Noticias politica
O director do Igape, Fernando Guldrís, compareceu hoxe no Parlamento de Galicia, onde puxo en valor tanto a boa marcha das exportacións galegas, que están a acadar rexistros históricos, como o traballo que vén impulsando a Xunta en materia de internacionalización. Un esforzo que, como explicou, se traduce na Estratexia de Internacionalización, que suma este ano outros 20 millóns de euros na procura de seguir contribuíndo ao mellor ciclo exportador da historia de Galicia.
A directora do Intecmar salientou hoxe que a comunidade traballa no marco do proxecto europeo MyCoast para estar o mellor preparada posible na análise dos riscos por eventos mariños extremos e poder actuar ante calquera emerxencia marítima ou costeira. Fíxoo durante a inauguración dunha mesa de traballo titulada Ferramentas para abordar os riscos nos observatorios costeiros e celebrada ao abeiro desta acción de investigación europea.
A Xunta de Galicia comunicou esta semana ao Ministerio de Transportes, Mobilidade e Axenda Urbana o cumprimento dos obxectivos previstos para 2022 do Plan de recuperación, transformación e resiliencia, polo que solicita o pago á comunidade dos 40,6 millóns de euros pendentes dos fondos europeos en materia de vivenda de 2022 e destinados a financiar as axudas convocadas.
O vicepresidente primeiro e conselleiro de Economía, Industria e Innovación, Francisco Conde, visitou hoxe as instalacións de Nordés Club Empresarial para analizar a situación do tecido empresarial galego no marco do clima de diálogo constante que a Xunta está tendo coas diferentes asociacións, co obxectivo de coñecer de primeira man as necesidades de pemes e autónomos para poder dar unha mellor resposta desde a Administración. Conde, que estivo acompañado polo delegado territorial da Xunta de Galicia na Coruña, Gonzalo Trenor, incidiu na necesidade da colaboración público-privada para o impulso da actividade económica e industrial, e lembrou que a Xunta está traballando na axenda industrial da Galicia do ano 2030, na que A Coruña está chamada a ter un peso importante.
O presidente da Xunta, Alfonso Rueda, anunciou hoxe que Galicia presentará un proxecto tractor 'forte, sólido e potente' ao Perte Agroalimentario enfocado a modernizar e dixitalizar a industria láctea. Así o deu a coñecer o titular do Goberno galego na participación no Foro Next Generation Galicia do Perte Agroalimentario, no que estiveron presentes tamén o vicepresidente primeiro e conselleiro de Economía, Industria e Innovación, Francisco Conde; o conselleiro do Medio Rural, José González; e tamén asistiu a conselleira do Mar, Rosa Quintana. Precisamente, Rueda lamentou que o sector da conserveira quedase fóra destas convocatorias e garantiu que o Goberno galego seguirá reclamando que se lle dea cabida.
O presidente da Xunta, Alfonso Rueda, trasladou ao embaixador de Portugal en España a vontade de Galicia por manter os lazos de irmandade a prol do progreso da cidadanía ás dúas beiras do Miño. O mandatario galego recibiu a João Antonio da Costa Mira-Gomes nun encontro no que tamén participou o vicepresidente primeiro e conselleiro de Presidencia, Diego Calvo. O titular do Goberno galego e o embaixador portugués coincidiron nos bos rendementos acadados polas relacións fluídas e constantes entre o norte de Portugal e Galicia a través da Eurorrexión, coa posta en marcha dun importante número de iniciativas que melloraron a calidade de vida da veciñanza e favoreceron a economía das persoas que viven e traballan na zona transfronteiriza.
O Plan Hidrolóxico de Galicia-Costa 2021-2027 entra en vigor como unha folla de ruta con rango de lei para lograr que o 100% das masas de auga da conca acaden o bo estado. O BOE publica a aprobación deste plan, tras unha tramitación que comezaba coa luz verde por parte do Consello da Xunta hai xa oito meses, e a posterior autorización, o pasado 24 de xaneiro, por parte do Goberno central. Con ese fito, Galicia pioneira ao aprobar o seu plan de conca, un instrumento de planificación que ten moi en conta a necesidade de adaptar a xestión da auga ao novo contexto de cambio climático, tanto no relativo ao risco de inundacións como aos episodios de seca.
A Xunta de Galicia e a Junta de Castela e León exixen ao Goberno de España que lles proporcione información sobre a afección que o contrato fallido de Renfe terá sobre a renovación da frota de trens de ancho métrico que operan en ambas as dúas comunidades. A conselleira de Infraestruturas e Mobilidade do Goberno galego, Ethel Vázquez Mourelle, e a conselleira de Mobilidade e Transformación Dixital de Castela e León, María González Corral, dirixíronse hoxe á secretaria de Estado de Transportes, Mobilidade e Axenda Urbana, Isabel Pardo de Vera, para trasladarlle a súa preocupación ante a gravidade das novas relacionadas co retraso que suporá o erro do Ministerio na licitación para o subministro de trens de ancho métrico e alpinos.
A Xunta presentou a Estratexia Galega de Mobilidade co obxectivo de reducir un 30% as emisións contaminantes derivadas do transporte e o 80% as vítimas mortais derivadas da mobilidade no ano 2040. A conselleira de Infraestruturas e Mobilidade, Ethel Vázquez, co director da Axencia Galega de Infraestruturas, Francisco Menéndez, e co director xeral de Mobilidade, Ignacio Maestro, presentou este documento que hoxe se somete a información pública.
O vicepresidente primeiro e conselleiro de Economía, Industria e Innovación, Francisco Conde, participou hoxe en Madrid na V Conferencia sectorial para a mellora regulatoria e o clima de negocios, na que insistiu na colaboración por parte da Xunta e reclamou unha cogobernanza efectiva e real das Comunidades Autónomas na xestión dos fondos europeos. Conde sinalou que Galicia ten identificados proxectos que poderían impulsar a industrialización e a transformación do tecido produtivo que non están atopando resposta nos fondos europeos
Anxo Lugilde, Domingos Sampedro, José Luis Gómez e Xabier Blanco abordan temas como o posible fin do tripartidismo tras os comicios galegos; a abstención como reflexo do desencanto popular; e a incidencia da crise e a política de Rajoy nesta cita coas urnas. Preséntase, tamén, o ebook: As Eleccións xerais do 20N na rede.
Dice que la Xunta, en el último trimestre del año, comprometió facturas e hizo pagos por un importe superior a los 2.500 millones de euros.
Besteiro anuncia que concurre á Secretaría como un militante máis e porque os socialistas da provincia podemos facer posible o que a dereita cre que non se pode facer, avogando por un liderado compartido, de abaixo arriba.
Cumpre co compromiso de contribuír ao sostemento dos servizos derivados da súa condición de capital de Galicia e sede das súas institucións. A Xunta achega este ano 2,7 millóns de euros ao Concello compostelán.
É a única Deputación galega seleccionada para o grupo de traballo da Federación Española de Municipios e Provincias.
Galicia foi distinguida como "rexión da semana" polo comisario europeo de Política Rexional, Johannes Hahn, quen adica esta semana un espazo na súa páxina web a analizar o impacto da política rexional europea na comunidade galega.
A Coordinadora Nacional do Encontro Irmandiño decide nomear unha comisión para dialogar co BNG ao que proporá unha "boa avinza" no terreo político, e tamén crear grupos base para empezar a traballar polo Novo Proxecto Común.
Voz Audiovisual y la productora responsable de Cuéntame cómo pasó, Grupo Ganga Producciones, han llegado a un acuerdo de colaboración para llevar a la ficción la vida del recientemente fallecido Manuel Fraga Iribarne.
A Facultade de Filosofía de Santiago de Compostela acolleu unha nova sesión do III Curso Xerardo Fernández Albor: 30 anos de Autonomía, coa celebración dunha mesa redonda sobre a España das autonomías e o Estatuto de Galicia protagonizada por González Mariñas, Blanco Valdés e Puy Fraga.
As rexións participantes acordaron sumar esforzos para contribuír ao impulso da competitividade e á dinamización do crecemento económico e o emprego. Analizaron respostas compartidas e novas fórmulas de cooperación ante os grandes desafíos de dimensión territorial que ten plantexados na actualidade a UE.
