Noticias economia
O titular do Goberno galego, Alberto Núñez Feijóo, informou hoxe da aprobación por parte da Xunta dos trámites necesarios para que o Goberno central aboe a Galicia os cartos da sentenza do IVE correspondente a decembro de 2017. Isto prodúcese logo de que o Tribunal Supremo dese a razón á Xunta en abril de 2021 e acreditase que o Goberno central vulnerou o dereito á autonomía financeira de Galicia, orixinando un quebranto económico á facenda autonómica e un enriquecemento indebido para o Estado.
O director xeral de Relacións Exteriores e coa UE, Jesús Gamallo, inaugurou o primeiro encontro virtual do 2022 do ciclo "FGE | Next Generation Galicia", o punto de encontro mensual establecido pola Fundación Galicia Europa entre a Xunta e a Comisión Europea que, nesta ocasión, estivo dedicado a abordar a Estratexia de mobilidade sostible e intelixente da UE, así como o conxunto de propostas lexislativas enmarcadas na mesma. Durante a súa intervención, o director recordou que o sector do transporte supón o segundo motivo de gasto para os fogares europeos, e que no caso de Galicia, supón un 13,5% do seu PIB e dá emprego a máis de 40. 000 persoas en sectores como o da automoción.
Galicia segue a mellorar os resultados positivos das súas vendas ao exterior, ata o punto de que as exportacións galegas marcan un novo récord e suman, entre xaneiro e novembro de 2021, máis de 23.000 millóns de euros. A cifra, que non se acadara ata o de agora nun exercicio completo no conxunto da serie histórica, permite superar por quinto ano consecutivo os 20.000 millóns de euros en exportacións, acadando un novo teito á espera de pechar 2021 coas cifras do último mes de decembro. Neste sentido, e tal e como amosan os últimos datos dispoñibles publicados polo Instituto Galego de Estatística (IGE), as exportacións galegas aumentaron, entre xaneiro e novembro do ano pasado, nun 22,2%, ata acadar os 23.122 millóns.
O conselleiro de Facenda e Administración Pública, Miguel Corgos, cifrou hoxe o sobrecusto da variable dispersión para Galicia en máis de 500 millóns anuais, máis do dobre do que aporta o sistema. Así o expuxo esta mañá na súa comparecencia na Comisión non permanente especial de estudo para abordar a proposta da Comunidade Autónoma de Galicia diante da reforma do sistema de financiamento. O conselleiro sinalou que a dispersión é o que caracteriza á Comunidade Autónoma e o que a singulariza en España, e remarcou que é un factor exclusivo que a diferenza doutras Comunidades Autónomas pero que a achega a Europa.
O ano 2021 pechou en Galicia marcado pola recuperación do mercado laboral. Así o destacou hoxe a directora xeral de Formación e Colocación, Zeltia Lado, quen sinalou que o número de parados -152.584- continúa a niveis precovid-19 e é a cifra máis baixa nun mes de decembro de toda a serie histórica de datos (1996). Respecto ao inicio da pandemia (febreiro 2020), o desemprego reduciuse nun -8,21%, un ritmo de baixada que case duplica ao do Estado (-4,32%). Na evolución anual, Lado sinalou que a caída do desemprego en 37.003 persoas (-19,52%) e o maior descenso desde 1996, tanto en termos relativos como absolutos, unha caída que, segundo subliñou, permite a Galicia acumular nove meses consecutivos de baixada do paro.
O titular do Goberno galego, Alberto Núñez Feijóo, avanzou que o novo Plan estratéxico de Galicia prevé acadar no ano 2030 a plena converxencia da Comunidade con España en termos de renda per cápita dos fogares, reducir ao 8% a taxa de paro e diminuír a metade a taxa de paro xuvenil. Así se desprende, abundou, do informe avaliado esta mañá no Consello da Xunta que tamén prevé un crecemento medio do PIB de entre o 2% e o 2,5% anual. A este respecto, Feijóo explicou que esta folla de ruta para a vindeira década ten 5 eixes prioritarios: o reto demográfico, a Galicia verde e sostible, a competitividade e o crecemento, a cohesión social e territorial, por último, a gobernanza.
As contas públicas de Galicia para o ano 2022 recibiron hoxe o visto e prace no Pleno do Parlamento galego. Estes orzamentos son os máis altos da historia da comunidade e ascenden a 11.627 millóns de euros para pasar da reactivación á recuperación económica e reforzar o crecemento san. En materia de política fiscal, os presupostos do vindeiro ano inclúen novas rebaixas de impostos no IRPF, no Imposto de Transmisións Patrimoniais (ITP) e no Imposto de Patrimonio que se suman a todas as aprobadas nos últimos anos. A Xunta leva aprobadas tres rebaixas na tarifa autonómica do IRPF en oito anos -2014, 2016 e 2022- co que as rendas máis baixas pagarán no ano 2022 un 22% menos de IRPF que no 2009.
Galicia segue a recuperar os resultados positivos das súas vendas ao exterior, ata o punto de que xa logra, nos dez primeiros meses do ano, superar por quinto exercicio consecutivo, os 20.000 millóns de euros en exportacións. En concreto, e tal e como amosan os últimos datos dispoñibles publicados hoxe polo Ministerio de Industria, Comercio e Turismo, as exportacións galegas aumentaron, entre xaneiro e outubro, nun 22,8%, ata acadar os 20.600 millóns. Deste xeito, supéranse tamén os niveis previos á pandemia da covid-19 cunha suba de preto do 13% fronte ao mesmo período de 2019.
Galicia amplía ata 8,1 puntos o diferencial de débeda coa media autonómica, o máximo histórico, tal e como mostran os datos de débeda segundo o Protocolo de Déficit Excesivo (PDE) correspondentes ao terceiro trimestre do ano publicados hoxe polo Banco de España. Ademais, o organismo regulador volve situar á Comunidade Autónoma galega como a terceira de réxime común con menor endebedamento de toda España. En concreto, a ratio de débeda/PIB de Galicia baixou 1,6 puntos con respecto ao segundo trimestre e sitúase no 18,5%, en niveis prepandemia.
A partir deste venres o Fondo Galego de Garantía Agraria comezará a facer efectivo o pagamento de máis de 127 millóns de euros das achegas da Política Agraria Común correspondentes á campaña 2021-2022. Serán máis de 110 millóns de euros de axudas directas e outros 17 millóns do pago de desenvolvemento rural destinado a zonas con limitacións naturais. Estes pagamentos beneficiarán a máis de 25.000 agricultores e gandeiros da nosa comunidade. No marco das achegas directas inclúense 62,3 millóns de euros do pago básico, 31,8 millóns do pago verde, 7,7 millóns para vacún de leite, 3,5 millóns de euros para vacún de carne, case 2,4 millóns para pequenos agricultores e 2,2 millóns para agricultores mozos.
La cita, que tendrá lugar del 24 al 26 de septiembre en Expourense, cuenta con 39 países participantes y un total de 279 expositores. Nava Castro dice que esta nueva edición constituye una oportunidad única para poner de manifiesto la innovación y la capacidad de dinamización y de activación económica de un sector referencia en turismo.
O noso valor engadido son as persoas, é a xente, é ese afán que compartimos os galegos de estar no mundo e de que o mundo estea entre nós, asegura o presidente da Xunta que visitou este evento. Di que Galicia foi o destino que máis creceu turisticamente en 2015 e sinala que máis de 4 millóns de viaxeiros, dos cales 2,4 millóns pernoitaron na Comunidade.
Madridjoya 2015, que se celebra no recinto feiral Ifema, onvértese nunha plataforma de promoción e alta visibilidade para o sector que presenta as súas novas coleccións co apoio de Galicia Calidade e Artesanía de Galicia. Con este salón tamén se celebra o Internacional da Bisutería e os Complementos.
O programa do ano 2015 susténtase en tres ideas: a complementariedade de perfís persoais e profesionais no equipo; a presenza dun persoa con coñecementos de xestión empresariais; e o acceso á carteira de resultados de investigación da USC que poderá ser a base do plan de empresa.
Francisco Jorquera asegura que a actitude do PP na Xunta de Portavoces é a mesma que a da Xunta, Santiago e Lugo tomados polos tractores, o campo levantado e a Xunta mirando para outro lado.
Manuel Baltar reuniuse en Vilamartín de Valdeorras cos catro presidentes dos CRDO da provincia para analizar accións conxuntas a desenvolver, que potencien a imaxe de marca da viticultura ourensá, como o Clúster do Viño de Ourense.
La OPL invita al consumidor a recordar un sabor de cuando era niño y le advierte que la leche con un precio por debajo de 0,65: ¡No es leche!. La Organización de Productores de Leche quiere sensibilizar a la sociedad sobre el dumping y el margen de beneficio que obtienen en otros productos ciertos establecimientos, utilizando la leche como reclamo.
"O Plan Estratéxico da Conserva será presentado en breve a todos os axentes implicados e ao conxunto do pobo galego. Así o aseguraba o presidente da Xunta na VII Conferencia Mundial do Atún onde amosou a súa convicción de "consolidar unha industria punteira, intensiva en traballo, tecnoloxía e innovación" competitiva a nivel internacional.
A conselleira do Medio Rural e do Mar aplaude as decisións adoptadas no Consello Extraordinario de Ministros en Bruxelas e asegura que foi un encontro no que se puxo en evidencia que ningún país da UE puxo enriba da mesa tantas medidas como o fixo España. Cremos que Galicia sairá beneficiada posto que produce o 40% do leite do Estado.
O conselleiro de Economía e Industria visitou a firma viguesa, que celebra o seu 40 aniversario consolidada como un dos expoñentes do sector cunha facturación de 20 millóns ao ano e máis de 100 empregados. A aposta por achegar un produto de calidade é clave na internacionalización de Selmark, que exporta máis do 30% da produción a máis de 30 países.
