Noticias cultura
O Actor Tamár Novas, o Director Jorge Coira ou o dramaturgo Sergi Belbel, entre outros, falarán de creación, actuación e creación de ficción en Galicia. Forma parte do amplio programa organizado para conmemorar o 30 aniversario de Achádego Teatro. Todas as conferencias terán lugar no Auditorio do Vello Cárcere de Lugo ás 20:00 e ás 18:00. Achádego Teatro quere celebrar esta especial festa do teatro invitando a reflexión sobre a situación actual da actuación, producción, e escritura en ficción. Para iso organiza estas 'Xornadas teatrais' nas que participan un total de 10 ponentes relacionados co mundo da actuación.
Ás oito da tarde, cando morren as nais, de AveLina Pérez, é a obra gañadora do XXIV Premio Álvaro para textos teatrais, o máis lonxevo do seu ámbito en Galicia e un dos referentes da escrita dramática en galego. Así o decidiu o xurado dos galardóns literarios que convoca a Consellería de Cultura e Turismo, a través da Axencia Galega das Industrias Culturais (Agadic), e que tamén recoñeceu Somos os monstros, de Paula Carballeira, co X Manuel María de literatura dramática infantil.
A xuntanza, que dá continuidade aos traballos iniciados no Pleno da Comisión, permitiu acordar a definición das liñas estratéxicas do vindeiro Ano Santo, paso previo á redacción do Plan Estratéxico do Xacobeo 2021. Estas liñas estratéxicas deberán perseguir o obxectivo xeral de potenciar e actualizar a marca Galicia, reforzando a proxección internacional do noso país, impulsando a renovación da oferta galega e consolidando Galicia como un destino único, referente cultural e turístico. A Comisión Executiva do Xacobeo 2021 informou das últimas decisións aprobadas a nivel nacional no Consejo Jacobeo.
O Centro Galego de Arte Contemporánea (CGAC) inaugurou Without, a nova mostra temporal dedicada neste caso a un dos artistas portugueses máis reputados na actualidade, o lisboeta Julião Sarmento. O traballo de Julião Sarmento formalízase desde o fronteirizo. Moitas das súas obras conteñen imaxes de imaxes e están relacionadas entre si, aínda que funcionen de maneira independente. Toda a obra de Julião Sarmento proxecta unha sensación cinematográfica, porque no que vemos sempre intuímos algo que se mantén ausente, fóra de escena.
PortAmérica, Resurrection Fest, Atlantic Fest, Vive Nigrán, Sinsal SON Estrella Galicia, 17º Ribeira Sacra, SonRías Baixas, Revenidas, Festival de la Luz e WOS Festival son os 10 eventos asociados a esta primeira temporada de FEST Galicia. Os 10 festivais de verán asociados este ano á marca FEST Galicia congregaron preto de 200.000 asistentes, que foron así mesmo os receptores das diferentes actividades de promoción e concienciación desenvolvidas baixo esta iniciativa.
O mestre do cinema xaponés Yasuzô Masumura é obxecto desde hoxe e ata finais e mes dunha retrospectiva no Centro Galego de Artes da Imaxe (CGAI)-Filmoteca de Galicia, que lle ofrece ao público galego seis títulos claves na súa extensa filmografía. Organizado en colaboración coa Filmoteca Española e Japan Foundation, o ciclo Yazusô Masumura. Retratos ao límite busca afondar na particular ollada, en ocasións extrema e fóra do convencional, dun cineasta referente en Xapón, pero pouco coñecido en Occidente.
O Congreso Internacional de Arqueoloxía do Ouro, un evento organizado polo Centro de Estudos de Historia da Cidade da USC en colaboración co Museo Provincial de Lugo co gallo da celebración do 70 aniversario do museo lugués, congregará do 7 ao 9 de novembro na capital amurallada a expertos internacionais en ourivería antiga. Este evento monográfico sobre arqueoloxía do ouro en Galicia, para o que xa se cubriron as 140 prazas de matrícula ofertadas, servirá para poñer en valor a importancia da ourivería tradicional galega, tesouros herdados das poboacións castrexas e romanas.
O Centro Galego de Artes da Imaxe (CGAI)-Filmoteca de Galicia e o Centro Galego de Arte Contemporánea (CGAC) comparten nesta recta final do ano un programa de proxeccións, conversas e instalacións arredor da videocreación galega, que arranca esta mesma tarde na sede coruñesa do CGAI. Este é o primeiro dos ciclos do proxecto Mirada país, a través do que a Consellería de Cultura e Turismo busca poñer en valor a potencialidade da creación audiovisual galega, fóra dos xéneros e canles de exhibición máis convencionais. Este primeiro ciclo de Mirada país articúlase arredor de catro sesións de proxeccións e debates con algúns dos videocreadores programados.
A XXIV edición do Premio San Clemente Rosalía-Abanca, convocado pola Asociación Cultural Instituto Rosalía de Castro e Abanca co apoio da Secretaría Xeral de Política Lingüística, xa ten gañadores. Na modalidade de novela en galego, fíxose co galardón Marcos Calveiro coa obra O xardineiro dos ingleses, coa que xa obtivera tamén o Premio García Barros do Concello da Estrada. Nas variantes de novela en castelán e en lingua estranxeira, os vencedores foron Pedro Mairal, con La uruguaya, e Han Kang, con A vexetariana, respectivamente.
O programa de coproducións do Centro Dramático Galego (CDG) presenta a vindeira fin de semana en Santiago a estrea galega de Anarquismos (polo medio da habitación corre un río máis claro), espectáculo escrito e dirixido por Pablo Fidalgo, que se representará no Salón Teatro do 2 ao 4 de novembro, con funcións ás 20,30 h. o venres e sábado e ás 18,00 h. o domingo. Trátase da terceira coprodución da compañía pública que sube ao seu escenario neste inicio da temporada 2017-2018, que arrancou coa estrea de Arnoia, Arnoia. O circo da casa pequena, de Pistacatro, á que seguiu o regreso de Elisa e Marcela, de A Panadaría.
A XXXIII edición da 'Xuntanza Internacional de Gaiteiros"', evento declarado de Interese Turístico e Cultural, reunirá o vindeiro sábado no castelo de Monterrei a músicos de Galicia, Asturias, Escocia, Irán, India e Xapón. Esta edición será en memoria do insigne mestre gaiteiro-artesán Antón Varela 'Tonecho'. A presentación desta celebración tivo lugar no Pazo Provincial de Ourense.
Nace o portal Universo Cantigas, que presenta a edición crítica dixital da lírica profana galego-portuguesa, a continuar o traballo realizado nos anos 2010-2015 para o Glosario (http://glossa.gal). Desde o 17 de maio xa se poden consultar no enderezo universocantigas.gal os primeiros 150 textos coa perspectiva de chegar ás 640 cantigas en decembro de 2018; isto é, a primeira sección (cantigas de amor grosso modo) das cantigas galego-portuguesas.
Presentouse no embarcadoiro de Doade o Festival 17º Ribeira Sacra, que se celebra co apoio da Deputación de Lugo. No acto participaron representantes da Deputación e de varios concellos, e o director do festival, Carlos Montilla. O festival terá lugar do 27 de xullo ao 5 de agosto en espazos e lugares emblemáticos de Monforte de Lemos, Chantada, Sober, Ourense, Castro Caldelas, A Teixeira e Negueira de Ramuín.
Organizados pola Academia co respaldo das catro deputacións galegas, co obxectivo de avivar o interese polos estudos sobre o audiovisual, estes premios ofrecen ás persoas estudosas e investigadoras a posibilidade de facer os seus traballos en formato audiovisual ou escrito. Levan ademáis o nome dunha xornalista que foi a primeira directora dun xornal diario estatal e que exerceu como crítica, investigadora e colaboradora de producións audiovisuais.
O alcalde da Coruña, Xulio Ferreiro, inaugurou nos Xardíns de Méndez Núñez, a exposición itinerante Picasso. A viaxe do Guernica, unha proposta da Obra Social Caixa que se poderá visitar até o 20 de xuño 'e que supón unha oportunidade para profundar no coñecemento do Guernica e nos procesos creativos dun dos artistas máis destacados da historia, así como para achegarnos á nosa propia historia'.
Concertos exclusivos con ukelele, charlas, obradoiros infantís, mercadillo de deseño, zona de xantar con postos de comida ou intervencións artísticas en directo son algunhas das propostas que se poderán gozar este fin de semana dentro do Castelo de Ribadavia con motivo do Ukp Day, o primeiro festival de ukelele de Galicia. O 2 de xuño a iniciativa celebra a súa terceira edición, consolidándose como o primeiro festival de música que abre a tempada festivalera de verán.
Arantxa Portabales, Francisco X. Fernández Naval y Marcos Calveiro son los finalistas gallegos de la XXIV edición del Premio San Clemente Rosalía-Abanca, por las obras 'Deixe a súa mensaxe despois do sinal', 'Alba e o mar' y 'O cemiterio dos ingleses', respectivamente, las tres editadas por Galaxia. Los finalistas en lengua castellana y extranjera son Pedro Mairal, David Trueba , Antonio Orejudo, Robert Seetheler, Han Kan y Mircea Cărtărescu.
Galicia Calidade volve colaborar co Festival de Cans, que se celebra do 24 ao 27 de maio nesta localidade do Porriño (Pontevedra), difundindo entre o público asistente a importancia de contar con produtos certificados. Deste xeito, ás 11.30 horas, na Leira de Alicia, o barista e recentemente galardoado como mellor tirador de Galicia de cervexa e terceiro do mundo, Óscar de Toro, fará unha degustación de café.
A Asociación de Amigos do Camiño de Santiago na provincia de Lugo, celebrou o Día das Letras Galegas á beira do Mar Morto, en Xordania, no decurso dunha viaxe cultural na que participaron 66 lucenses. O xornalista Xulio Xiz, membro desta Asociación, na súa intervención, fixo historia do Día das Letras desde a súa creación en 1963, ata o momento actual, subliñando os especiais méritos de María Victoria Moreno.
A entrega á USC da biblioteca persoal de Ramón del Valle-Inclán, así como do arquivo familiar, documentación sobre representacións teatrais das obras do autor, traducións e outros documentos diversos permite unha imaxe da totalidade respecto de Valle-Inclán e, en definitiva, o acceso ao taller do escritor. Con esta metáfora, a directora da Cátedra Valle-Inclán, Margarita Santos Zas, describía a importancia da cesión á USC do legado do escritor.
