lunes, 1 de diciembre de 2025
Así o explicou o secretario xeral da Lingua, Valentín García, na presentación da programación, que se desenvolverá, do 8 ao 11 de xullo, na localidade pontevedresa de Vilanova de Arousa.
O representante da Consellería de Cultura, Lingua e Xuventude considerou totalmente atinada a incorporación deste festival aos festexos que ao redor do intelectual galeguista está a desenvolver a Xunta, que declarou Ano Castelao este 2025, co gallo de cumprirse o 75 aniversario do seu pasamento. Nese senso, puxo en valor a amizade entre os dous autores e a defensa que o intelectual de Rianxo facía do galeguismo de Valle-Inclán, de quen aseguraba que escribía en castelán o pensado en galego, ademais lembrou que foi responsable da escenografía de Divinas palabras.
Os vencellos persoais e profesionais entre os autores de Luces de Bohemía e Sempre en Galiza estarán presentes no Curso de Verán, que este certame celebra paralelamente ás representacións teatrais. Así, nesta actividade inclúense os relatorio A recepción de Valle-Inclán polo galeguismo, a cargo de Jorge Carril, e Valle-Inclán e Castelao, a cargo do xornalista e crítico de arte Ramón Rozas.
A cuarta edición do Festivalle dará comezo coa representación de Los cuernos de Don Friolera a cargo da Teatro del Canal. Durante os días seguintes, a programación desenvolverase por diferentes espazos de Vilanova de Arousa, onde se poderá gozar de La Rosa de Papel, de Teatro Tribueñe, compañía que tamén escenificará El embrujado. O peche do festival será para conmemorar o centenario este ano da estrea de La cabeza del Bautista coa proxección dun documental audiovisual inédito.
Programación Ano Castelao
Ademais desta incorporación de Festivalle ao Ano Castelo, compre salientar que a peza central da programación é a exposición Castelao. Mirar por Galicia, que o Goberno galego inaugurou a pasada semana na Cidade da Cultura e na que se pode gozar dunha experiencia inmersiva única onde o intelectual galeguista volve á vida.
De igual xeito, ao abeiro desta celebración a Xunta renovou a cátedra de investigación e divulgación sobre a súa figura e dixitalizouse o Anteproxecto do estatuto de autonomía 1932-1936, no que Castelao xogou un papel fundamental. Así mesmo, en colaboración coa Fundación Castelao e a Editorial Galaxia, editaranse as dúas versións da emblemática peza teatral Os vellos non deben de namorarse. Desta forma, será a primeira vez que se realice a publicación simultánea dunha das obras máis populares da dramaturxia galega, estreada en Bos Aires en 1941.
A Xunta de Galicia rexeita o Expediente de Regulación Temporal de Emprego (ERTE) que vén de presentar a dirección da planta de Sargadelos en Cervo, ao tempo que insta á reanudación da actividade canto antes en defensa dos dereitos das persoas traballadoras. Como autoridade laboral, o Goberno galego aprecia incongruencia na solicitude presentada ao non axustarse á normativa aplicable e demanda información e documentación adicional á dirección da empresa. Así mesmo, reafirma que como non pode ser doutro xeito velará polo cumprimento da lexislación laboral e denunciará calquera ilegalidade que se detecte.
A Consellería de Sanidade publica o informe de actividade das infeccións respiratorias agudas correspondente á semana do 17 ao 23 de novembro, que sinala que a actividade gripal en Galicia segue con intensidade baixa e tendencia crecente. Respecto da semana anterior, rexístrase un aumento na taxa de consultas por gripe en atención primaria dun 40,3 %. Así, esta taxa sitúase en 72,1 consultas por 100.000 habitantes. Produciuse aumento da taxa en todos os grupos de idade, destacando o grupo de 0 a 4 anos cun aumento do 78 %. Os grupos coa maior taxa de consultas seguen a ser o de 0 a 4 anos con 188,4 consultas por 100.000 habitantes. No que atinxe ás áreas sanitarias, incrementáronse as consultas en todas elas, duplicándose o valor na área de Vigo e rexistrando un aumento das súas taxas as áreas de Ourense (96,6 %) e de Lugo (79,3 %).
