sábado, 19 de septiembre de 2026
A Xunta de Galicia lembra que a autocita para a administración da segunda dose de reforzo da covid-19, que se administra desde hoxe en grandes recintos, vai dirixida aos maiores de 60 anos e ás persoas incluídas no grupo de risco. Un total de 2.156 persoas solicitaron ata o de agora autocita para vacinarse.
A Xunta de Galicia continúa liderando a administración da segunda dose de reforzo da vacina contra a covid-19 á poboación diana, co 82% de persoas de 80 e máis anos vacinadas, o 75% dos que teñen 70-79, e o 65% dos de 60 a 69 anos.
Co ánimo de facilitar, aínda máis, a vacinación, a Xunta de Galicia ven de abrir a autocita a través da web www.sergas.es e a aplicación SergasMóbil. Desde a Dirección Xeral de Saúde Pública lembran que a cuarta dose, ou segunda dose de reforzo, está indicada a persoas maiores de 60 anos e aos grupos de risco:
-Persoas maiores de 60 anos que non puideron acudir a vacinarse.
-Sanitarios que non acudiron á cita ou que non foran citados.
-Persoas menores de 60 anos con enfermidades crónicas cardiovasculares, neurolóxicas ou respitarorias -incluindo displasia bronco-pulmonar, fibrose quística e asma-.
-Mulleres embarazadas en calquera trimestre de xestación e mulleres que, despois de 6 meses do parto, non se vacinaran durante o embarazo.
-Convivintes con persoas de alto grado de inmunodepresión.
Neste sentido, a Consellería de Sanidade informa que os equipos de enfermaría preguntarán ás persoas que acudan aos grandes recintos se pertencen aos grupo anteriormente citado, co obxecto de lle dar toda a información sobre as indicacións desta nova dose.
Medio milleiro de investigadoras e investigadores e máis de 150 actividades científicas nas sete cidades galegas: Vigo, Ourense, Pontevedra, Santiago, A Coruña, Ferrol e Lugo. Así se celebrará en Galicia a sexta edición da Noite Galega das Persoas Investigadoras, G-Night 2026, unha actividade na que a comunidade científica galega une talento e esforzos co obxectivo de achegar a ciencia á cidadanía e espertar vocacións científicas, ao tempo que se ofrecen propostas de lecer científico, cultural e educativo para toda a familia.
A Xunta de Galicia reclama ao Goberno central medidas estruturais de apoio ao sector agrogandeiro. Do mesmo xeito, esíxese que se teña en conta a realidade de cada territorio á hora de levar a cabo estas actuacións, que deben executarse de xeito urxente. Así o trasladou a conselleira do Medio Rural, María José Gómez, na Conferencia Sectorial celebrada en Madrid, na que se dirixiu ao ministro de Agricultura, Pesca e Alimentación, Luis Planas, para facer estas reclamacións. Alí, reafirmou tamén o compromiso do Executivo galego con este sector.
