Noticias economia
A Xunta solicitoulle ao Goberno de España a creación dunha comisión de seguimento das obras do AVE que se reúna con periodicidade mensual. A conselleira de Infraestruturas e Mobilidade, Ethel Vázquez, remitiulle hoxe un escrito ao secretario de Estado de Transportes, Mobilidade e Axenda Urbana, Pedro Saura, demandando a creación dun foro sobre a alta velocidade ferroviaria similar ao establecido polo Executivo central con outras autonomías.O Goberno galego considera conveniente que a primeira xuntanza desa comisión de seguimento se celebre xa neste mes de febreiro, coa fin de achegarlle á cidadanía galega información oficial, clara, concreta e certeira sobre a evolución desta infraestrutura estratéxica, unha vez constatado o incumprimento do acordo político de rematar as obras a finais de 2019.
Galicia comeza 2020 con 7045 parados menos que hai un ano, o que supón unha baixada do -4,03% e un nivel de desemprego moi inferior ao rexistrado hai once anos. Por sétimo ano consecutivo redúcese o paro en Galicia nun mes de xaneiro. Estes datos sitúan Galicia como a segunda Comunidade que rexistra unha maior baixada de desemprego, superando a media española (-0,97%) en máis de tres puntos. O paro tamén baixou nas catro provincias galegas e nas 7 grandes cidades (agás A Coruña), así como en todos os sectores económicos e nos colectivos prioritarios para a Xunta: menores de 30 anos, parados de longa duración e mulleres.
As axudas do Bono de Alugueiro Social, que xestiona e concede o IGVS, poderán solicitarse ata o próximo 11 de decembro co fin de facilitar o acceso á vivenda en réxime de aluguer a aqueles colectivos que presentan maiores dificultades económicas. A convocatoria deste ano, que como principal novidade amplía o abano de posibles beneficiarios aos mozos que estiveran tutelados pola Xunta, unha vez saian do réxime de tutela, e a persoas privadas da súa vivenda habitual como consecuencia de procedementos xudiciais de execucións hipotecarias ou de acordos extraxudiciais, contará inicialmente cun orzamento dun millón de euros.
O Consello da Xunta autorizou á Asesoría Xurídica e a Consellería de Facenda a que inicien o procedemento para reclamar xudicialmente ao Goberno o pago dos 200 millóns de euros que debe a Galicia pola mensualidade do IVE do ano 2017, que é unha parte substancial dos 370 millóns de euros que aínda lle adebeda o Executivo a todos os galegos. Enviarase ao Executivo un requirimento previo, tal e como se establece na Lei, e ante o cal o Goberno terá un mes para responder. De non facelo ou facelo en sentido negativo, de maneira inmediata a Xunta presentará un recurso contencioso-administrativo.
A través da liña específica para proxectos individuais Galicia Exporta Empresas e da destinada a apoiar proxectos colectivos coordinados por agrupacións empresariais Galicia Exporta Organismos Intermedios, impúlsanse tanto actividades de difusión como a participación en eventos expositivos no exterior e accións de prospección internacional. Como novidade nesta convocatoria do primeiro dos programas, engádese a igualdade de xénero como criterio de desempate no caso de que as iniciativas presentadas teñan a mesma puntuación. O Galicia Exporta Organismos Intermedios tamén afonda na dixitalización, e así, entre outras iniciativas, apoiarase a creación de plataformas de comercio electrónico para mercados internacionais.
Esta mañá déronse a coñecer na sede do Clúster Alimentario de Galicia (Clusaga) en Santiago de Compostela os proxectos que serán acelerados na Business Factory Food (BFFood), programa especializado no sector alimentario galego impulsado pola Xunta de Galicia e coordinado polo clúster. Das 38 candidaturas recibidas, presentáronse 18 no pitch day desta mañá e, tras unha reunión do comité executivo, decidiuse seleccionar oito que achegan solucións innovadoras aos retos identificados pola industria alimentaria galega como a dixitalización e automatización, loxística, sostibilidade e packaging e desenvolvemento de novos produtos.
Galicia defende que a Política Agrícola Común teña en conta as peculiaridades do medio rural galego. Así o reiterou hoxe en Bruxelas o conselleiro do Medio Rural, José González, que asistiu ao Consello de ministros de Agricultura da Unión Europea en representación das comunidades autónomas españolas, acompañando ao ministro Luis Planas. Nesta liña, o titular de Medio Rural manifestou que a postura de Galicia é de plena lealdade co Goberno de España á hora de apoiar unha PAC común para toda a UE, pero tamén de absoluta firmeza na defensa dos intereses dos agricultores, gandeiros e silvicultores galegos diante das instancias europeas.
As exportacións galegas acadaron nos primeiros once meses do pasado ano un volume total de vendas de 20.369 millóns de euros. As vendas ao exterior en novembro de 2019 subiron 6,6% con respecto ao mesmo mes de 2018, acadando un volume total de 2.110 millóns de euros. Galicia situouse así como a terceira comunidade na que máis medraron as vendas, despois das Illas Baleares e do País Vasco. De continuar esta tendencia, en 2019 o total das vendas no exterior superará por terceiro ano consecutivo os 21.000 millóns de euros, cifra que se acadou por vez primeira en 2017.
O conselleiro de Economía, Emprego e Industria, Francisco Conde, asistiu esta mañá en Lugo á mesa de traballo de Alcoa, na que ademais da Xunta estivo presente o Goberno do Estado, a empresa e representantes dos traballadores. Conde amosou a súa decepción xa que as medidas que o Goberno ten previsto poñer en marcha son, segundo a propia empresa comunicou, insuficientes para manter a produción de aluminio primario en Galicia e España -San Cibrao é a única planta que produce aluminio primario no país-. Por este motivo, Conde instou ao Goberno a que revise as actuacións previstas co obxectivo de poñer en marcha iniciativas que garantan un prezo competitivo.
A Tarxeta Benvida destina máis de 36,2 millóns de euros para que as nenas e nenos nados en 2020 teñan acceso a axudas directas para contribuír a sufragar os custes que trae consigo o chegada dun novo membro á familia. Publicáronse hoxe as bases para a concesión desta axuda, que conta con catro importantes novidades. En primeiro lugar, para as familias que vivan en concellos de menos de 5000 habitantes increméntase un 25% o importe da achega, coa finalidade de apoiar aos fogares con fillos no rural. En segundo lugar, duplícase a cantidade que se percibe polo terceiro fillo e sucesivos durante o primeiro ano, de xeito que recibirán 2400 euros anuais. Esta cantidade elevarase ata os 3000 euros en caso de que vivan nun concello rural.
A nova Lei do Emprendemento e a entrada en funcionamento da Unidade Galicia Emprende, centraron a intervención do presidente da Xunta no encontro O novo impulso, no que avanzou o investimento de 10 millóns de euros en 2014 para apoiar aos emprendedores galegos.
Nunha xuntanza entre gandeiros e representantes da industria láctea en Galicia presentouse un indicador que permite o seguemento actualizado da evolución dos custes de produción, o que permitirá mellorar a planificación aos produtores e á industria.
A axencia de cualificación mellora a perspectiva da Comunidade galega, que pasa de "Negativa" a "Estable". Atribúe a Galicia un nivel de crédito indicativo superior ao do Estado pola súa xestión financeira e solvencia, pero lembra que non pode ter un rating superior ao de España. Destaca, tamén, o bo comportamento do déficit.
No Fórum Nueva Economía, o conselleiro de Economía e Industria presentou as liñas mestras do Plan Director que deixa constancia da necesidade de reforzar a industria galega no local e no global para afrontar os novos retos da vindeira década.
12 obradoiros artesáns participan no maior encontro internacional de artesanía, LArtigiano in Fiera, de Milán (Italia) ata o 8 de decembro, na estratexia da Xunta de impulso ao sector artesán, centrada na aposta pola innovación, a formación e a mellora da comercialización.
Sinala que o déficit público da comunidade se situou, no terceiro trimestre, no 0,8% en termos de cumprimento do obxectivo de estabilidade orzamentaria; unha cifra 2 décimas menor que a media de comunidades autónomas, que a 30 de setembro de 2013 acadou o 1%.
A feira Viñerón 2013 fomenta o encontro entre entusiastas do viño, profesionais do sector hostaleiro, agroalimentario e turístico, así como bloggers e medios de comunicación especializados no mundo do viño. Como novidade, na sección Galicia emerxente dáselle espazo aos viticultores noveis galegos que chaman a atención polo seu talento.
O presidente da Xunta, nunha conferencia do Foro ABC en Madrid, salientou un aforro de arredor de 20 millóns de euros na próxima emisión de débeda ao non ter que acudir ao FLA, e sitúa o custo da débeda por galego nun 40% menos que a media das comunidades españolas.
Trátase, según a Xunta, dunha nova norma para adecuar a estrutura agraria en Galicia ás necesidades das explotacións, e para poder logralo con maior axilidade e incorporando ao mesmo tempo as fincas que están en manifesto estado de abandono.
O presidente da Xunta dixo que pagará o complemento das pensións non contributivas -206 euros- por quinto ano consecutivo e en plena crise económica, nun compromiso do Goberno galego con quen máis o precisa, e a pesar de que a taxa de pobreza galega é 3 puntos inferior á española.
