viernes, 24 de abril de 2026
Na medida en que o ensanche concentra moitos negocios, a maioría das persoas entrevistadas teñen aquí situados os seus locais, seguidos daqueles que están na zona vella, matiza a investigadora que realizaou o traballo xunto a Silvia Pérez Freire, tamén da UVigo, e a investigadora predoutoral da USC, Irina Malyuchenko. A Cátedra do Camiño da USC é froito da colaboración con Turismo de Galicia.
Tal e como se desprende do estudo, a maioría da clientela son residentes do propio municipio e doutros municipios pertencentes á comarca de Santiago, e tamén unha mestura de consumidores locais e visitantes. Entre aqueles que proceden de fóra, son comúns as referencias a Portugal e Brasil, seguidas doutras nacionalidades europeas como Italia ou Alemaña, e tamén clientela procedente de Estados Unidos, países latinoamericanos, e do continente asiático, aínda que estes últimos foron referidos por un pequeno número de persoas, puntualiza Sara Torres.
Clientela habitual
Non existe un perfil de cliente non desexable de maneira clara porque todos son necesarios para manter a vida dos negocios, aínda que nalgún caso nárrase unha experiencia concreta non desexable, sinala a investigadora. A maioría dos establecementos considera a clientela local como a máis desexable por realizar compras continuamente, aínda que algúns aluden á clientela que procede do estranxeiro. Fóra da procedencia, fan constar que existe unha clientela apreciada que é a denominada clientela habitual que realiza compra para a familia e os estudantes universitarios.
A maioría das persoas entrevistadas non percibe cambios significativos durante a tempada turística, en parte porque esta xa non é tan estacional como antes e hai turistas e visitantes ao longo de todo o ano, aínda que a intensidade varía segundo as épocas. Porén, consideran que a chegada de visitantes non afecta significativamente a oferta que realizan nos seus propios establecementos, pero si a do resto, confirmando que o turismo modifica a oferta de produtos e servizos, destaca a investigadora. Con todo, de maneira xeral, os e as entrevistadas non identifican un produto ou servizo estrela e, cando o fan, non refiren un produto turístico, agás na hostaleira.
De forma maioritaria, as persoas entrevistadas opinan que a zona vella non debería reservarse principalmente para o turismo. Isto só contribuiría a facer deste espazo un parque temático e perder a esencia da cidade, afirma a investigadora tomando como base as respostas recollidas. Santiago é algo mais que o destino ao final do Camiño, é unha cidade onde os residentes viven, os visitantes diarios (procedentes doutros municipios da comarca) e os visitantes de longa duración (estudantes universitarios) mercan produtos e demandan servizos profesionais e hostaleiros; sen obviar que o turismo peregrino como destino final e o turismo xeral como destino cultural ou urbano demanda, consome e gasta nos establecementos da cidade, conclúe o estudo.
A autora
Sara Torres tamén é membro do grupo GALABRA da USC. Licenciada en Ciencias Políticas (2011) pola Universidade de Santiago de Compostela, doutorouse con mención internacional en Ciencias Políticas e da Administración (2016) na mesma universidade, coa tese titulada Iniciativas para o mantemento comercial dos cascos históricos. Zona Monumental Pontevedra 1989-2015.
Ferrol é a primeira das 13 citas co libro e a lectura que terán os galegos e galegas en diferentes vilas e cidades das catro provincias. Tras esta cidade, recollerá o relevo Santiago de Compostela, do 2 ao 10 de maio; Lugo, do 13 ao 17 de maio; O Porriño, do 14 ao 17 de maio; Redondela, do 11 ao 14 de xuño, e Ourense, do 17 ao 20 de xuño. Xa no mes de xullo, Vigo abrirá o día 1, prolongándose ata o día 7, continuando en Ponteareas, desde o día 9 ata o 12, e en Rianxo do 23 ao 26. Finalmente, en agosto, as Feiras do Libro viaxarán ata A Coruña, do 1 día ata o 10; Viveiro, do día 13 ao 19; Foz do 20 ao 23, e rematarán en Monforte de Lemos, onde se celebrará do día 26 ao 29 de agosto.
O número de persoas en Galicia que le ocasional ou habitualmente na nosa lingua medra en case nove puntos ata acadar o 72 %, isto é, sete de cada dez galegos. Ademais deste incremento do 13 por cento na lectura ocasional ou habitualmente en galego con respecto ao ano anterior, o estudo de 2025 tamén revela a consolidación dunha Galicia lectora, reflectida no sindicadores que sinalan que o 96,5 % da poboación maior de 14 anos le en calquera medio e soporte, o que sitúa a nosa Comunidade nun 1,4% por enriba da media de España. Ademais, o 70 % destas lecturas son de libros.
