Noticias tecnologia
A Deputación da Coruña presentaron aos alcaldes, concelleiros e técnicos da provincia o programa PEL-Concello Dixital, co que o goberno provincial pretende impulsar a transformación dixital dos pequenos concellos coruñeses en 2019. A Deputación vén de aprobar a inclusión no Plan de Emprego Local (PEL) dunha nova liña denominada PEL-Concello Dixital, cun orzamento de 693.209 euros, que permitirá a contratación de técnicos especialistas que darán soporte in situ e acelerarán a implantación da e-administración nos concellos coruñeses de menos de 20.000 habitantes. A través desta iniciativa preténdese crear emprego e axudar a mellorar a formación e cualificación dos empregados municipais.
Un total de 65 estudantes de 12 a 17 anos terán unha oportunidade única de experimentar en primeira persoa unha xornada laboral con profesionais das grandes empresas do sector TIC en Galicia, co obxectivo de mellorar a visión que proxectan as profesións científico-tecnolóxicas e a percepción que os máis novos teñen delas. Trátase da segunda edición do Programa Tecnólogo por un día, impulsado pola Axencia para a Modernización Tecnolóxica de Galicia (Amtega) no marco do Plan de Promoción do Talento Dixital de Galicia 2020, DigiTalent. As cifras de participación nesta actividade superaron as 200 solicitudes, o dobre que na edición anterior.
A Axencia para a Modernización Tecnolóxica de Galicia (Amtega) acaba de formalizar un acordo de colaboración con Alastria, co obxectivo aplicar a tecnoloxía Blockchain á xestión pública. En virtude do acordo a Administración autonómica poderá crear o seu propio nodo de Blokchain na rede de Alastria, beneficiándose dos protocolos da Asociación. Deste xeito, desde Galicia poderanse xeral pilotos con esta tecnoloxía ao servizo da investigación, a formación e a experimentación nesta tecnoloxía. Alastria é un consorcio multisectorial sen ánimo de lucro que ten como obxectivo fundamental a implantación do Blockchain en España.
A Axencia para a Modernización Tecnolóxica de Galicia (Amtega) e a consultora Gartner inician unha colaboración estratéxica para achegar as tecnoloxías disruptivas ao ecosistema dixital galego. O acordo, que foi anunciado hoxe, facilitará o acceso a contidos elaborados por expertos de primeiro nivel en tecnoloxía que esta consultora internacional ten ao redor do mundo. Por outra banda, a Axencia contará co asesoramento especializado de Gartner na elaboración da futura estratexia dixital post 2020. No contexto actual no que as tecnoloxías evolucionan vertixinosamente é fundamental para o sector tecnolóxico dispoñer de información de valor das novas tendencias e mercados para poder adoptar adecuadamente decisións estratéxicas para a súa competitividade.
A Axencia para a Modernización Tecnolóxica de Galicia (Amtega) inicia este luns, 18 de febreiro, a formación das 180 persoas que se matricularon nestes días no curso de teleformación preparatorio previo ao exame presencial que terá lugar no mes de maio. O curso de preparación de 190 horas de duración impártese na modalidade de teleformación con titorías de apoio, polo que soamente será necesario contar cun ordenador persoal e conexión a internet para seguir a formación dende calquera lugar e en calquera momento. Durante as 12 semanas de duración deste curso, as persoas matriculadas formaranse nos contidos que compoñen o Plan Formativo Ofimático de Galicia, composto actualmente polas cinco unidades nas que se estrutura o módulo formativo MF0233_2 «Ofimática».
O 78,8% dos galegos e o 78,1% das galegas utilizaron Internet nos últimos tres meses. Esta diferenza de apenas 0,7 puntos sitúa a fenda dixital de xénero en Galicia no valor máis baixo desde que se rexistras datos neste ámbito. É unha das principais conclusións do estudo monográfico A Sociedade da Información dende una perspectiva de xénero, elaborado polo Observatorio da Sociedade da Información en Galicia (Osimga), adscrito á Axencia para a Modernización Tecnolóxica de Galicia (Amtega). O informe recolle un descenso de 2,3 puntos porcentuais respecto ao ano anterior en Galicia, que se distancia tanto da media española, situada en 1,8 puntos, como da media da Unión Europea que está en 3 puntos.
O Proxecto Youtubeir@s, organizado polos servizos de normalización lingüística das tres universidades, de 13 concellos e a Deputación da Coruña, lanza a súa terceira edición coa meta de consolidar a comunidade de youtubeir@s que naceu, participou e medrou ao abeiro desta iniciativa nos últimos anos. Este obxectivo únese así á esencia última do proxecto @s, que non é outra que promover e darlle visibilidade ao uso do galego a través de Youtube, sinalou a coordinadora do proxecto, Mónica Fernández Valencia, quen presentou na Facultade compostelá de Ciencias da Comunicación o groso de actividades desta edición.
O programa Principio está destinado a impulsar a contratación de persoal mozo e cualificado por parte de empresas e organismos de investigación, para abordar actuacións de investigación, desenvolvemento e innovación. O obxectivo é conseguir que os centros tecnolóxicos poidan incorporar talento e novos investigadores ao seu cadro de persoal, mediante a contratación de 110 persoas durante un período mínimo dun ano, para o que se outorgarán axudas de 10.000 euros por contrato. O desenvolvemento de proxectos de I+D permitiu que Galicia fora en 2017 a segunda Comunidade Autónoma de España onde máis creceu o gasto de I+D no eido empresarial.
A idade é un dos factores determinantes no uso da internet. En Galicia os maiores de 55 anos representan preto do 40% da poboación e nese punto márcase unha importante fenda no acceso á rede. De feito, a porcentaxe de uso entre os galegos de menos de 44 anos sitúase en valores próximos ao 100% mentres que os que maiores de 55 non chegan ao 65%. A pesar dos case 40 puntos de diferenza entre ambas as franxas de idade, no últimos sete anos esta fenda foise acurtando significativamente.
A iniciativa persegue desenvolver un sistema modular que permita o uso de enerxías limpas en rexións remotas, preparado para operar en climas extremos e que sexa simple en canto á súa instalación, despregue e traslado. O proxecto está liderado polo grupo lucense Norvento, coa participación da enxeñería naronesa e a consultora de I+D TEMHA. Existen no mundo zonas afastadas onde as necesidades de enerxía eléctrica se abastecen con combustibles fósiles (zonas de Rusia, Escandinavia, o norte de América, o centro de África ou Latinoamérica).
A súa importancia para a produción tanto de alimentos como de pensos fai do millo (Zea mays L.) un dos cultivos máis importantes do mundo, cunha produción global que en 2022 se situou nos 1200 millóns de toneladas, segundo os datos da FAO, a Organización das Nacións Unidas para a Alimentación e a Agricultura. Cunha demanda crecente nos últimos anos, a produción deste cereal vese exposta a diferentes factores de estrés ambiental, como as pragas ou as secas.
En abril de 2022 a revista Nature Geoscience publicaba un estudo internacional que recollía un achado científico descuberto de forma fortuíta: a bioturbulencia que xeran os peixes pode axudar á mestura e distribución de nutrientes nas augas costeiras. Este descubrimento realizouse no marco do proxecto Remedios, no que un equipo internacional do que forman parte investigadores do Centro de Investigación Mariña da UVigo, buscaba comprender como afecta a turbulencia á vida mariña.
10 millóns de persoas, segundo datos da Organización Mundial da Saúde (OMS), faleceron no ano 2020 por mor do cancro, unha das principais causas de morte no mundo, e que segue a ser un gran reto para a investigación, que se centra na loita contra unha enfermidade que non é tal, senón un conxunto moi complexo de máis dun cento delas.
A suma de factores como o consumo excesivo de recursos fósiles, o incremento da poboación mundial e o aumento de residuos que esta xera, así como a súa incorrecta xestión, demanda novos modelos de produción baseados en recursos renovables. Poder transitar cara ao establecemento de modelos alternativos baseados en procesos biotecnolóxicos a gran escala pasa por demostrar a súa capacidade produtiva, viabilidade económica e potencial sostible.
Un equipo interdisciplinar de investigación no que participan a USC, o Instituto de Investigación Sanitaria de Santiago (IDIS), o Hospital Clínico Universitario de Santiago (CHUS), o Centro Universitario de Odontoloxía de Basilea (Suíza) e a Universidade e o Hospital Universitario de Aarhus (Dinamarca), presenta unha nova técnica para diagnosticar e medir a inflamación articular a través de imaxes volumétricas sen contraste.
Hai seis anos, as e os investigadores de posdoutoramento Centro de Investigación en Nanomateriais e Biomedicina decidiron poñer en marcha unha cita anual coa investigación máis punteira nas áreas de biomedicina e nanomateriaisA sexta edición desta iniciativa, que se ten consolidado como un encontro científico multidisciplinar de primeiro nivel, arrancou no campus e boa mostra do seu tirón son os preto de 200 participantes procedentes de nove países.
Un equipo do CiQUS logrou mimetizar a composición da membrana de células tumorais e desenvolver un vehículo que se fusiona coa membrana da célula anfitrioa para liberar moléculas bioactivas no interior. 'Unha das grandes limitacións á hora de levar fármacos ou outras moléculas de interese ao interior da célula ten que ver co carácter foráneo que presenta a superficie dos transportadores empregados', explica o equipo investigador.
A biotecnoloxía azul é aquela que promove a utilización sostible dos recursos mariños e costeiros para desenvolver solucións innovadoras en eidos como a acuicultura sostible, a conservación e restauración de ecosistemas mariños, a produción de alimentos mariños e a procura de compostos bioactivos con aplicacións na industria farmacéutica, cosmética e alimentaria.
Desenvolver e implantar estratexias agroecolóxicas para previr e manexar as malas herbas, sen o uso de herbicidas sintéticos, en ata 30 cultivos de relevancia económica nas once rexións bioxeográficas europeas. Con este obxectivo acaba de arrancar o proxecto europeo liderado pola Universidade de Vigo Agrosus. Durante catro anos, socios de dez países traballarán na conversión de sistemas agrícolas convencionais en sistemas agroecolóxicos desde unha perspectiva local.
Song Contest, coñecido coma a "Eurovisión" mundial da intelixencia artificial, celebrará a súa edición 2023 na cidade da Coruña o 4 de novembro. A cita deste ano, presentada na Sede Afundación A Coruña, leva por lema "Walking With AI" (O Camiño da IA), e celebra a diversidade de xeitos de traballar a intelixencia artificial na música no eido internacional, cos artistas no centro do proceso de composición.
