jueves, 17 de septiembre de 2026
Así, a secretaria xeral da Igualdade avogou pola creación de novas cátedras, polo impulso do liderado femenino no eido da investigación ou pola eliminación das barreiras que por razóns de conciliación ou coidado estaban a afectar ás mulleres nestes sectores. O obxectivo é, segundo dixo, priorizar as necesidades das mulleres co gallo de avanzar no respecto á diversidade e de reter o talento femenino como motor de desenvolvemento tecnolóxico, económico, social e sostible de Galicia.
Na súa intervención, Sandra Vázquez referiuse ao Programa Emega de emprendemento feminino que apoia a posta en marcha, a mellora e a activación de iniciativas empresariais constituídas por mulleres. Así mesmo, estas achegas que se poden solicitar actualmente -deica o 7 de agosto- tamén contemplan, segundo recordou, medidas complementarias para favorecer a conciliación da vida personal, familiar e laboral, así como o acceso a servizos específicos de información, asesoramento e orientación empresarial co obxecto de facilitar a implantación e consolidación dos proxectos.
Así mesmo, a secretaria xeral referiuse á futura Lei de igualdade, que se atopa en tramitación parlamentaria, destacando que regulará aspectos como o benestar laboral, a discriminación múltiple ou os dereitos das mulleres do rural e do mar.
Tivo lugar o acto de entrega dos Premios de Responsabilidade Social Empresarial de Galicia 2026, que puxeron en valor a importancia de promover unha cultura empresarial que integre a responsabilidade social no seu modelo de xestión e sitúe as persoas no centro da actividade. As entidades premiadas foron Galaica Consultaría Integral e Nasas Social Media, na categoría de pequena empresa; Torres y Sáez, na de mediana empresa; Citanias Obras y Servicios, na de grande empresa; e Altia, coa Mención á Conciliación.
A conselleira do Mar, Marta Villaverde, defenderá ante o Goberno central a posición de Galicia sobre o futuro da Política Pesqueira Común, baseada na necesidade de garantir financiamento suficiente para o sector, facilitar a renovación e modernización da frota e avanzar cara a un modelo de xestión que teña en conta tanto a conservación dos recursos como a viabilidade económica e social da actividade.
