martes, 23 de diciembre de 2025
O director xeral de Cultura, Anxo M. Lorenzo, deu a coñecer hoxe o Calendario do Libro e da Lectura de Galicia para o vindeiro ano, que inclúe as datas de homenaxe ao intelectual galeguista Ramón Otero Pedrayo, con motivo do 50 aniversario do seu pasamento, e ao fotógrafo José Suárez, a quen se lle dedica no 2026 o Día das artes galegas.
O representante da Consellería de Cultura, Lingua e Xuventude fixo a presentación do cartel conmemorativo do almanaque acompañado pola ilustradora deste ano, Lidia Cao, con quen salientou a relevancia desta ferramenta, xa que contribúe á planificación e dinamización cultural, ao tempo que achegar e difundir figuras senlleiras e datas claves da nosa cultura.
Para o 2026, Anxo M. Lorenzo destacou a conmemoración do Ano Oteriano, tras a declaración oficial do Parlamento de Galicia co gallo de cumprirse o cincuenta aniversario do pasamento desta figura esencial das letras, o pensamento e identidade galega contemporánea, así como tamén o centenario da publicación de Guía de Galicia, unha das súas grandes obras. Polo tanto, avanzou que desde o Goberno galego vaise tirar proveito deste acontecemento como nexo de unión a prol da nosa cultura e lingua cunha extensa programación enfocada desde moi diversos ámbitos.
En concreto, o programa do Calendario do Libro e da Lectura inaugurará as súas 35 efemérides para o longo de todo o ano o 11 de xaneiro, co Día do usuario/a da Biblioteca e terá como unha das súas datas significativas desde mes, o Día da Ilustración, que se celebra o 30 e está dedicado ao humorista gráfico Siro López.
Complétanse as datas significativas coa celebración, o 1 de abril, do Día das artes galegas, que se centra neste 2026 nun dos nosos fotógrafos máis vangardistas e internacionais, o ourensán José Suárez. En todo caso, este festexo estenderase todo o ano cunha ampla oferta de accións, do mesmo xeito que sucederá co Día das letras galegas (17 de maio) que nas bibliotecas xirará ao redor da escritora Begoña Caamaño.
A planificación cultural deste ano mantén as novidades incorporadas en 2025, no que se incluíu o 17 de outubro como o Día do patrimonio inmaterial e o 27 do mesmo mes como Día da corrección de textos. Ademais, tamén se consolida no calendario o 22 de novembro como o Día da música.
Programación mensual
A Lei do libro e da lectura de Galicia establece a elaboración deste calendario para fomentar a lectura e a normalización da presenza do libro en todos os sectores da sociedade.
Ademais das datas mencionadas, no mes de xaneiro terá lugar o Día das biblioteca móbiles (mércores 28). A estas propostas sumaránselle en febreiro o Día da lingua materna (sábado 21) e o nacemento de Rosalía de Castro (luns 23).
Para marzo están previstas as celebracións do Día do cómic (luns 17), da narración oral (xoves 20), da poesía (venres 21) e do teatro (xoves 27).
Xa en abril, ademais da actividade centradas en Otero Pedrayo e José Suárez, o protagonista será o Día do libro (mércores 23), conmemoración á que se lle sumarán o libro infantil e xuvenil (xoves 2) e o Día da propiedade intelectual (domingo 26).
En maio, alén das Letras Galegas, concéntranse o Día da liberdade de prensa (sábado 3), o Día dos museos (luns 18) e o Día da diversidade cultural (xoves 21). Mentres, para xuño organizaranse propostas polo Día dos arquivos (martes 9) e en xullo ao redor do libro electrónico (sábado 4) e da comprensión lectora (domingo 26).
Setembro é o mes para celebrar a alfabetización (martes 8), o Día europeo de das linguas (sábado 26) e a tradución (mércores 30). Para outubro, ademais do Día do patrimonio inmaterial e da corrección de textos, o calendario xirará ao redor das escritoras (martes 13) e das bibliotecas (sábado 24).
O final de ano virá cargado de actividades co mes da ciencia en galego nas bibliotecas durante novembro, que tamén conmemorará o Día de preservación dixital (luns 2), o Día da lectura en homenaxe ao nacemento de Xosé Neira Vilas (martes 3), o Día das librarías (mércores 11), o Día do patrimonio cultural (luns 16) e o Día da música (domingo 22). Rematará a planificación en decembro co Día da edición, centrada no aniversario do nacemento de Ánxel Casal (xoves 17).
Lidia Cao
A ilustración do Calendario do Libro e da Lectura de Galicia de 2026 correu á cargo de Lidia Cao, ilustradora e muralista nada en Santiago de Compostela en 1997. Ten traballado en diferentes citas de arte urbana por toda España, pero especialmente en Galicia, e tamén noutros países como Portugal, Grecia ou Francia.
En 2020 participou no Festival de muralismo contextual de Oviedo, Parees, cun retrato da escritora Dolores Medio. Dous anos despois, un mural realizado por Cao en Onteniente foi seleccionado para participar nos premios Street Art Cities, galardóns que recoñecen anualmente aos que se consideran os mellores murais do mundo.
A conselleira do Medio Rural, acompañada polo director xeral da PAC e do Control da Cadea Alimentaria, Juan José Cerviño, presidiu este mediodía a constitución do Observatorio do sector lácteo de Galicia, órgano colexiado de seguimento, asesoramento, consulta e análise deste eido produtivo. Esta reunión ten lugar trala entrada en vigor do decreto que actualizou a regulación deste órgano e que, entre outros obxectivos, persegue facer un seguimento continuado do sector e mellorar o seu funcionamento. O Observatorio vén funcionando dende a súa creación no ano 2007
En concreto, o programa do Calendario do Libro e da Lectura inaugurará as súas 35 efemérides para o longo de todo o ano o 11 de xaneiro, co Día do usuario/a da Biblioteca e terá como unha das súas datas significativas desde mes, o Día da Ilustración, que se celebra o 30 e está dedicado ao humorista gráfico Siro López. Complétanse as datas significativas coa celebración, o 1 de abril, do Día das artes galegas, que se centra neste 2026 nun dos nosos fotógrafos máis vangardistas e internacionais, o ourensán José Suárez. En todo caso, este festexo estenderase todo o ano cunha ampla oferta de accións, do mesmo xeito que sucederá co Día das letras galegas (17 de maio) que nas bibliotecas xirará ao redor da escritora Begoña Caamaño.
