Noticias sociedad
Tivo lugar en Santiago de Compostela unha reunión previa para a constitución da Alianza industrial do hidróxeno verde, para sentar as bases para que Galicia poida mobilizar toda a capacidade instalada arredor do hidróxeno verde co obxectivo de impulsar a cadea de valor e xerar pegada industrial. Na reunión, ademais da Xunta, estiveron representantes da Asociación Galega do Hidróxeno, as autoridades portuarias da Coruña, Vigo e Ferrol, Atiga, Cluergal, Asime, Ceaga, Aclunaga, o Clúster da Función Loxística e as tres universidades públicas.
A conselleira de Promoción do Emprego e Igualdade, María Jesús Lorenzana, afirmou hoxe no Pazo do Hórreo, que Galicia rematará 2022, o horizonte do actual Pacto de Estado contra a Violencia de Xénero, co 100% das medidas previstas cumpridas. O seu departamento, asegurou, levará ante a Cámara o informe anual de execución destes compromisos e está a elaborar un balance dos cinco anos de vixencia do Pacto que presentará tamén no Parlamento. Lorenzana aproveitou a intervención para referendar o compromiso da Xunta co conxunto da sociedade galega, coas mulleres e coas vítimas.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 1.634, deles 273 son da área da Coruña, 217 da de Lugo, 424 da de Ourense, 115 da de Pontevedra, 246 da área de Vigo, 232 da de Santiago e 126 da de Ferrol. Do total de pacientes positivos, 12 están en UCI, 175 en unidades de hospitalización e 1.447 no domicilio. Polo de agora, en Galicia hai un total de 680.319 persoas curadas, rexistrándose 3.961 falecementos. O número de PCR realizadas é de 4.005.063. O número de doses de vacina contra a covid-19 administradas é de 7.472.624.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 1.708, deles 296 son da área da Coruña, 219 da de Lugo, 370 da de Ourense, 150 da de Pontevedra, 246 da área de Vigo, 265 da de Santiago e 158 da de Ferrol. Do total de pacientes positivos, 6 están en UCI, 170 en unidades de hospitalización e 1.532 no domicilio. Polo de agora, en Galicia hai un total de 679.517 persoas curadas, rexistrándose 3.955 falecementos. O número de PCR realizadas é de 4.001.531. O número de doses de vacina contra a covid-19 administradas é de 7.456.976.
A CdC súmase á reivindicación do Día Internacional da Eliminación da Violencia contra a Muller cunha programación para rachar cos roles de xénero, axudar a detectar e combater actitudes e comportamentos nocivos que afectan a mulleres e nenas en todo o mundo e favorecer a construción de relacións sas en igualdade. Do 22 ao 26 de novembroo Gaiás ten programadas actividades para afondar nos avances da loita do feminismo a favor da igualdade, desmontar mitos e falsas crenzas normalizadas e sensibilizar á poboación sobre a prevención da violencia de xénero.
A Xunta de Galicia lembra que a autocita para a administración da segunda dose de reforzo da covid-19, que se administra desde hoxe en grandes recintos, vai dirixida aos maiores de 60 anos e ás persoas incluídas no grupo de risco. Un total de 2.156 persoas solicitaron ata o de agora autocita para vacinarse. A Xunta de Galicia continúa liderando a administración da segunda dose de reforzo da vacina contra a covid-19 á poboación diana, co 82% de persoas de 80 e máis anos vacinadas, o 75% dos que teñen 70-79, e o 65% dos de 60 a 69 anos.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 1.951, deles 339 son da área da Coruña, 218 da de Lugo, 431 da de Ourense, 187 da de Pontevedra, 291 da área de Vigo, 297 da de Santiago e 185 da de Ferrol. Do total de pacientes positivos, 6 están en UCI, 154 en unidades de hospitalización e 1.791 no domicilio. Polo de agora, en Galicia hai un total de 678.841 persoas curadas, rexistrándose 3.952 falecementos. O número de PCR realizadas é de 3.999.407. O número de doses de vacina contra a covid-19 administradas é de 7.444.395.
A Consellería de Sanidade abre a autocita para todas as persoas que, por diferentes motivos, non foron vacinadas coa segunda dose de reforzo da covid-19. Así, a partir do venres, 11 de novembro, poderase xestionar a cita para a vacinación, que terá lugar en grandes recintos. A citación farase a partir do luns, 14 de novembro. As persoas dos seguintes grupos de idade e coas características que se detallan de seguido, poderán reservar a súa cita tanto a través da páxina web como da aplicación Sergas Móbil.
Galicia estará presente na 27ª Conferencia das Nacións Unidas sobre cambio climático (COP27) que se celebra en Exipto co reto de consolidar a súa posición de referencia neste eido e coñecer de primeira man as últimas tendencias e proxectos polos que se está apostando a nivel internacional para reducir as emisións, avanzar na adaptación das rexións a este fenómeno e analizar os resultados do cumio celebrado o ano pasado en Glasgow. A COP27 de Exipto, que comezou a pasada fin de semana e rematará o 18 de novembro, permitirá poñer en contacto a gobernos de todo o mundo e abrir un debate enriquecedor sobre os diferentes proxectos, iniciativas e políticas que se están a promover para frear o avance e os efectos deste fenómeno global.
A conselleira de Infraestruturas e Mobilidade, Ethel Vázquez, xunto coa directora de Augas de Galicia, Teresa Gutiérrez, participou hoxe na reunión da Oficina Técnica da Seca, na que se constatou unha melloría xeneralizada con respecto á ultima xuntanza, que foi o 20 de outubro. Segundo o Plan de seca de Galicia-Costa, a situación avalíase, dunha banda, en función das precipitacións rexistradas e, doutra banda, en función das reservas de auga dispoñibles para o abastecemento.
A secuenciación xenómica do SARS-CoV-2 permite identificar as variantes do virus e trazar a súa diseminación a unha escala xeográfica grande, comprendendo así como este se move polo planeta. Pero a abordaxe estándar de secuenciación non permite explicar como o virus se transmite a unha escala máis pequena, por exemplo, dentro dun domicilio ou nunha residencia da terceira idade.
A segunda edición de Instagrammers no Camiño pechouse duplicando os impactos da primeira, con máis de 27 millóns de impactos conseguidos a través das máis de 400 publicacións realizadas polos seis instagrammers que participaron. Os cantantes Luis Cepeda e Roi Méndez, a actriz Cristina Castaño, e os influencers Xurxo Carreño, Natalia Maquieira e Tamara García Romero foron os participantes nesta ocasión.
Galicia vai reforzar os contidos humanísticos nos currículos educativos coa incorporación da Historia anterior a 1812 en Bacharelato, cuestión que o Goberno do Estado obviou introducir nos textos e que a Xunta considera fundamental no desenvolvemento académico do alumnado, e que se compaxinará co impulso das competencias STEM (Ciencias, Matemáticas e Tecnoloxía).
O Camiño de Santiago rexistra bos datos unha vez superadas as restricións pola pandemia, como o demostra o feito de que só na primeira fin de semana de abril se rexistraran máis peregrinos que en todo o mes de abril do ano pasado. De feito, entre o día 1 e 4 do mes de abril recolleron a Compostela algo máis de 1.600 peregrinos, cando en todo abril do 2021 rexistráronse pouco máis de 1.000.
Artellar un programa pioneiro en Galicia que promova a protección e o acompañamento das mulleres activistas de dereitos humanos que nos seus respectivos países están a sufrir graves situacións de acoso e risco. Esta é a meta na que traballa a Oficina de Desenvolvemento Sostible da USC da man da Coordinadora Galega de ONGD e Solidariedade Internacional de Galicia.
Co obxectivo de fomentar o emprendemento desde unha perspectiva de xénero, desde setembro de 2019 a Universidade de Vigo e a Confederación Empresarial de Ourense (CEO) participan no proxecto europeo Women Entrepreneurs in Action WE'RE IN! (Mulleres Emprendedoras en Acción). A súa programación inclúe o desenvolvemento de diferentes mobilidades entre mulleres dos países participantes, que son ademais de España, Francia, Bélxica e Alemaña.
O reitor da Universidade da Coruña, Julio Abalde, presentou na Reitoría, xunto co vicerreitor de Política Científica, Investigación e Transferencia, Salvador Naya, os seis novos investigadores de alto nivel captados na última convocatoria Ramón y Cajal. Alejandro Criado Fernández, Roberto Javier Brea Fernández, Óscar Ibáñez Panizo, e Armand Hernández Hernández están xa incorporados na UDC.
Faleceu en Lugo Daniel Pérez Pereira (Danip), mestre e artista gráfico, que naceu en Lugo o 17 de abril de 1934, de familia con raices no concello de Baleira. Bacharelato e carreira de Maxisterio estudounos en Ourense, onde seu pai fora destinado. En Viana do Bolo coñeceu á súa muller, Rosita González Pérez, coa que levaba casado 59 anos. Vocacionalmente mestre, exerceu en diversos destinos, mesmo nos E.E.U.U., onde puido ensinar na Universidade, pero prefiriu o Maxisterio e Galicia para afincarse.
Alumnado das materias de Literatura e Arte e de Literatura Infantil e Dramatización que imparte a profesora Rocío G. Pedreira na Facultade de Formación do Profesorado do Campus de Lugo da USC dan vida á nova bitácora de literatura infantil Petiscando libros, un repositorio virtual a través do que se ofrece á sociedade unha cada vez maior relación de títulos, clasificados en función da temática que tratan.
Con máis dun quilómetro de lonxitude, Praia América tense convertido nun dos reclamos turísticos máis recoñecibles de Galicia. Pero antes de chamarse así, este areal do concello de Nigrán era coñecido como praia de Lourido. Foi precisamente para atraer o turismo polo que en 1927 o empresario Manuel Lemos, emigrante en Arxentina, apostou por rebautizar o areal.
