sábado, 8 de agosto de 2026
As representantes dos Gobernos autonómicos requiren, nas súas respectivas cartas, que se lles informe cumpridamente sobre o estado de execución dese contrato, especialmente no relativo a prazos de entrega dos trens fallidos e pagos efectuados con cargo a fondos públicos, e que lles sexa accesible todo o expediente de contratación tramitado e adxudicado polo Consello de Administración de Renfe.
Ademais, ante a falta de información e remitíndose ao anuncio do 29 de xuño de 2020, no que se comunicaba que Renfe adxudicaba a CAF a compra de 31 trens de ancho métrico e 6 alpinos por 258 millóns de euros, en cuxo texto se detallaba que se adquirían 26 trens eléctricos e 5 híbridos (que poderían utilizarse en Galicia e Castela e León) e que mesmo se podería chegar a adquirir outro más, reiteran que se lles informe, á maior brevidade posible, sobre o destino previsto para os trens obxecto do contrato e, en concreto, do número de unidades que se previa destinar a Galicia e Castela e León.
Como se pode comprobar, na información recollíase expresamente que a frota de ancho métrico, daría servizo en Asturias, Cantabria, País Vasco, Galicia, Castela e León e Murcia. Por iso, piden que se inclúa expresamente a renovación dos trens que circulan polos seus respectivos territorios, para que todos os viaxeiros usuarios destes servizos ferroviarios no norte do país poidan facelo nas mesmas condicións.
A conselleira de Infraestruturas e Mobilidade, Ethel Vázquez, lembra que Renfe comprometeu en 2018 un plan de actuación para mellorar a calidade do servizo ferroviario entre Ferrol e Ribadeo, onde o material rodante é causante da maioría das incidencias e precisa ser modernizado.
Do mesmo xeito, as dúas conselleiras constatan o seu interese en participar en todas aquelas reunións que se convoquen desde o Ministerio para informar sobre este tema xunto co resto de Comunidades Autónomas que contan con este servizo.
Por outra banda, tanto Ethel Vázquez como María González Corral exixen que o Ministerio aclare cando tivo coñecemento desta situación e que medias adoptou desde entón, así como as que vai tomar a partir de agora.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
