domingo, 5 de mayo de 2024
Neste caso, Anarquismos chega a Santiago desde Bilbao, onde a peza foi estreada o pasado día 23 no marco do BAD (Bilbao Antzerkia Dantza-Festival de Teatro Actual e Danza Contemporánea), outra das entidades implicadas nesta coprodución internacional que conta tamén con apoios desde Portugal, Francia, Chile ou Italia.
A proposta
O creador vigués Pablo Fidalgo aborda na súa nova proposta a historia da anarquía, que nas súas palabras tivo en España o laboratorio máis importante de toda a xeografía mundial. Os performers Ángela Millano, Cláudio da Silva e Rocío Berenguer poñen en escena o soño dun home adulto, que rememora a casa e os tres compañeiros cos que compartiu os seus primeiros anos de xuventude. Trátase dunha peza sobre a ausencia, os soños, o medo e o silencio que teñen lugar en calquera grupo ou núcleo familiar, ao tempo que debuxa as expectativas dunha xeración que enfronta por primeira vez os seus erros e a súa falta de proxecto común.
Estruturada como un poema épico e como un retrato de grupo, Anarquismos (polo medio da habitación corre un río máis claro) inspírase na visión dos vencidos, dos marxinais e nos instantes decisivos onde aqueles que tiveron ideas ou utopías en común deixan de telas.
No Salón Teatro, o público situarase nunha grada sobre o escenario, con butacas sen numerar e capacidade limitada a 56 espectadores que poderán seguir máis de preto os movementos dos intérpretes sobre as táboas. A venda anticipada de entradas xa está dispoñible no web entradas.abanca.com e no teléfono 902 434 443. Os días de función, o despacho de billetes do teatro estará aberto desde dúas horas antes do inicio do espectáculo.
Nova coprodución co CDG
O CDG volve colaborar con Pablo Fidalgo a través do seu programa de coproducións, dentro do que o ano pasado levou a escena Daniel Faria, sobre a figura deste autor e monxe portugués, considerado un dos mellores poetas lusos do século XX.
Para Anarquismos (polo medio da habitación corre un río máis claro) contou con Cláudia Rodríguez no deseño da iluminación (xunto co propio Pablo Fidalgo) e a dirección técnica, Flora Detraz na asistencia de coreografía, João Bento no deseño de son, Amalia Area na produción executiva e na asistencia de dirección, e O Rumbo de Fumo, estrutura lisboeta de creación e produción coreográfica, na dirección de produción e difusión.
Precisamente neste espazo portugués desenvolveu unha residencia artística para a creación o seu novo espectáculo, que ademais do CDG e o BAD de Bilbao, coproducen o Maria Matos Teatro Municipal de Lisboa, o Théâtre de la Ville de París, o Teatro Municipal do Porto, MA Scène Nationale-Pays de Montbéliard (Francia) e Le Granit Scène Nationale de Belfort (Francia).
Tras as súas representacións en Santiago, Anarquismos porá rumbo cara á Sala Cuarta Pared de Madrid, onde se poderá ver do 15 ao 17 de novembro dentro da programación do Festival de Otoño. Para o ano que vén ten xa confirmadas funcións no Teatro Municipal Rivoli do Porto (25 e 26 de xaneiro) e no Espace Cardin do Théâtre de la Ville de París (do 16 ao 18 de maio).
Director destacado
Director artístico do Festival Escenas do Cambio, organizado en Santiago pola Cidade da Cultura, Fidalgo ten representado os seus traballos en países como Alemaña, Francia, Italia, Polonia, Brasil, Chile, Cuba, Guatemala, México e Uruguai, ademais de en escenarios e festivais de toda España e Portugal, onde a súa montaxe Habrás de ir a la guerra que comienza hoy foi elixida como mellor espectáculo de 2015 polo diario luso Público.
Como poeta, foi merecedor do premio Injuve co libro La retirada (2012) e ten recibido, así mesmo, excelentes críticas con La educación física (2010), Mis padres: Romeo y Julieta (2013) e Esto temía, esto deseaba (2017).
Máis de 3.000 alumnos e alumnas, tras ler as obras finalistas, emitiron as súas valoracións para escoller as obras gañadoras das sete categorías. Os títulos seleccionados na categoría Infantil foron Caderno de cores e cancións, de Magín Blanco e Sonia García, como ilustradora, e está editado por Galaxia. Na de primeiro e segundo curso de Educación primaria foi distinguido Violeta parapluie e outras historias de xente pouco corrente de Ramón D. Veiga, publicada por Edicións Embora. Na segunda categoría distinguiuse A pulga espacial de Xabier Domínguez e Alba de Evan.
A Xunta publica a consulta previa para unha nova Lei de servizos dos medios públicos de comunicación audiovisual de Galicia para a sociedade dixital, que se adecúe á normativa europea e á realidade que trouxeron consigo os cambios tecnolóxicos dos últimos anos. As modificacións introducidas pola Directiva comunitaria 2018/1808, polo Regulamento comunitario 2024/1083 e pola recente Lei 13/2022 xeral de comunicación audiovisual, xunto cos avances tecnolóxicos, obrigan a reconsiderar o vixente texto legal.
