Noticias economia
A Estratexia Loxística das Infraestruturas de Galicia 2021-2028 busca, precisamente, definir as actuacións necesarias para aproveitar ao máximo a incorporación ao Corredor Atlántico, incrementando área de influencia dos Portos da Comunidade mediante o fomento da multimodalidade do transporte de mercadorías asociado a eles. Ethel Vázquez sinalou como meta deste proxecto impulsar o transporte de mercadorías entre Galicia e o resto de España, Portugal e o conxunto da UE, para conseguir transportar 3 millóns de toneladas máis cada ano por ferrocarril, sendo así máis competitivos e evitando, dese xeito, a emisión de 150.000 toneladas de CO2 cada ano.
A Xunta segue comprometida co impulso dunha Galicia máis verde, fomentando o uso de enerxías renovables entre todo tipo de usuarios -fogares, empresas e administracións- co obxectivo de avanzar na transición ecolóxica. Por iso vai lanzar unha serie de apoios económicos que van contribuír á redución dos custos enerxéticos dos beneficiarios, nun momento de continua escalada de prezos na factura da luz que teñen que pagar as familias e o tecido empresarial; ademais da creación de emprego, a reactivación económica e a mellora ambiental que repercute na calidade de vida da sociedade galega.
A Xunta de Galicia e os reitores do Sistema Universitario Galego (SUG) presentaron as principais liñas do Plan de Financiamento Universitario de Galicia 2022-2026, un documento consensuado entre as partes que mobilizará máis de 3.200M no vindeiro quinquenio. O conselleiro de Cultura, Educación e Universidade, Román Rodríguez, e os reitores da Universidade de Santiago de Compostela, Antonio López; de Vigo, Manuel Reigosa, e da Coruña, Julio Abalde, explicaron que os fondos supoñen un 31% máis ca os inicialmente previstos para o plan no período 2016-2020 (2.447M).
O paro baixou no último ano en Galicia (outubro 2020-outubro 2021) en 27.262 persoas (-15,04%), o que supón sete meses consecutivos de caída do desemprego na evolución anual, e as afiliacións creceron desde outubro de 2020 nun 2,04%, uns indicadores que marcan, en palabras da directora xeral de Formación e Colocación, Zeltia Lado, a recuperación do mercado de traballo. Galicia conta con menos paro que ao inicio da crise económica de 2008, xa que en outubro de 2008 había 168.423 desempregados fronte aos 154.045 parados de outubro. Ademais, o descenso producido é o maior de toda a serie histórica (1996) en termos relativos e absolutos e supera en 0,17 puntos a baixada experimentada no Estado (-14,87%).
Galicia segue a medrar no que as súas vendas ao exterior se refire. Unha tendencia que xa comezou a reflectirse nos últimos meses do ano 2020, e que se consolida neste exercicio. De tal feito que, como amosan os últimos datos dispoñibles, as exportacións galegas veñen de acadar, entre xaneiro e agosto, un récord histórico no acumulado destes primeiros oito meses de 2021. En concreto, durante este período as vendas ao exterior da Comunidade rozan os 15.000 millóns de euros, o que se supón un incremento de case o 23% con respecto ao mesmo período do ano pasado, situando a Galicia un punto por riba da media estatal. Deste xeito, as exportacións galegas superan nun 3% o rexistro do 2018, e nun 6,4% o do 2019, os mellores anos ata o de agora.
Máis de 1.100.000 contribuíntes se beneficiarán da nova rebaixa na tarifa autonómica do IRPF para as rendas medias e baixas incluída nos Orzamentos da Xunta do vindeiro ano, o que supón máis do 90%. En concreto, implántase unha nova escala e rebáixanse os tipos en todos os tramos inferiores a 60.000 euros, co que Galicia reforza a súa posición como unha das CC.AA. con menor tributación para as rendas medias e baixas. Así o recolle o proxecto de Lei de Orzamentos para 2022, que ascende a 11.627 millóns de euros, un 6,9% máis que no vixente exercicio e que foi entregado hoxe no Parlamento polo conselleiro de Facenda e Administración Pública, Miguel Corgos, xunto ao proxecto de Lei de Medidas Fiscais e Administrativas.
O presidente da Xunta, Alberto Núñez Feijóo, presentou trala reunión do Consello Extraordinario da Xunta os Orzamentos de 2022, os máis altos da historia, dixo, para pasar á reactivación e á recuperación, cos maiores recursos para o gasto social e o emprego e con novas rebaixas fiscais. Logo de incidir en que estes Orzamentos se aproban 'en tempo e forma' para que entren en vigor o 1 de xaneiro de 2022, Feijóo aseverou que 'aprobamos hoxe unhas contas que se porán ao servizo dunha nova fase económica marcada pola superación da crise sanitaria e coa intención de pasar da reactivación á recuperación: co maior orzamento da historia, cun reforzo sen precedentes no gasto social e no investimento produtivo, cun menor gasto en xuros e cunha nova baixada de impostos'.
O responsable do Goberno galego, Alberto Núñez Feijóo, avanzou na rolda de prensa do Consello a activación dun 4º Plan de rescate cos 134 M sobrantes da convocatoria anterior, que recollerá as últimas modificacións introducidas polo Goberno central co obxectivo de que os cartos cheguen a quen máis o precisa. A este respecto, Feijóo explicou que foron os problemas burocráticos derivados dos requisitos impostos polo Goberno no reparto das axudas do 3º Plan de rescate os impediron que esa cantidade fose distribuída.
Galicia sitúase no camiño da reactivación económica, xa que o número de afiliacións á Seguridade Social é maior e a cifra de parados no mes de setembro é inferior ao rexistrado ao comezo da pandemia. Así, a comunidade galega conta con 1.034.229 cotizacións e 153.054 parados fronte ás 1.002.624 afiliacións e 174.481 desempregados de marzo de 2020. Ademais, Galicia acumula seis meses consecutivos de baixada de paro na evolución anual, o que, en palabras da directora xeral de Formación e Colocación, Zeltia Lado, demostra a recuperación do mercado de traballo, un feito ao que se une a saída de traballadores dun Expediente de Regulación Temporal de Emprego.
O programa Leader permitiu consolidar un total de 2.274 postos de traballo en Galicia e crear outros 790 empregos no período de programación 2014-2020. Así o salientou o subdirector de Relacións cos Grupos de Desenvolvemento Rural, Moisés Blanco, na súa intervención na xornada 30 anos de Leader, organizada pola Red Española de Desarrollo Rural. O representante galego puxo en valor o feito de que tres décadas despois da súa posta en marcha, a medida Leader, co seu enfoque participativo e transversal, consagrouse como unha ferramenta indispensable para dinamizar o tecido socioeconómico das áreas rurais, tamén en Galicia.
En una jornada organizada bajo el lema Vivir del Mar, Tejer el Futuro, el GAC 2: Golfo Ártabro hizo balance de los proyectos ejecutados entre 2007 y 2013, y habló de sus retos de cara al período 2014/2020. El encuentro se celebró en la Casa del Pescador de la Cofradía de Miño, cuya rehabilitación fue subvencionada desde el GAC.
Estes gandeiros están integrados nas 69 Agrupacións de Defensa Sanitaria Gandeiras (ADSG) ás que lle foron concedidas estas achegas. A elas, a Consellería do Medio Rural e do Mar destina integramente máis de 2 millóns de euros. A través delas, subvenciónase a contratación dos servizos de 159 veterinarios, encargados da supervisión e execución do programa sanitario.
O comité asesor do Plan Estratéxico 2015-2020 contará coa presenza de 12 persoas de recoñecido prestixio no eido da empresa, a innovación, os recursos humanos, a universidade e as políticas públicas como Michael Schneider, representante do Land de Sajonia-Anhalt ante o Goberno Federal de Alemaña.
O total a pagar polos sancionados ascende a 4,47 millóns de euros e a cifra máis elevada de taxa láctea dos que teñen que pagar é de máis de 437.000 euros e a menor de preto de 26 euros. O labor da Consellería de Medio Rural e do Mar e do Ministerio de Agricultura foi fundamental para reducir os afectados.
Durante a apertura do workshop Civil UAVs Initiative, Feijóo incidiu en que Galicia é un escenario propicio para calquera investidor que queira desenvolver as súas liñas de traballo no sector dos avións non tripulados e agradeceu o interese mostrado por máis de 200 empresas, moitas delas galegas pero tamén procedentes de países como Estados Unidos, Reino Unido, Australia, Israel, Italia ou Suíza.
A Plataforma de apoio ó sector lácteo galego reuniuse no edificio CERSIA de Santiago de Compostela para consensuar medidas urxentes para solucionar a grave situación dos produtores de leite. Na reunión consensuouse un manifesto de medidas para solucionar os graves problemas polos que atravesa o sector, coas seguintes propostas a corto prazo.
O conselleiro de Economía, o presidente do Clúster do Granito e a Fundación Centro Tecnolóxico do Granito asinan un acordo que abre a porta do selo de garantía ao sector. A incorporación da marca funcionará como aval da excelencia das empresas contribuíndo a manter o bo ritmo exportador, que o ano pasado acadou un record histórico con 113 millóns, un 3.14% máis.
Yolanda Díaz: Estas cifras impostas polo PP son inxustas, e baséanse en sacrificar ás comunidades, para que se vexan na obriga de perpetuar o austericidio no gasto social, baseado en recortes en servizos públicos tan necesarios como a educación ou a sanidade.
O conselleiro de Economía e Industria, Francisco Conde, resalta que a boa resposta á convocatoria da Xunta indica o respaldo do sector ao proxecto, no que a Xunta investirá 45 millóns de euros. Salienta a presenza de compañías procedentes, ademais de Galicia e do resto de España, de países como Estados Unidos, Israel, Romanía ou Italia.
O Igape organiza unha xornada técnica orientada especialmente aos sectores agroalimentario, TIC e téxtil. As exportacións a este país asiático superaron os 178 millóns de euros en 2014, un 6% máis que no anterior exercicio, a vez que creceu o número de empresas galegas que exportan a ese mercado un 21%.
