domingo, 22 de marzo de 2026
Ademais, a porcentaxe de incremento das exportacións da Comunidade nestes once primeiros meses de 2021 sitúanse un punto por riba da media estatal (+21,2%), situándose Galicia como a sexta comunidade na que máis medran as exportacións no que vai de exercicio. Este incremento permite a Galicia contar cun saldo favorable de 4.858,5 millóns de euros entre as exportacións e as importacións contabilizadas entre xaneiro e novembro, sendo a comunidade autónoma con maior saldo comercial en termos absolutos, mentres que en España a balanza continúa en números vermellos.
No que respecta aos datos interanuais de novembro, as vendas ao exterior aumentaron este mes un 17,2% con respecto a novembro do ano pasado, sumando nesta ocasión 2.463,9 millóns de euros.
No tocante ás empresas exportadoras, no período xaneiro-novembro tamén marcan un novo récord, chegando ás 8855.
Pola súa banda, entre os sectores que están detrás do ascenso das exportacións no acumulado dos once primeiros meses figuran o téxtil, cunha suba do +36,2%; a automoción, cun incremento do +7,1% con respecto ao ano pasado na venda de automóbiles; e a industria metalúrxica, cun aumento do +51%.
Por países, todos os estados cos que o peso do comercio galego é significativo aumentan, producíndose, no marco da Unión Europea, importantes ascensos nos principais compradores en relación ao mesmo período do ano anterior: Italia (+40,7%), Alemaña (+24,4%), e Portugal (+19%), e tamén destacan outros destinos como Marrocos (+67,9%) ou Estados Unidos (+62,7%)
O apoio da Xunta de Galicia
Na procura de acompañar este traballo das empresas no actual contexto e de contribuír á súa recuperación económica, a Xunta de Galicia conta cunha nova Estratexia de Internacionalización para o período 2021-2025 para facilitar a saída ao exterior do tecido empresarial da Comunidade e que ten, como principais claves, a aposta pola dixitalización e a diversificación dos mercados exportadores.
A Estratexia contempla, como primeiro paso, un plan de acción inicial para o período 2021-2023 que suma máis de 70 millóns de euros para impulsar a recuperación económica do tecido empresarial galego. Un programa que se sustenta sobre catro piares: o fomento da innovación, a atracción de talento galego internacional, o acompañamento ao tecido empresarial e a difusión de casos de éxito.
A través desta Estratexia, a Xunta de Galicia aspira a manter e reforzar a súa colaboración co tecido produtivo galego, mellorando a súa competitividade a través da internacionalización e a dixitalización.
Coralinda é unha comedia xestual dirixida a público familiar e infantil. A través dunha linguaxe xestual fundamentada na manipulación de obxectos e na interacción constante co dispositivo escénico, a obra constrúe un universo cómico e poético que transita do realismo á hipérbole da vida cotiá. Unha proposta escénica ao estilo dos debuxos animados que aborda a temática da inmigración e do medio ambiente desde o humor, a poesía visual e a emoción. A obra convida a reflexionar sobre as experiencias das persoas que viaxan lonxe da súa terra.
Foi presentadoo o novo festival Sons de Vigo que se celebrará do 27 de marzo ao 4 de abril no Ifevi. Este evento aposta tanto por grandes nomes do panorama nacional como por artistas locais da escena galega. A presentación, celebrada no Paseo das Avenidas, xunto ao monumento a Julio Verne como un dos símbolos de Vigo, contou coa actuación de Castle e Milutxo, músicos locais que ofreceron varios dos seus temas. Sons de Galicia forma parte da programación dos Concertos do Xacobeo organizados pola Xunta de Galicia, unha iniciativa que impulsa a celebración de grandes citas musicais en Galicia. O ciclo comezará o 27 de marzo con Lingua Urbana, un dos cinco eventos musicais que acollerá o Ifevi dentro desta programación.
