lunes, 27 de julio de 2026
A xuntanza prodúcese despois de que a principios deste mes de decembro a Xerencia de Urbanismo do Concello de Vigo aprobou o convenio de colaboración coa Universidade que permitirá implementar este observatorio. O convenio, que terá unha vixencia de catro anos, establece que o órgano municipal achegará 45.000 euros anuais, mentres que a Universidade achegará medios materiais, o coñecemento e os profesionais necesarios para realizar a investigación.
Información e formulación de propostas
O observatorio pretende ser unha ferramenta que facilite a utilización integrada dos datos dispoñibles nas principais fontes estatísticas oficias, de interese para mellorar o coñecemento da situación actual e realizar un seguimento permanente da evolución do sector residencial en Vigo. O obxectivo da iniciativa é coñecer a situación do stock da vivenda, situación e estado da mesma, presenza de usos que compiten co residencial, evolución dos prezos e da renda dedicada á vivenda, ao tempo que se avalían os efectos das políticas públicas.
A nova ferramenta preséntase como un espazo de intercambio de información, formulación de propostas de actuación sobre o mercado e seguimento da evolución do acceso á vivenda destinado a servir de apoio aos axentes públicos e privados (administracións, usuarios, empresas, profesionais, asociacións e cidadanía en xeral). Artéllase como unha ferramenta activa, transparente e útil para facilitar un maior coñecemento deste ámbito e dar soporte na toma de decisión para as institucións e avaliar a súas actuacións.
O Compostela TradFest desenvolverase en tres dos espazos máis emblemáticos do casco histórico compostelán: a Praza da Quintana, a Praza de Mazarelos e a Igrexa da Universidade, integrando o patrimonio monumental da cidade nunha experiencia cultural aberta e gratuíta para todos os públicos. Entre os nomes máis destacados figuran Budiño, un dos grandes referentes da música galega actual; Felisa Segade, unha das voces máis recoñecidas da nova escena tradicional; a artista Ana Alcaide, acompañada polo estadounidense Bill Cooley; o portugués O Gajo ou o arxentino Martín Bruhn.
O porto da Coruña converterase este outono nun dos grandes espazos da música en directo en Galicia coa celebración da segunda edición de Son & Mar A Coruña. Entre o 18 de setembro e o 11 de outubro traerá á cidade máis de 30 artistas en 12 eventos repartidos ao longo de catro fins de semana, reforzando unha proposta que combina música, cultura e territorio. A principal novidade desta edición é precisamente o seu crecemento. Tras a boa acollida da estrea en 2025, Son & Mar A Coruña pasa de seis a 12 eventos, ampliando tamén a súa duración de dous a catro fins de semana consecutivos.
