miércoles, 9 de julio de 2025
O conselleiro de Cultura e Turismo, Román Rodríguez, presidiu hoxe a reunión da Comisión Executiva da Comisión Organizadora do Xacobeo 2021, integrada por representantes de diferentes departamentos da Xunta, da Igrexa e do Concello de Santiago de Compostela. A xuntanza, que dá continuidade aos traballos iniciados no Pleno da Comisión, permitiu acordar a definición das liñas estratéxicas do vindeiro Ano Santo, paso previo á redacción do Plan Estratéxico do Xacobeo 2021.
Estas liñas estratéxicas deberán perseguir o obxectivo xeral de potenciar e actualizar a marca Galicia, reforzando a proxección internacional do noso país, impulsando a renovación da oferta galega e consolidando Galicia como un destino único, referente cultural e turístico.
A Comisión Executiva do Xacobeo 2021 informou das últimas decisións aprobadas a nivel nacional no Consejo Jacobeo, nas que Galicia tivo un destacado papel. Neste sentido, o conselleiro anuncio que este xoves o Consello da Xunta abordará as concrecións do programa de bonificacións fiscais en Galicia para os patrocinadores deste evento. O Consejo Jacobeo autorizou xa as desgravacións, que poderán aplicarse ao longo dos tres próximos anos.
Proxecto compartido e transversal
Entendido como unha verdadeira ferramenta transformadora, Román Rodríguez apostou por unha axeitada planificación e participación arredor do Xacobeo 2021, tendo en conta o seu carácter transversal e a sustentabilidade como premisa. Ao respecto, lembrou que a Comisión Organizadora do Xacobeo 21 forma parte dunha arquitectura sólida que non deixa espazo á improvisación e que é compartida entre a sociedade e as principais institucións do país.
Para ampliar o alcance desta celebración e a súa vontade participativa, avanzou que entre as iniciativas previstas para 2019 atoparase O teu Xacobeo, unha convocatoria de proxectos aberta a toda a cidadanía, dotada con 2 millóns de euros, que permitirá a calquera persoa ou entidade propoñer proxectos de interese en materia cultural, social ou deportiva, entre outros.
En paralelo, como debullou polo miúdo a comisaria do Xacobeo 2021, Cecilia Pereira, impulsarase a rehabilitación do patrimonio etnolóxico do Camiño de Santiago, contribuíndo así á conservación deste importante legado, poñéndoo a disposición tanto dos galegos como dos peregrinos e turistas en xeral. Do mesmo xeito, darase continuidade ás accións de promoción e dinamización cultural en colaboración co tecido propio da Comunidade.
Catro eixos de actuación
A Comisión Executiva da Comisión Organizadora do Xacobeo 2021, que conta con oito membros, informou tamén sobre a aprobación dos plans e programas da conmemoración do Ano Santo por parte do Consejo Jacobeo, que incorporou todas as achegas de Galicia.
Este último órgano, que agrupa a diferentes ministerios e comunidades autónomas, acordou cinco obxectivos prioritarios desta celebración, común a todas as administracións participantes. Entre eles atópase destacar a riqueza cultural natural e humana do Camiño de Santiago; invitar ao diálogo arredor deste Gran Itinerario Cultural Europeo; promover o patrimonio cultural xacobeo como fonte de inspiración para a creación artística contemporánea; impulsar o desenvolvemento das áreas rurais do Camiño de Santiago e fomentar o coñecemento do patrimonio relacionado coa Ruta Xacobea, particularmente entre os máis novos.
Sobre esta base, os plans e programas articularanse en catro eixes: plan de dinamización cultural, plan de dinamización turística e acollida ao visitante, plan de investigación e plan de patrimonio e legado. Á hora de incluír unha actividade entre estes programas, valorarase especialmente a relación que a actividade garde co Camiño de Santiago, a orixinalidade, rigor e relevancia da súa achega aos fins da conmemoración e a súa viabilidade económica.
Traballo coordinado
O decreto 4/2018, do 11 de xaneiro, polo que se crea a Comisión Organizadora do Xacobeo 2021 establece no seu artigo 10 que o seu funcionamento se levará a cabo a través do Pleno e da Comisión Executiva, que hoxe reuniuse no Centro Internacional de Acollida ao Peregrino.
O funcionamento da Comisión Executiva vén determinada polo artigo 9, que lle encomenda con carácter xeral, a realización de funcións de proposta, preparación e desenvolvemento de actuacións concretas nos termos que defina a Comisión Organizadora.
O Festival Abanea celebrará entre o 16 e o 20 de xullo a súa cuarta edición cun programa de danza contemporánea de distintos estilos que distribuirá 15 funcións de nove compañías entre os concellos de Ames, Outes, Marín, Foz e Celanova. ISMO Cultura, colectivo organizador do encontro, estenderá así a súa actividade de exhibición e dinamización ás catro provincias. A bailarina Andrea Castro presentou a primeira fase do espectáculo Lola y los lamentos, como artista seleccionada para o acompañamento bienal 20252026 co que o festival apoia procesos de creación de artistas emerxentes e que nesta edición terá como resultado a estrea de 'A mona de seda'.
As diversas actividades do festival terán lugar do 28 de xullo ao 1 de agosto no claustro do Mosteiro de San Salvador de Celanova. A actuación que inaugurará a cita será a da Banda de Música de Celanova con James Morrison, un concerto único en España que terá lugar ás 20,30 horas. Ademais deste, subirán ao escenario a Boston Brass de Estados Unidos, Abraham Cupeiro coa Orquestra Gaos e pechará a edición o Hércules Brass Ensemble dirixido por Isabel Rubio e coa Boston Brass e Adam rapa como solistas. Así, os concertos complementaranse con cinco días de actividades formativas para un centenar de estudantes procedentes de distintas comunidades autónomas. Clases de alto nivel da man dalgúns dos participantes nas actuacións e un seguimento continuo e individualizado que garante un acompañamento pedagóxico para o alumnado que xa leva participado en varias edicións consecutivas do festival.
