viernes, 6 de noviembre de 2026
Esta medida dálle continuidade á impulsada o ano pasado pola Xunta para reducir á metade a suba establecida para 2022 e conxelar as tarifas que se aplicaron en 2023 co fin de mitigar o impacto na economía das familias por mor da crise enerxética, de abastecemento e de prezos de materiais.
Dada a incerteza no contexto de prezos e polo tanto no custo da vida cara ao ano 2024, e tendo en conta que o incremento do IPC suporía o aumento do 3,3 % das tarifas das autoestradas autonómicas, o Goberno galego volve efectuar a conxelación das peaxes para o vindeiro exercicio.
Deste xeito, as peaxes en AG-55 e AG-57 manteñen as tarifas vixentes para os distintos itinerarios, beneficiándose do efecto desta medida nos diferentes treitos.
Bonificacións
Este convenio hoxe aprobado posibilitará continuar tamén coa aplicación das distintas liñas de bonificacións impulsadas pola Xunta nas autoestradas autonómicas, que seguirán sendo as máis baratas de Galicia e das máis económicas de España.
O Goberno galego ampliou no ano 2021 o desconto do 25 % da volta, e do 50 % na segunda volta, aos usuarios recorrentes ata as 24 horas posteriores á realización da viaxe de ida.
Con esa modificación, estendeuse ás 24 horas despois do traxecto de ida o desconto do 25 % da viaxe de volta, e do 50 % na segunda viaxe de volta. Reforzouse, así, o anterior período de bonificación que establecía que a volta debía realizarse no mesmo día natural que a ida, favorecendo as persoas que se desprazan por estas vías para acceder aos servizos públicos ou acceder ao seu lugar de traballo.
Tamén están en vigor a bonificación ás familias numerosas nas estradas autonómicas, descontando o 100 % da viaxe de volta a este colectivo.
Estes descontos son compatibles con outras bonificacións en funcionamento como a rebaixa do 50 % en horario nocturno.
Aforros para as persoas usuarias
O presidente da Xunta salientou que a posta en marcha da conxelación de tarifas e das bonificacións para usuarios recorrentes nas autoestradas autonómicas permitirá, por exemplo, que un usuario habitual da autoestrada Vigo-Baiona aforre uns 235 en 2024, unha cifra que se eleva ata os 343 no percorrido A Coruña-Carballo.
No caso de que se traten de viaxes nocturnas ou de familias numerosas, o aforro será aínda maior. Así, por exemplo, un membro de familia numerosa aforrará case 560 no ano 2024 no percorrido Vigo-Baiona e máis de 800 no percorrido A Coruña-Carballo, precisou o titular do Executivo galego.
No período entre 2022 e 2024, un usuario habitual da autoestrada Vigo-Baiona terá aforrados uns 570 ao final do vindeiro ano, entre os tres exercicios, e ata 814 no traxecto A Coruña-Carballo. Se se trata dunha familia numerosa, o aforro aumentará a 1.527 para a o itinerario Vigo-Baiona e a 2.280 para A Coruña-Carballo.
Mesma reclamación ao Goberno central para as autoestradas estatais AP-9 e AP-53
O presidente da Xunta animou ao Goberno central a seguir o mesmo exemplo da Comunidade galega nas autoestradas de titularidade estatal, como é o caso da AP-9 e da AP-53, sobre a que advertiu que é a máis cara da España. Igual que hai unha peaxe na sombra no treito autonómico da conexión entre Santiago e Ourense, na AG-53, entre Dozón e Ourense, pedímoslle ao Goberno de España que faga exactamente o mesmo no treito estatal desa conexión, entre Santiago e Dozón, argumentou o mandatario galego.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur. De feito, destacan os altos rexistros acadados entre os días 9 e 15.
A Xunta de Galicia puxo en marcha a campaña de inmunización fronte á gripe e a COVID, que este ano incorpora como principais novidades a extensión da vacina antigripal de alta carga ás persoas de 65 a 69 anos e a ampliación do proxecto piloto de vacinación nos colexios a 75 centros educativos. O inicio oficial tivo lugar nun acto nas residencias de maiores e centros de discapacidade, o colectivo polo que arranca tradicionalmente a campaña debido á vulnerabilidade deste grupo fronte ás infeccións respiratorias.
