Noticias sociedad
O vindeiro venres 7 de setembro dará comezo en Santiago de Compostela a segunda edición do espazo formativo para mulleres directivas da economía social, Medrando Xuntas, que organiza a Consellería de Economía, Emprego e Industria. O curso, de 80 horas de duración, combinará clases presenciais con actividades a distancia, para favorecer a conciliación da vida persoal, familiar e laboral. As 26 participantes desta edición terán a oportunidade de mellorar as súas habilidades para asumir os retos da dirección e xestión de entidades, así como compartir e coñecer outras mulleres que lideran a economía social en Galicia.
Presentouse este martes no Salón de Actos da Deputación Provincial de Lugo a 40ª Semana Internacional de cine de autor de Lugo, que organiza o Grupo Fotocinematográfico Fonmiñá, dende o 10 ao 15, e dende 17 ao 21 de setembro. Asistiron o Deputado de Relacións Institucionais, Álvaro Santos Ramos; a Concelleira de Cultura, Carmen Basadre Vázquez; Ramón Carballo, Xefe Territorial de Prsidencia da Xunta de Galicia en Lugo; a Vicerreitora do Campus de Lugo da USC, Montserrat Valcárcel Armesto, ao Presidente do Grupo Fotocinematográfico Fonmiñá, Xulio Xiz Ramil, o Director da Semana Internacional de cine de autor, Manuel Curiel Fernández. Nesta 40ª edición, participarán un total de 165 cintas de diferentes países.
Galicia dispón dunha ampla diversidade de variedades de uva e lévedos (fermentos) do viño de gran utilidade para afrontar as consecuencias do cambio climático en vitivinicultura, ofrecendo solucións a curto ou medio prazo para o sector. Así o constatou a Estación de Viticultura e Enoloxía de Galicia (Evega), integrada na Axencia Galega da Calidade Alimentaria (Agacal) da Consellería do Medio Rural, a través dun proxecto de investigación sobre a materia. O cambio climático modifica o desenvolvemento e a maduración da uva. O efecto máis notable é o aumento da concentración de azucre e unha redución da acidez no mosto, que inflúe na fermentación e, finalmente, nas características do viño.
Preto de 200 persoas de 37 nacionalidades diferentes inscribíronse xa na 7ª edición da World Trails Conference, o congreso bianual internacional da rede mundial de camiños e sendeiros World Trails Network, que se celebrará en Santiago de Compostela entre o 26 e o 29 de setembro. O congreso mantén aberto o prazo de inscrición para todas as persoas interesadas en aprender da xestión que se realiza nas máis importantes rutas culturais, ecolóxicas e de peregrinación de todo o mundo que estarán presentes no encontro.
Presentouse onte o Desfile dos Entroidos, un pasarrúas que o 8 de setembro percorrerá as rúas do casco vello de Santiago de Compostela cos personaxes de 13 entroidos, varios dos cales participaron no acto para dar a coñecer este evento. Galicia conta con nove entroidos recoñecidos como festa de interese turístico. Dous deles, Xinzo de Limia e Verín, acadaron a declaración como festa de Interese Turístico Nacional, mentres que outros sete son de Interese Turístico de Galicia: Viana do Bolo, Cobres, Laza, Manzaneda, Xenerais da Ulla, Maceda e Vilariño de Conso.
O programa Galeuropa é unha iniciativa que contribúe á mellora das competencias e habilidades dos mozos e mozas e que incrementa as súas posibilidades de inserción laboral, ao tempo que dota de recursos humanos de calidade ao tecido empresarial galego. O conselleiro de Política Social, José Manuel Rey Varela, participou no acto de despedida dos mozos e mozas que participan no programa de mobilidade transnacional Galeuropa. Unha xornada na que o titular autonómico das políticas sociais do Goberno galego estivo acompañado pola directora xeral de Xuventude, Cecilia Vázquez.
A Consellería de Sanidade, a través da Dirección Xeral de Saúde Pública, aconsella a aplicación do decálogo de hixiene e seguridade alimentaria da Organización Mundial da Saúde para asegurar un verán saudable e lembra os consellos básicos para previr enfermidades de transmisión alimentaria, especialmente nos meses de verán. Neste senso, destaca a importancia da utilización do frío para a conservación dos alimentos, o cociñado completo dos mesmos e acadar temperaturas de arredor de 70ºC como mínimo cando se requenten alimentos xa preparados. Para evitar ou minimizar os factores que contribúen á contaminación dos alimentos, Sanidade lembra que deben adquirirse alimentos que sexan hixienicamente seguros.
Un total de 194 concellos e mancomunidades están adheridos á Rede Galega contra a violencia de xénero, posta en marcha de maneira conxunta entre Xunta e a Fegamp no ano 2012. No que levamos de ano 6 novos concellos sumáronse a esta iniciativa: Becerreá, Antas de Ulla, O Irixo, Barbadás, A Mezquita e Vilarmaior. A Rede de entidades locais contra a violencia de xénero configúrase como un instrumento que busca conseguir o rexeitamento social e institucional da violencia de xénero, sensibilizando á poboación e conseguindo a súa implicación e compromiso real contra esta lacra, fomentando ao mesmo tempo modelos alternativos de convivencia baseados no respecto e na igualdade.
O conselleiro de Cultura, Educación e Ordenación Universitaria, Román Rodríguez; e a directora de Acción Cultural da Fundación Cidade da Cultura de Galicia, María Pereira, participaron esta mañá na plantación de parte dos bidueiros exhibidos na intervención artística Betula Pendula, que se puido visitar nas Torres Hedjuk entre o 21 de marzo e o 19 de agosto.
Atardecer no Gaiás, o ciclo de concertos do verán ao solpor da Cidade da Cultura de Galicia, despediuse o sábado pasado, día 18, co reguetón feminista de Tremenda Jauría, tras 21 actuacións ao aire libre e de balde coas que bateu o seu récord de participación con máis de 16.000 asistentes. O cartel deste ano foi un fiel escaparate das tendencias musicais actuais. Deste xeito, deulle máis espazo ás músicas urbanas como o trap de Rels B ou a cumbia-electrónica de La Redada e evidenciou unha clara aposta polas voces femininas maioría nesta edición e nun abano amplo de rexistros desde o soul, jazz ou a bossa nova con Dom La Nena, Mordem e Nathy Peluso, entre outras.
As relacións entre Galicia e Paraguai son cada vez máis intensas, según o protocolo de colaboración asinado en FITUR a principios deste ano para poñer en marcha iniciativas conxuntas de promoción turística. O Camiño centrou o I Seminario Internacional sobre Rutas Turísticas Multidestino.
A Cidade da Cultura acolleu a apertura oficial de Fairway, o I Foro do Camiño de Santiago, que reúne ata o domingo 18 de outubro aos principais expertos na Ruta Xacobea e noutras rutas de peregrinación. Neste novo formato de congreso-feira tamén danse cita un gran número de empresas vinculadas cos seus produtos ou servizos ao Camiño de Santiago procedentes de ata 19 países, e con debates artellados en torno a catro paneis.
Feijóo e o gobernador da Prefectura de Wakayama, Yoshinobu Nisaka, reuníronse no Pazo de Raxoi para reforzar a promoción do tecido económico e empresarial. Feijóo adianta que en Fitur 2016 Galicia presentarase no pavillón do país oriental, o que implica un paso máis nas relacións con Xapón.
O 4 de novembro convocarase no Pazo de Vilamarín aos alcaldes dos concellos polos que discorre a Vía da Prata para informarlles dos plans da Xunta.
O profesor, investigador e ex-reitor da USC completa a rolda de entrada de seis novos académicos este ano. O discurso de ingreso do novo académico da RAGC titúlase Poden pensar as máquinas?.
Os tres son os finalistas dun recoñecemento co que a Consellería de Economía, Emprego e Industria destaca a obra que mellor representa á artesanía competitiva e que conxuga os valores tradicionais do sector coas novas tendencias. Outórgase a Bolsa Eloy Gesto, coa que se apoia a formación do gañador nun centro de referencia na artesanía e no deseño.
O obxectivo é promover a Ruta Xacobea e difundir o fenómeno das peregrinacións a Compostela en China e incrementar, así, o número de peregrinos desta nacionalidade que no que vai de ano supuxeron xa un total de 629, un 25% máis de no mesmo período do ano 2014. A viaxe foi organizada en colaboración coa OET de Beijing.
Unha actividade deportiva solidaria organizada polo Consello Municipal de Deportes recaudará fondos para as familias de refuxiados de Siria. O evento, en colaboración con Cruz Vermella, celébrase o 14 de outubro, no Pavillón de Os Remedios. O importe das entradas, que custarán 3 euros, será destinado íntegramente ás familias sirias de refuxiados.
Este novo fito, dentro do Plan de Actuación 2015-2016 do Campus Terra en Lugo, enmárcase na estratexia de especialización de campus periféricos que está a impulsar a Consellería de Educación para o Sistema Universitario Galego (SUG), e que ten outros exemplos no Campus Auga da Universidade de Vigo en Ourense e no Campus Industrial da Universidade da Coruña en Ferrol.
A Comisión de Turismo do Grupo Cidades Patrimonio da Humanidade de España celebrou hoxe a súa reunión constitutiva, tras as eleccións municipais, na delegación da Xunta de Galicia en Madrid-Casa de Galicia, coa presenza, entre outros, do alcalde de Ávila e novo presidente do Grupo, José Luís Rivas Hernández, a directora xeral de Turespaña, Marta Blanco Quesada, e os concelleiros representantes das cidades que forman parte do Grupo.
