jueves, 10 de julio de 2025
Tamén fará posible afondar no coñecemento dos primitivos procesos de explotación aurífera desde as Médulas ata a conca mineira da ribeira do Sil, segundo sinalou a catedrática de Historia da Arte da USC e directora do Centro de Estudos de Historia da Cidade, Ana Goy Diz.
Estruturado en catro sesións temáticas: Terra auris, paisaxe aurífera e circulación do ouro; Tecnoloxía da ourivería antiga: contribucións do ouro; Arqueoloxía do ouro. Presente e futuro da investigación en ourivería antiga, e O ouro e os sentidos: A ourivería como símbolo, relación de identidade, xénero, poder/prestixio, este congreso internacional sobre arqueoloxía do ouro antóllase tamén como un foro acaído para salientar tamén o interese engadido que outorga a estas pezas ou xoias de ourivería o seu valor documental e informativo.
A directora do Centro de Estudos de Historia da Cidade da USC salientou asemade a pertinencia de celebrar este congreso científico na cidade amurallada, dado que o Museo Provincial de Lugo conta na actualidade coa colección de Álvaro Gil, a colección de ourivería máis importante de todas cantas hai documentadas en Galicia e a única que está declarada como Ben de Interese Cultural en 2015. Esta mostra inclúe pezas datadas entre o III milenio a.C. ata o s.VI d.C. Un conxunto de 56 pezas que se exhiben na sala 8 do Museo Provincial de Lugo, unhas dependencias que actualmente están en fase de remodelación museográfica. Contén torques, brazais, arracadas e pulseiras procedentes de todo o territorio galego. Inclúe xoias como o Torques de Burela, que é o máis grande atopado en Galicia, unha xoia de case dous quilos encontrada no ano 1945 nun castro de dito municipio mariñán.
Presentación do congreso
O Congreso Internacional de Arqueoloxía do Ouro botará a andar este mércores 7 de novembro, a partir das 19.00 horas, no Salón de Actos da Deputación Provincial de Lugo, coa celebración dun acto institucional de inauguración deste simposio, unha sesión na que participarán, entre outras autoridades, a vicerreitora de Coordinación do campus de Lugo, Montserrat Valcárcel Armesto; o vicepresidente da Deputación de Lugo, Álvaro Santos; a subdelegada do Goberno en Lugo, Isabel Rodríguez López; a deputada provincial delegada da área de Cultura, Pilar García Porto, e Aurelia Balseiro, directora do Museo Provincial de Lugo.
Unha vez remata a presentación do evento, o profesor de Arqueoloxía Científica na Universidade de Cambridge Marcos Martinón-Torres, ofrecerá o relatorio inaugural do congreso, unha intervención que se desenvolverá baixo o título O ouro de El Dorado: verdades e mentiras sobre unha historia lexendaria.
O programa de relatorios no que está estruturado o congreso, en cuxo comité científico figuran ademais de Ana Goy Diz e Marcos Martinón-Torres, Aurelia Balseiro, Xosé Lois Armada, e Bea Comendador, desenvolverase os días 8 e 9 de novembro en quenda de mañá e tarde.
O Festival Abanea celebrará entre o 16 e o 20 de xullo a súa cuarta edición cun programa de danza contemporánea de distintos estilos que distribuirá 15 funcións de nove compañías entre os concellos de Ames, Outes, Marín, Foz e Celanova. ISMO Cultura, colectivo organizador do encontro, estenderá así a súa actividade de exhibición e dinamización ás catro provincias. A bailarina Andrea Castro presentou a primeira fase do espectáculo Lola y los lamentos, como artista seleccionada para o acompañamento bienal 20252026 co que o festival apoia procesos de creación de artistas emerxentes e que nesta edición terá como resultado a estrea de 'A mona de seda'.
As diversas actividades do festival terán lugar do 28 de xullo ao 1 de agosto no claustro do Mosteiro de San Salvador de Celanova. A actuación que inaugurará a cita será a da Banda de Música de Celanova con James Morrison, un concerto único en España que terá lugar ás 20,30 horas. Ademais deste, subirán ao escenario a Boston Brass de Estados Unidos, Abraham Cupeiro coa Orquestra Gaos e pechará a edición o Hércules Brass Ensemble dirixido por Isabel Rubio e coa Boston Brass e Adam rapa como solistas. Así, os concertos complementaranse con cinco días de actividades formativas para un centenar de estudantes procedentes de distintas comunidades autónomas. Clases de alto nivel da man dalgúns dos participantes nas actuacións e un seguimento continuo e individualizado que garante un acompañamento pedagóxico para o alumnado que xa leva participado en varias edicións consecutivas do festival.
