lunes, 10 de agosto de 2026
'Estamos a falar dun total de 13,1 millón de euros', precisou, subliñando que cada familia recibirá unha cantidade que oscilará entre os 128 euros e os 373 euros, dependendo da zona climática na que vivan e de se son consumidores vulnerables ou vulnerables severos. O titular da Xunta avanzou tamén que este bono social complementarase de xeito extraordinario con 100 euros, o que suporá un orzamento adicional de máis de 6,6 millóns de euros.
No ámbito rural, avanzou que o Consello da Xunta adoptou esta mañá unha batería de medidas para aportar liquidez ás ganderías galegas, tanto pola vía das liñas de financiamento de circulante como de anticipos das axudas que perciben os gandeiros. E tamén reclamamos ao ministro de Agricultura que o Banco de España ou as autoridades bancarias europeas autoricen ás entidades financeiras a concesión dunha moratoria dun ano no pago das amortizacións dos préstamos a longo prazo que teñen vivos os gandeiros, engadiu.
En relación ao sector do mar, Feijóo aseverou que a Xunta articulará compensacións para os profesionais no pago de, como mínimo, dous meses das taxas nos portos de titularidade autonómica.
Estamos a falar dunhas medidas urxentes e transitorias. E, neste momento, estamos xa a avaliar outras adicionais que poremos en práctica nos vindeiros días, aseverou, incidindo na necesidade de que o Goberno central adopte medidas de forma inmediata, ante a suba desorbitada dos prezos e o conflito do transporte.
Nesta liña, pediu novamente ao Goberno central que estenda ata final de ano as reducións impositivas vixentes; que as amplíe coa redución do IVE ao tipo superreducido para a electricidade e o gas; e que solicite á Unión Europea unha redución excepcional do imposto de hidrocarburos e do IVE que grava a gasolina e o gasóleo; e exencións á Seguridade Social de traballadores de determinados sectores económicos afectados especialmente pola crise.
Por outra banda, o responsable do Goberno galego destacou tamén a creación dun Comité galego de emerxencia ante a crise humanitaria de Ucraína, que estará integrado pola Delegación do Goberno; a Fegamp; as entidades sociais dedicadas á protección internacional, á atención de menores e á cooperación internacional; pola Vicepresidencia primeira e polas Consellerías de Medio Ambiente, Cultura e Educación, Sanidade, Emprego e Política Social.
Este comité será fundamental para apuntalar a coordinación na atención aos refuxiados en Galicia e atender todas as necesidades que poidan ter, dixo, insistindo en que este obxectivo é prioritario para a Comunidade.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
