lunes, 22 de junio de 2026
A Consellería de Economía, Industria e Innovación promove a terceira edición do encontro Artesanía de Galicia no Courel, co obxectivo de impulsar a divulgación dos oficios artesanais galegos. O evento vaise celebrar entre os días 9 e 13 de agosto en diferentes localizacións de Folgoso do Courel e conta coa colaboración do Concello de Folgoso do Courel e da Fundación Uxío Novoneyra.
No programa de actividades inclúense 12 obradoiros de iniciación a diferentes oficios como a cestería, a carpintería, o bordado, a estampaxe ou a ourivería e técnicas coma o macramé, para os que é necesaria realizar unha inscrición previa na web da Fundación Artesanía de Galicia, e oito talleres gratuítos e abertos a todos os públicos que se acheguen ata Folgoso do Courel durante estes cinco días.
As actividades desenvolveranse no Centro Sociocultural Fondo de Vila (Folgoso) e en Froxán, en horario de 10:30 a 13:30 horas e de 16:00 a 18:00 horas, así como en tres localizacións da aldea de Parada: a sede da Fundación Uxío Novoneyra, a antiga escola unitaria e mais o aloxamento rural A Carbiña. O horario das actividades de Parada será de 11:00 a 13:30 e de 16:00 a 18:00 horas.
Por unha banda, os cursos que requiren inscrición previa celebraranse na Antiga Escola Unitaria de Froxán, na Carbiña e na Fundación Uxío Novoneyra. En Froxán desenvolveranse dous cursos de cestería impartidos por Julia de la Cal, de La Parabólica (O Porriño): un sobre cesta redonda de vimbio, do 9 ao 11 de agosto, e outro cesto de costelas, os días 12 e 13.
Na Escola Unitaria de Parada terán lugar os obradoiros de Iniciación á ourivería, con Susi Gesto (Santiago de Compostela), do 9 ao 13 de agosto; e dous obradoiros de macramé a cargo de Nai Diseños (Vigo): un centrado na elaboración dun tapiz, que se celebrará entre os días 9 e 11 de agosto, e outro centrado nun bolso, os días 12 e 13.
No aloxamento rural A Carbiña están previstas seis actividades de formación, dúas por cada temática, a primeira terá lugar do 9 ao 11 de agosto e a segunda os días 12 e 13. Natalia Moreno (Baiona) será a encargada de impartir os cursos sobre degradados e sombreados sobre téxtil; Minia Banet de Variopinto (Santiago de Compostela) dirixirá os cursos de bordado sobre fotografía; e Lola García de Logaro (Ourense) impartirá os cursos de bordado en la. Por último, na Fundación Uxío Novoneyra celebrarase cursos de elaboración dun banco de madeira, a cargo de Rodrigo Mosquera de Tresoficios (Teo), que terá lugar do 9 ao 13 de agosto.
En canto aos talleres gratuítos e abertos a todo tipo de públicos, a maior parte concentraranse no Centro Cultural Fondo de Vila (Folgoso). Os cursos de cerámica celebraranse durante todos os días do evento, do 9 ao 13 de agosto, e estarán impartidos polos artesáns vigueses Carlos San Claudio, Torno cerámico, e Nerea Carpente de Peixe Nero, que dirixirá o de Pezas cerámicas en mesa.
Sandra Betanzos, de Amorote Printing Workshop (Ames), encargarase de catro obradoiros de estampaxe que terán lugar en días diferentes. O 9 e o 13 de agosto celebrarase o de estampaxe de postais con selos, o 10 o de serigrafía téxtil, o 11 o de estampaxe creativa en téxtil e o 12 de agosto o de elaboración dun selo de follas autóctonas e estampaxe en papel.
Na sede da Fundación Uxío Novoneyra (Parada) terán lugar os obradoiros abertos impartidos por María José Martínez e José Antonio Carrera, de Peixesapop (Vigo), que se encargarán dos obradoiros Polos pés, entre o 9 e o 11 de agosto, e o de Serigrafía e estampaxe, que se celebrará o 12 e o 13 de agosto.
O obxectivo destas actividades é divulgar os oficios artesanais e todos os valores que implica o feito á man para que futuros consumidores entendan o valor engadido da artesanía e mesmo futuros profesionais do sector vexan a artesanía como un modo de vida.
O programa formativo Medrando Xuntas permitiu que as mulleres participantes traballasen habilidades clave como a comunicación, a organización, o liderado, a toma de decisións, a participación interna e a mellora da confianza profesional, ao tempo que se fomentou a creación dunha rede de mulleres que se apoian, colaboran e comparten recursos e que se deron a coñecer proxectos que están a transformar a economía. En primeiro lugar, Medrando Xuntas contou cun programa formativo para reforzar a súa participación nas entidades de economía social. En segundo lugar, a formación para directivas estaba dirixida a mulleres con responsabilidades de dirección ou proxección cara ao liderado.
Unha alianza entre o Instituto Tecnolóxico de Galicia (ITG) e as compañías Naturgy InnovaHub e Flythings Technologies desenvolverá unha plataforma enerxética que transformará residuos en produtos de alto valor engadido. Neste caso transformaranse residuos como lodos de depuradora, restos orgánicos e biomasas, en produtos de alto valor engadido como biocombustibles (hidrochar e biometano) e vectores enerxéticos sostibles (hidróxeno e syngas). Para iso, a nova unidade mixta combinará distintas tecnoloxías e incorporará sistemas híbridos de almacenamento con baterías e supercondensadores, ademais de empregar ferramentas como Internet das cousas, os xemelgos dixitais e a aprendizaxe automática.
