Buscador
Noticias
O Concello de Paradela vai celebrar durante o próximo 2022 o seu primeiro bicentenario. aradela naceu como concello en 1820, pero a celebración dos seus douscentos anos foi adiada polo problema da COVID ata o momento en que puidese celebrarse con maior liberdade, e así en 2022, coas favorables perspectivas sanitarias, estímase o momento axeitado para diversas celebracións que son obxecto de estudo nestes momentos.
No marco dunha colaboración internacional entre o Grupo de Estudos de Arqueoloxía, Antigüidade e Territorio da Universidade de Vigo (Geaat) e o proxecto de investigación europeo RAW RockArt, Words and Warriors (Arte Rupestre e Interacción Marítima na Europa Atlántica), o conxunto de gravados rupestres de Penedo do Muro (Sandín, Flariz, Monterrei, Ourense) foi recentemente obxecto da realización dun rexistro dixital de alta resolución.
O Festival Internacional de Cine de Tui, Play-Doc, vén de botar o pano da súa 17ª edición, logo do peche da programación en liña a través da plataforma dixital FILMIN, e que incluíu, entre os seus contidos, as retrospectivas deste 2021 dedicadas a Manfred Kirchheimer e Bette Gordon, e a recuperación dos títulos do cineasta filipino Kidlat Tahimik que Play-Doc proxectou no 2019.
Tras unha primeira semana de actividades (conferencia inaugural e proxeccións do ciclo Cinema, Doc, Música
) que remataron co concerto inaugural da terceira edición do Festival protagonizado polo clavecinista napolitano Enrico Baiano, chega o momento do segundo concerto que, centrado na figura do trobador medieval francés Bernart de Ventadorn, protagonizan a cantante Paloma Gutiérrez del Arroyo e o arpista Manuel Vilas.
A súa firme aposta pola transformación dixital e polas novas tecnoloxías fai á Universidade de Vigo merecedora dun dos Premios Galicia das Telecomunicacións e da Sociedade da Información 2021. Estes galardóns, que outorgan o Colexio Oficial e a Asociación de Enxeñeiros de Telecomunicación de Galicia, regresan tras un ano de parón pola pandemia para distinguir o emprendemento, a investigación e as boas prácticas xeradas no ámbito TIC galego por parte de diferentes persoas e empresas.
Desde este venres e ata o 21 de xaneiro de 2022, a Sala Alterarte do campus de Ourense acolle a mostra Formas e tránsitos, da creadora Isabel Flores e curada por Sara Donoso. Con ela, este espazo expositivo inicia a súa programación do curso académico 2021/2022 e tamén un novo ciclo despois de que Xosé Manuel Buxán cedese o relevo do comisariado de Alterarte a Sara Donoso.
A xenetista Jimena Fernández de la Vega foi xunto a súa irmá xemelga Elisa, a primeira muller licenciada en Medicina pola USC. A Real Academia Galega de Ciencias (RAGC) aproveita este venres a celebración do Día da Ciencia en Galicia para homenaxear a súa figura ao recoñecela como 'Científica Galega do Ano'. 'Tivo o grande acerto de incorporar a xenética ao ámbito da saúde, sendo unha verdadeira pioneira da xenética médica en España', explican dende a RAGC.
Desde setembro de 2019, a Universidade de Vigo e a Confederación Empresarial de Ourense (CEO) participan no proxecto europeo Women Entrepreneurs in Action WE'RE IN! (Mulleres Emprendedoras en Acción), que busca fomentar o emprendemento desde unha perspectiva de xénero. No marco das súas accións, esta semana un grupo de emprendedoras de Alemaña e Bélxica están en Ourense para continuar madurando os seus proxectos.
'Darío Villanueva é unha das figuras senlleiras da nosa Universidade. Foi, é e será un universitario no sentido máis pleno da palabra. A pegada que deixa nos estudantes tanto dentro como fóra da USC é moi fonda, como fondo é o seu compromiso firme e inquebrantable coa institución'. Así definiu a vicerreitora de Titulacións e Captación Internacional, María José López Couso ao profesor emérito da USC Darío Villanueva Prieto.
Durante a pandemia por mor da covid-19, rexistrouse un cambio no comportamento de consumo da poboación galega, que aumentou de xeito significativo o gasto en produtos do mar frescos e en conservas durante o primeiro confinamento. Esta é a conclusión principal á que chegaron científicos da USC e da UVigo nun estudo publicado na revista Frontiers in Marine Science e cuxo primeiro asinante é o profesor da USC Sebastián Villasante.
