viernes, 1 de mayo de 2026
Para avaliar esta incidencia, a Evega desenvolveu o proxecto Diversidad de levaduras y de variedades de vid para la adaptación al cambio climático en vitivinicultura, co apoio da Fundación Biodiversidad, do Ministerio para la Transición Ecológica. Esta iniciativa foi presentada na convocatoria de subvencións en réxime de competencia competitiva da Fundación Biodiversidad para a realización de proxectos sobre a adaptación ao cambio climático 2016, que foi avaliado positivamente e outorgado para a súa execución durante o período comprendido entre xullo de 2017 e xuño de 2018.
Colección de vides
Neste proxecto utilizáronse os datos dispoñibles dos estudos realizados sobre variedades conservadas na colección de vides da Evega. Foron avaliados o ciclo fenolóxico e o potencial enolóxico das distintas castes para valorar a variabilidade dispoñible fronte aos efectos do cambio climático. Constatouse que Galicia ten un potencial vitícola importante que inclúe variedades de ciclo longo e alta acidez que poden solucionar algún dos problemas causados polo cambio climático, como é a Loureira entre as variedades brancas ou Caíño Longo, Caíño Tinto ou Sousón entre as tintas. Noutras variedades de ciclo curto, pero con altos valores de acidez como Albariño ou Caíño Branco, o aumento da temperatura favorecerá unha diminución da acidez e permitirá a elaboración de viños máis equilibrados.
Ademais, a partir da colección de lévedos vínicos da Evega, avaliáronse 60 cepas polo seu comportamento fermentativo e capacidade de producir etanol. Catorce fermentos foron preseleccionados e probados en microvinificacións para investigar a súa influencia sobre a composición química dos viños e o seu potencial para mitigar os efectos do cambio climático. Destes, Metschnikowia fruticola Mf278 e Lachancea termotolerans Lt93 destacaron pola súa capacidade de reducir o grao alcohólico do viño e aumentar a acidez, respectivamente; ademais de ter unha influencia positiva sobre a calidade organoléptica do viño.
CiberLabFP configúrase como un espazo de aprendizaxe, experimentación e desenvolvemento de competencias en contornos reais que integran tecnoloxías da información (IT) e de operación (OT) para así adaptar a Formación Profesional aos novos escenarios de transformación dixital. Entre as súas funcionalidades destacan a formación especializada do profesorado, a simulación de ciberataques e defensa en contornos virtuais, a análise forense industrial ou a validación de sistemas. Ademais, contará cunha estación móbil que permitirá levar a tecnoloxía a centros educativos e realizar demostracións en empresas e feiras.
Celebrouse hoxe a sesión constitutiva do Foro do Litoral de Galicia, que será o máximo órgano colexiado de consulta e participación do conxunto da sociedade co fin de optimizar a xestión e ordenación da costa galega. Nel están representadas a Administración autonómica e as locais así como os sectores social, científico, económico e medioambiental e as entidades implicadas na protección do patrimonio natural co fin último de garantir unha gobernanza que permita unha participación suficiente de todos os sectores da sociedade interesados no litoral. A constitución do foro facilitará a partir de agora facer un seguimento das normas, políticas e instrumentos do litoral.
