muralla China desde 2007.
