Noticias sociedad
A Xunta de Galicia convoca axudas para comprar vivendas en centros históricos de Galicia, que poden chegar aos 15.000 . Trátase do quinto ano consecutivo no que se convocan estas axudas, para promover a recuperación do patrimonio xa construído ao mesmo tempo que se facilita o acceso das familias a unha vivenda, ao abeiro do do Pacto social pola vivenda de Galicia 2021-2025. Esta convocatoria conta cun orzamento de 500.000 , e as axudas parten dun importe inicial de 10.800 , que se poden ver incrementados ata o 12.800 para persoas menores de 35 anos, e ata os 15.000 se o inmoble afectado está nalgunha das 7 Áreas Rexurbe declaradas en Galicia.
Galicia rexistrou un mes de xullo seco e con temperaturas normais para este período, segundo o avance do último informe climatolóxico mensual elaborado por Meteogalicia. Este período caracterizouse pola presenza dunha zona de aire frío en capas medias e altas da atmosfera no Atlántico norte que impediu que o anticiclón se movese cara ao norte, deixando a Galicia en zonas intermedias, con máis predominio anticiclónico, pero con achegamentos frecuentes de frontes atlánticas febles e sen aproximacións de masas de aire norteafricanas. Así, a anomalía media da temperatura para este mes, obtida a partir dos datos rexistrados en 11 estacións meteorolóxicas representativas, foi de 0,2 graos, o que fai que xullo poida considerarse como normal.
O Festaclown regresa un ano máis a Vilagarcía de Arousa, desta volta cunha oitava edición que se celebrará do 10 ao 15 de agosto baixo o lema A festa da risa para encher as rúas da capital arousá de circo, humor, narración oral, maxia e acrobacias. O apartado exterior do Festaclown inclúe a Kine Circus, compañía etíope que traballa en Adís Abeba coa cativada en risco de exclusión, e colectivos do panorama español como La Finistra Nou Circ, agrupación valenciana que representará Royal Circk. A carteleira ofrece unha variada selección de nomes referenciais do panorama galego nos eidos do clown, do novo circo, dos monicreques ou da narración oral, onde destacan Ángeles Goás cunha escolma de contos de igualdade e Vero Rilo co seu espectáculo Destemidas.
O período estival de 2023 trae consigo unha nova Campaña de Verán da Xunta de Galicia, que pretende ofrecer aos mozos e mozas da nosa comunidade unha variada oferta de actividades para o tempo libre, ao tempo que permiten mellorar a conciliación familiar nestas datas. Deste xeito, a campaña 'O verán que sempre vas lembrar' ofrecerá desde xullo ata setembro máis de 11.200 prazas en campamentos, minicampamentos e campos de voluntariado, o que supón a maior oferta estival da Xunta, e fai que a nosa comunidade sexa a que máis prazas ofrece en toda España.
Esta Alianza conta xa con 74 entidades adheridas -universidades, autoridades portuarias, clubes deportivos, empresas e outras entidades-, e segue reunindo esforzos que permitan situar a Galicia á cabeza das rexións europeas na loita contra o cambio climático. Cómpre lembrar que esta Alianza supón asumir as liñas estratéxicas marcadas polo Goberno galego nesta materia e unha serie de deberes como establecer accións dirixidas á adaptación ou mitigación do cambio climático en Galicia.
RuralYouthFuture enfocarase desde seis instrumentos políticos a escala municipal, rexional e nacional para facer fronte ao reto común de responder ás necesidades da xuventude nos territorios rurais, os cales están experimentando un crecente descenso da poboación. Contará coa participación de distintos socios de sete países europeos: España, Bulgaria, Eslovenia, Lituania, Portugal, Estonia e Bélxica. O proxecto conta cun financiamento de 1,6 millóns de euros, cofinanciado con fondos FEDER.
No programa de actividades inclúense 12 obradoiros de iniciación a diferentes oficios como a cestería, a carpintería, o bordado, a estampaxe ou a ourivería e técnicas coma o macramé, para os que é necesaria realizar unha inscrición previa na web da Fundación Artesanía de Galicia, e oito talleres gratuítos e abertos a todos os públicos que se acheguen ata Folgoso do Courel durante estes cinco días. As actividades desenvolveranse no Centro Sociocultural Fondo de Vila (Folgoso) e en Froxán, en horario de 10:30 a 13:30 horas e de 16:00 a 18:00 horas, así como en tres localizacións da aldea de Parada: a sede da Fundación Uxío Novoneyra, a antiga escola unitaria e mais o aloxamento rural A Carbiña. O horario das actividades de Parada será de 11:00 a 13:30 e de 16:00 a 18:00 horas.
O 61% do alumnado recoñecido son mulleres e, do total de galardoados, 45 pertencen á Universidade de Santiago de Compostela. A Universidade de Vigo, pola súa banda, é a segunda con máis presenza con 37 premios, mentres que 21 pertencen á Universidade da Coruña. Ademais, os mellores expedientes distribúense entre 60 titulacións nos diferentes campus. Deste xeito, por número de recoñecementos destacan a titulación en Medicina, da Universidade de Santiago de Compostela, con catro persoas premiadas, e os graos en Administración e Dirección de Empresas, Ciencias da Actividade Física e do Deporte, Enfermaría e de Educación Infantil, todas da Universidade de Vigo, con tres persoas premiadas cada unha.
A Consellería de Cultura, Educación, FP e Universidades vén de adxudicar en primeira convocatoria o 83% das prazas ofertadas en ciclos de Formación Profesional para o vindeiro curso 2023-24 tanto de grao medio como superior. A lista definitiva desta primeira adxudicación está publicada no Portal Educativo. Agora, as persoas que resultaron seleccionadas nesta primeira fase dispoñen de prazo desde hoxe ata o próximo luns día 24 para efectuar a matrícula no ciclo correspondente. Una vez rematado o período, e seguindo o mesmo procedemento, a Consellería efectuará unha segunda (do 27 ao 31 de xullo) e terceira (do 1 ao 6 de setembro) adxudicación e matriculación para as prazas que continúen vacantes. Unha vez rematadas estas tres fases, haberá unha adxudicación continuada por chamamentos individualizados.
A secretaria xeral da Igualdade, Sandra Vázquez, inaugurou hoxe un obradoiro sobre equidade de xénero e inclusión organizado pola Universidade de Santiago de Compostela (USC), coa finalidade de dar a coñecer as iniciativas desenvolvidas neste ámbito, moi especialmente, a importancia da perspectiva de xénero na investigación. Na súa intervención, Vázquez destacou que o III Programa Muller e Ciencia 2022-2025 conta co maior orzamento da súa historia (44,7 millóns de euros), co obxectivo de lograr un sistema galego da ciencia, tecnoloxía e innovación que incorpore de xeito efectivo o principio de igualdade de oportunidades entre homes e mulleres.
O cambio climático é un problema global que require dun conxunto de accións por parte de múltiples axentes e organismos. Non obstante, o feito de que a loita contra os seus efectos estea ligada a grandes acordos internacionais fai tamén que actores como as administracións locais vexan diluído o papel que poden xogar.
Os estudos científicos que cuestionan a viabilidade do cambio estacional de hora ao atribuírlle efectos nocivos na saúde humana poderían estar a xerar unha alarma innecesaria. Os investigadores da USC Jorge Mira Pérez, e da Universidade de Sevilla, José María Martín Olalla, analizaron os 13 artigos máis citados neste campo, utilizados en informes de avaliación da Comisión Europea para cuestionar a viabilidade da práctica do cambio de hora.
Galicia atópase á cabeza do consumo de prensa de papel, ademais de ser a comunidade que se declara máis informada no referente á actualidade política e tamén a de maior consumo de medios dixitais. Son algunhas das conclusións dunha sondaxe presentada na Facultade de Ciencias da Comunicación da USC e elaborada por Metroscopia e a Fundación AXA para o foro independente Xornalismo 2030.
Preto de cen profesores e persoal de administración e servizos de universidades de máis de vinte países participarán na Semana Internacional da Universidade da Coruña que terá lugar do 27 ao 31 de marzo. O Paraninfo da UDC acollerá o día 27 o acto de inauguración, e a clausura da o venres 31, mentres o resto das actividades terán lugar na Facultade de Ciencias da Educación.
O proxecto iRead4Skills centrarase en avaliar e reducir as carencias en competencias lectoras das persoas adultas con baixo nivel de alfabetización, promovendo así o desenvolvemento das súas competencias fundamentais e transversais. O Centro Singular de Investigación en Tecnoloxías Intelixentes da USC (CiTIUS) axuntará esforzos con outras sete institucións europeas para mellorar este tipo de formación.
O festival A Revolta do Umia ven de anunciar oficialmente o cartel provisional da súa VI edición. Na nómina de bandas confirmadas inclúense a Ortiga, Monoulious Dop, Loita Amada, Eladio y los seres queridos, Mundo prestigio, Fillas de Casandra, Solar Corona, Aphonnic, Igloo, Dani, Gator the Alligator, Dharmacide, Copa turbo, Duendeneta e Xaby dj.
Máis de 35 empresas e 350 estudantes e persoas recén tituladas, ás que se suman moitos outras que están a pasar polas casetas sen inscribirse previamente. Así arrancou na Facultade de Ciencias Económicas e Empresariais da UVigo a II edición de EMPREGOinCAMPUS, a gran cita co emprego universitario, herdeira dos foros de emprego que se viñan organizando en distintos centros do campus de Vigo coma de Ourense, e dos organizados pola propia Vicerreitoría de Estudantado e Empregabilidade.
Despois de que as convocatorias abertas para a adxudicación deste servizo quedasen desertas, o espazo que ocupaba a cafetaría da Facultade de Belas Artes converteuse neste curso na sede de O Abrigo, un proxecto expositivo coordinado polo colectivo Refugallo no que van sucedéndose unha serie de mostras colectivas de traballos do alumnado.
Promovido polo Club Peña Trevinca, coa colaboración da Universidade e o Concello de Vigo, o II Ciclo de Montaña, Medio Ambiente e Cambio Climático Cidade Vigo desenvolverase entre os día 21 ao 23 de marzo no Auditorio do Concello, centrado na escalada en Alaska, os lumes e a emerxencia climática, e programado arredor da celebración o 26 de marzo do Día Mundial do Clima.
O Premio Aresa supón un recoñecemento a 'un soño de 50 anos de historia na Galicia rural', segundo se puxo de manifesto na entrega da vixésima terceira edición do galardón convocado polo Aresa e USC, no marco dunha sesión na que interviron como relatores o presidente da Xunta de Galicia, Alfonso Rueda, o reitor da USC, Antonio López; o presidente fundador de Aresa, Álvaro Rodríguez Eiras, e a CEO de Leite Río.
