lunes, 1 de diciembre de 2025
Nesta liña, a conselleira do Mar, Marta Villaverde, salientou a importancia de reforzar 'a dieta atlántica' e poñer en valor 'a despensa que temos nas rías galegas' que son un dos máximos expoñentes de esa 'Galicia Calidade'.
Tras o acordo do Consello, e unha vez que xa foi seleccionada a entidade colaboradora o pasado mes de xuño, dáse inicio á ultima fase da tramitación desta medida pioneira, que busca reforzar a actividade da cadea mar-industria na súa condición de sector estratéxico para a Comunidade. Concentra o 5% do PIB e xera 50.000 empregos directos, salientou a conselleira.
Para a posta en marcha desta medida, tal e como explicou Rueda, o Goberno galego mobiliza 2,5 millóns de euros que permitirán a distribución de bonos por valor de 50 euros que se irán liberando progresivamente a razón de 5 euros por semana -con descontos do 25% da compra ata un máximo de 5 euros-, acumulando o importe non gastado nas sucesivas semanas ata un máximo de 25 euros, que poderán gastarse ao longo dun total de 10 semanas ou ata que se esgote o crédito.
Nun contexto de progresivo descenso da presenza dos produtos pesqueiros na cesta da compra da cidadanía, esta acción impulsada pola Xunta tamén procura promover hábitos de consumo saudables, dadas as calidades nutritivas destes alimentos e os seus beneficios para a saúde. Ademais, servirá para apoiar a actividade dos operadores comerciais retallistas que xogan un papel esencial para garantir a seguridade alimentaria dos consumidores.
A previsión é que a orde sexa publicada no Diario Oficial de Galicia o vindeiro 10 de xullo, abríndose o día seguinte o prazo para solicitar a adhesión por parte dos establecementos, máis de 1.600 na Comunidade, ata que finalice o período de vixencia do bono. Só poderán participar aqueles que desenvolvan a súa actividade comercial en Galicia, ben como persoas autónomas ou establecementos autorizados, dados de alta nas epígrafes do IAE recollidas na convocatoria e dados de alta no Rexistro Galego Sanitario de Empresas e Establecementos Alimentarios (Regasa). Esta medida xa espertou o interese das principais cadeas de distribución e venda de peixe e marisco.
A estimación é que esta iniciativa alcance a un mínimo de 50.000 potenciais usuarios ata un máximo de 500.000, cunha estimación de 150.000 beneficiarios reais, dadas as experiencias anteriores con medidas análogas en que non se utiliza a totalidade do importe do bono. Así, agárdase a xeración dun impacto económico de, polo menos, 10 millóns de euros. A conselleira do Mar resaltou que os bonos poderanse descargar a partir do 28 de xullo desde a plataforma www.bonopeixe.gal ou na app móbil, dispoñible tanto para dispositivos con Android e iOS, deseñada especificamente para esta acción.
Referentes na promoción
Galicia afonda así na súa posición como referente no desenvolvemento de accións de promoción do consumo de peixe e marisco con outras iniciativas exitosas como a campaña Galicia sabe amar. Unha liña de traballo que se está a realizar da man do propio sector e que sitúa Galicia como segunda comunidade que rexistra maior consumo con 23 quilos per cápita, 5 quilos por enriba da media do conxunto de España.
A Xunta de Galicia rexeita o Expediente de Regulación Temporal de Emprego (ERTE) que vén de presentar a dirección da planta de Sargadelos en Cervo, ao tempo que insta á reanudación da actividade canto antes en defensa dos dereitos das persoas traballadoras. Como autoridade laboral, o Goberno galego aprecia incongruencia na solicitude presentada ao non axustarse á normativa aplicable e demanda información e documentación adicional á dirección da empresa. Así mesmo, reafirma que como non pode ser doutro xeito velará polo cumprimento da lexislación laboral e denunciará calquera ilegalidade que se detecte.
A Consellería de Sanidade publica o informe de actividade das infeccións respiratorias agudas correspondente á semana do 17 ao 23 de novembro, que sinala que a actividade gripal en Galicia segue con intensidade baixa e tendencia crecente. Respecto da semana anterior, rexístrase un aumento na taxa de consultas por gripe en atención primaria dun 40,3 %. Así, esta taxa sitúase en 72,1 consultas por 100.000 habitantes. Produciuse aumento da taxa en todos os grupos de idade, destacando o grupo de 0 a 4 anos cun aumento do 78 %. Os grupos coa maior taxa de consultas seguen a ser o de 0 a 4 anos con 188,4 consultas por 100.000 habitantes. No que atinxe ás áreas sanitarias, incrementáronse as consultas en todas elas, duplicándose o valor na área de Vigo e rexistrando un aumento das súas taxas as áreas de Ourense (96,6 %) e de Lugo (79,3 %).
