viernes, 9 de mayo de 2025
O plan prevía que os fondos correspondentes ao ano pasado serían transferidos ás comunidades autónomas en tres pagos. O primeiro chegaría a mediados de ano, outro cando xustificasen ter convocado as axudas e o último cando as comunidades acreditasen ter cumprido os obxectivos establecidos en canto a número de vivendas para as que se concedeu a subvención.
Os dous primeiros pagamentos xa foron recibidos pola Xunta e o terceiro é o que se solicita agora, por importe de 40,6 millóns de euros, unha vez que as vivendas beneficiadas en Galicia polas axudas convocadas superan amplamente os mínimos establecidos no plan.
Cómpre subliñar que o Plan de recuperación, transformación e resiliencia finánciase exclusivamente con fondos procedentes da Unión Europea e das comunidades autónomas, sen ningunha achega do Goberno de España.
No seu conxunto, o plan estará financiado no caso de Galicia con 206 millóns de euros procedentes da UE e máis de 90 achegados pola Xunta de Galicia, uns fondos que supoñen o 30% do total.
Execución de preto do 90%
A Xunta xa resolveu as convocatorias de 7 programas de axudas do Plan de recuperación, transformación e resiliencia acadando unha porcentaxe de execución dos fondos previstos de case un 90% en concreto, do 88,16%. Os fondos remanentes incorporaranse ás convocatorias de 2023.
Dous dos programas executáronse ao 100%, outros tres remataron por riba do 90% e un deles acadou o 86%. A liña cunha menor execución foi a de actuacións a nivel de vivenda debido a que a demanda destas axudas foi inferior á prevista. En todo caso, no programa de vivenda concedéronse todas as solicitudes que cumprían os requisitos.
En total concedéronse axudas para 14.585 vivendas, por un importe de 77.591.338,02 euros. No seguinte cadro indícanse os datos de cada un dos 7 programas, co número de vivendas beneficiadas e o importe concedido.
Construción de vivendas para alugueiro
Por outra parte, o IGVS tamén xestiona o programa de construción de vivendas enerxeticamente eficientes para alugueiro, que se executa a través da construción de vivendas públicas por parte do propio organismo autonómico e dunha liña específica de axudas para que promotores públicos e privados tamén poidan construír vivendas destinadas a alugueiro social en solo público.
Para este programa estaban previstas dúas transferencias a Galicia de 29,22 millóns de euros. A primeira xa foi recibida pola Xunta e está integramente comprometida a través da convocatoria de subvencións para concellos e empresas privadas publicada no DOG o pasado 7 de febreiro, cun orzamento inicial de 8,4 millóns de euros, e dos convenios asinados entre o IGVS e o Ministerio en 2022 para o cofinanciamento da construción de 499 vivendas de promoción pública nas cidades por parte da Xunta.
Neste último caso, o Goberno autonómico achegará o 65% do custo total estimado das vivendas e o 35% restante será financiado con fondos europeos procedentes do programa Next Generation UE.
A Mostra Internacional de Teatro Cómico e Festivo de Cangas presentou hoxe a programación da súa 42ª edición, que se celebrará entre os días 22 de xuño e 6 de xullo no Auditorio Municipal Xosé Manuel Pazos Varela, así como nas rúas e noutros espazos da vila do Morrazo, que acollerán 26 espectáculos e un nutrido programa de actividades lúdicas e sectoriais. O certame, organizado desde 1984 pola Asociación Cultural Xiria, é un dos poucos festivais de teatro europeos cuxo principal selo de identidade é a comedia, unha marca consolidada e referente da produción escénica deste xénero en calquera das súas vertentes: negra, branca, xestual, contemporánea, circense, dramática, musical e, dende hai máis dunha década, tamén na danza.
A praza Conde de Fontao de Foz será o enclave elixido para a actuación extraordinaria do festival o 31 de xullo con La Carroza Del Real, mentres que o destacado pianista Denis Kozhukhin abrirá oficialmente o ciclo de concertos o 12 de agosto na Fortaleza de Alfoz. O 13 de agosto a Real Filharmonía de Galicia e o Coro da Comunidade de Madrid realizarán o primeiro concerto sinfónico-coral no que interpretarán o Réquiem de Mozart na Catedral de Mondoñedo. A clausura do XII Festival Bal y Gay será co barítono galego Borja Quiza, o 21 de agosto, no Teatro Pastor Díaz de Viveiro, cita na que tamén participarán o pianista Javier Carmena e a mezzosoprano Andrea Rey, nunha proposta que mesturará as raíces galegas e españolas.
