viernes, 5 de junio de 2026
A Consellería de Economía, Emprego e Industria mantén o seu compromiso co impulso á internacionalización das empresas galegas e activa este mes tres liñas de axudas cun orzamento de 11,2 M -un 40% máis que na anterior convocatoria- co obxectivo de que 1200 pemes poidan acceder e medrar nos mercados internacionais e diversificar os destinos das vendas ao exterior.
O Diario Oficial de Galicia publica hoxe as convocatorias para participar en Galicia Exporta Empresas e Galicia Exporta Organismos Intermedios que se manterán abertas ata o vindeiro 30 de marzo.
Este ano súmase unha nova liña, o Galicia Exporta Dixital -cuxo prazo xa está aberto- que conta cunha dotación de dous millóns de euros, e vén dar resposta á demanda crecente das compañías galegas para acometer este tipo de procesos. Apoiarase tanto o deseño de plans de internacionalización dixital e adquisición de software, como a creación e adaptación de tendas e catálogos en liña, campañas de posicionamento en Internet ou outros servizos de soporte das vendas dixitais. As axudas son superiores no caso das pemes, que poden obter ata 100.000 euros (o 80% do investimento subvencionable).
Mediante a anterior convocatoria do Galicia Exporta, a Xunta facilitou apoio directo a 808 pemes, un 73,39% máis que a lanzada en 2018, para desenvolver proxectos de internacionalización ou participar nas accións conxuntas de promoción exterior. Incrementouse nun 42% o número global de plans colectivos de expansión internacional e nun 8% os dirixidos a países non europeos, entre os que destaca Estados Unidos.
Os programas Galicia Exporta e o Foexga están a promover na actualidade 424 accións conxuntas en máis de 100 países nas que participan máis de 1300 pemes galegas. Con eles, a Xunta busca reforzar os resultados das exportacións do tecido empresarial e manter a tendencia dos últimos anos.
Evolución das exportacións
Agárdase que en 2019 o total das vendas galegas no exterior supere os 21.000 millóns de euros, cifra que se acadou por vez primeira en 2017, grazas aos esforzos das empresas da Comunidade por abrir novos destinos como China, onde as vendas rexistraron unha suba do 28,1% nos primeiros once meses do ano con respecto ao mesmo período de 2018; a Estados Unidos, cun ascenso do 6,1%; e África, cun 7,1%. Xa en Europa, destaca o incremento das vendas a Suecia, que acadou o 13,2%.
Por sectores, no período de referencia as vendas de máquinas e aparellos mecánicos rexistraron de novo un incremento, neste caso do 11,4%; a industria química e a agroalimentaria aumentaron de novo as súas exportacións, con subas do 4,2% e 2,6% respectivamente.
Grandes expertos en viaxes en longa distancia, os habitantes do Pacífico levaron vidas cosmopolitas moito antes de que os europeos chegasen á rexión. Son considerados ademais uns artistas excepcionais que crean fermosos obxectos para a súa vida cotiá con elementos naturais como pedra, madeira, fibras ou cunchas. Abanos, anzois, tecidos, armas, canoas... cada obxecto está belamente traballado, con decoracións impregnadas dun significado espiritual e profundo: a arte forma parte de todos os aspectos da vida. Voces do Pacífico estrutúrase así en sete ámbitos temáticos que se achegan a diferentes aspectos da arte e as tradicións de Oceanía e que inclúen o tecido, a danza, a talla ou as tecnoloxías de navegación.
Foi presentado o Wake Up! SdC, que se celebra os días 5 e 6 de xuño en Santiago de Compostela. Tras catro edicións de gran formato celebradas na Coruña, o Wake Up! inicia unha nova etapa na capital de Galicia, coa Cidade da Cultura de Galicia como escenario, consolidándose como unha referencia dentro do circuíto estatal de música electrónica. O cartel ofrece algunhas das figuras máis recoñecidas da escena internacional e nacional, cun cartel encabezado por artistas de referencia como Ben Klock, Joris Voorn, Fatima Hajji, Ben Sims, Lee Ann Roberts ou Vendex, xunto a outros nomes destacados do panorama actual como Alarico, Future.666, The Lady Machine, Blasha & Allatt, Dax J ou Pawlowski.
