Noticias sociedad
A Comunidade galega viviu un mes de xuño lixeiramente frío e moi húmido debido sobre todo a unha segunda quincena marcada polos episodios de carácter tormentoso e as chuvias persistentes. Así se desprende do avance do informe climatolóxico de MeteoGalicia, que conclúe que durante este período as precipitacións rexistradas duplicaron os valores habituais e previsibles para esta época do ano. A anomalía pluviométrica, de feito, foi a principal característica de xuño, que climatoloxicamente non adoita ser moi chuvioso e, sen embargo, este ano pechouse no conxunto da Comunidade cun 102% máis de precipitacións do esperado.
Parece unha historia do pasado, e oxalá podamos percibila pronto como un afastado recordo, pero hai poucos meses que as residencias de maiores e persoas con discapacidade constituían motivo xeneral de preocupación nunha grave situación de pandemia que arrasou a todo o país, cebándose especialmente nos máis vulnerables. A situación implicou centrar todos os esforzos en converter estas instalacións en auténticas fortalezas nas que ninguén podía entrar nin saír sen causa xustificada.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 2.466 deles 627 son da área da Coruña, 264 da de Lugo, 311 da de Ourense, 510 da de Pontevedra, 429 da área de Vigo, 237 da de Santiago e 88 da de Ferrol. Do total de pacientes positivos, 11 están en UCI, 50 en unidades de hospitalización e 2.405 no domicilio. Polo de agora, en Galicia hai un total de 125.992 persoas curadas, rexistrándose 2.437 falecementos. O número de PCR realizadas é de 2.382.021. O número de doses de vacina contra a covid-19 administradas é de 2.883.496.
Artellado como un encontro de tres días que terá lugar do 5 ao 7 de novembro no novo Edificio Fontán da Cidade da Cultura, Carta de Santiago contará coa participación de relatores e relatoras de prestixio internacional, especialistas nos diferentes eidos temáticos que tratará o evento, que se estrutura en catro macro-áreas: economía, ciencia, medio ambiente e cidadanía. Das conclusións deste encontro nacerá unha publicación homónima, documento que ademais de recoller as reflexións xeradas, incluirá textos que complementen as conversas e debates ao vivo.
A Consellería de Sanidade informa que, na última actualización, o número de casos activos de coronavirus en Galicia é de 2.285. Deles 610 son da área da Coruña, 240 da de Lugo, 279 da de Ourense, 459 da de Pontevedra, 386 da área de Vigo, 223 da de Santiago e 88 da de Ferrol.
Do total de pacientes positivos, 10 están en UCI, 41 en hospitalización e 2.234 no domicilio. Polo de agora, en Galicia hai un total de 125.929 persoas curadas, rexistrándose 2.437 falecementos.
A Consellería de Sanidade informa que, na última actualización, o número de casos activos de coronavirus en Galicia é de 2.136. Deles 597 son da área da Coruña, 230 da de Lugo, 254 da de Ourense, 413 da de Pontevedra, 359 da área de Vigo, 209 da de Santiago e 74 da de Ferrol.
Do total de pacientes positivos, 11 están en UCI, 42 en hospitalización e 2.083 no domicilio. Polo de agora, en Galicia hai 125.849 persoas curadas, rexistrándose 2.437 falecementos.
A Consellería de Sanidade informa que, na última actualización, o número de casos activos de coronavirus en Galicia é de 1.994. Deles 574 son da área da Coruña, 224 da de Lugo, 229 da de Ourense, 367 da de Pontevedra, 328 da área de Vigo, 190 da de Santiago e 82 da de Ferrol.
Do total de positivos, 9 están en UCI, 46 en hospitalización e 1.939 no domicilio. Polo de agora, en Galicia hai un total de 125.762 persoas curadas, rexistrándose 2.436 falecementos.
O director xeral de Relacións Exteriores e coa UE, Jesús Gamallo, representou a Galicia no 145º pleno do Comité Europeo das Rexións que rematou este xoves e tivo ocasión de debater co vicepresidente da Comisión para a Promoción do Modo de Vida Europeo, Margaritis Schinas, sobre A promoción dos valores europeos a través da cultura e da educación.
Neste ámbito, o director xeral reivindicou o papel do Xacobeo 21-22 e do Camiño de Santiago, como elementos fundamentais para a transmisión dos valores culturais europeos e para a construción da identidade europea actual.
O presidente da Xunta, Alberto Núñez Feijóo, informou dun novo investimento de máis de 10 millóns de euros para os programas integrados de emprego, subliñando que a medida, dirixida a entidades locais, xuntas ou agrupadas, e a organizacións con personalidade xurídica sen ánimo de lucro, inclúe 40 programas dirixidos cada un a 100 desempregados, co fin de reforzar as súas competencias fronte ao mercado de traballo.
Nesta ocasión, a partida elévase un 20%, dos 8,4 aos 10 millóns de euros. No tocante aos requisitos, os beneficiarios terán que garantir unha inserción laboral mínima do 35% dos participantes.
A Consellería de Sanidade informa que, na última actualización, o número de casos activos de coronavirus en Galicia é de 1.837. Deles 544 son da área da Coruña, 222 da de Lugo, 199 da de Ourense, 321 da de Pontevedra, 297 da área de Vigo, 176 da de Santiago e 78 da de Ferrol.
Do total de positivos, 10 están en UCI, 43 en unidades de hospitalización e 1.784 no domicilio. Polo de agora, en Galicia hai 125.648 persoas curadas, rexistrándose 2.436 falecementos.
Expoñeranse 97 fotografías xunto con 49 documentos orixinais dos fondos de Educación e do Goberno Civil. A maioría das fotografías foron tomadas por José Luís Vega e abranguen cronoloxicamente o período 1942-1997 e están agrupadas en sete seccións: Tempo de saúde, Tempo de familia, Tempo de aprender, Tempo de lecer, Tempo de festa, Tempo de deporte, e Tempo de traballo. Con esta compilación, o Arquivo trata de reflectir todos os aspectos da vida pública e privada da infancia.
O concurso levado a cabo no marco da Bienal Internacional de Cartelismo Terras Gauda - Francisco Mantecón para deseñar a imaxe das Xornadas de Portas Abertas das Rutas do Viño que impulsan a Xunta de Galicia e as Rutas do Viño xa ten gañadores.Jesús Barbeito e Álvaro Ortiz son os vencedores entre un total de 61 propostas de 36 deseñadores de 17 países tan diversos como Indonesia, Estados Unidos, Francia, Brasil, Bulgaria, Polonia e Rusia, así como de diferentes puntos de España.
A Asociación Galega de Salas de Música ao Vivo, Clubtura e Estrella Galicia continúan coa cuarta edición do Ciclo Clube Estrela Galicia. A sala coruñesa Mardi Gras acolle o 1 de febreiro o concerto de Moon Cresta e Frying Luras; mentres que o Garufa Club contará o 14 de febreiro con DA Trío e Udra. Na provincia de Pontevedra, na Aturuxo de Bueu estarán The Lelli Kellys e Enxeito e na sala Contrabajo, Vigo, AFF60 e Jay Doe & The Blues Preachers.
'Vendo. Compro. Cambio' era a mensaxe coa que o neno Francisco Latorre Eced anunciaba un posto de compra-venda de cómics co que axudar á subsistencia da súa familia, represaliada nos anos da posguerra e refuxiada na cidade de orixe da súa nai, Huesca. Hoxe a mensaxe recupera actualidade como lema dunha exposición homónima da man da artista María X. Fernández que abriu as súas portas este luns 20 na Igrexa da Universidade.
O centro albergará de xeito permanente o mural que a artista elaborou para os Premios da Cultura Galega 2019, con tres referencias principais: a cidade olívica, coa presenza dalgúns dos seus espazos máis emblemáticos; a movida viguesa, movemento cultural e creativo excepcional que foi protagonista desta edición dos Premios; e o movemento artístico Atlántica, que iniciou a eclosión dun momento artístico dinamizador da arte galega no último terzo do século XX.
A difusión dos valores da dieta atlántica foron o exito central dunha xuntanza celebrada na Reitoría compostelá coa participación de representantes da Fundación Dieta Atlántica, Turismo de Galicia, Centro Superior de Hostalaría de Galicia (CSHG) e do grupo Lume Atlántico así como do chef Santiago Fernández, e aos que recibiu o reitor Antonio López. O obxecto deste encontro foi a definición de posibles vías de traballo conxunto entre as distintas institucións arredor desta fórmula gastronómica.
Hoxe comezou oficialmente a segunda edición do concurso escolar Pilabot, unha iniciativa para promover a recollida selectiva de pilas, acumuladores e baterías usadas entre os máis cativos e na que participan un total de 150 centros de primaria e secundaria de toda Galicia. A actividade central desta segunda edición de Pilabot volverá ser o concurso escolar de reciclaxe, de forma que os centros competirán entre si para acadar as mellores cifras de recollida de pilas de Galicia.
O Museo Gaiás da Cidade da Cultura superou no Nadal as 23.000 visitas grazas á mostra 'Galicia, un relato no mundo' primeira grande exposición internacional para o Xacobeo 21 e ás actividades para público familiar para estas datas, nas que se recreou unha vila máxica elaborada con globos biodegradables, dinamizada con obradoiros de balde e con dous grandes espectáculos: un circense-musical e outro con sete magos internacionais.
A Materioteca de Galicia celebra os seus primeiros meses de traxectoria cun balance positivo e a perspectiva de consolidar e ampliar as súas actividades como instalación de referencia dos materiais innovadores para as empresas e profesionais do deseño galegos. Desde a súa apertura xa son varias as colaboracións entre empresas e profesionais que se teñen propiciado arredor dos materiais innovadores que se expoñen na instalación do CIS Tecnoloxía e Deseño.
Publícase hoxe a convocatoria de axudas de mobilidade complementarias ás achegadas pola Unión Europea no marco do Programa comunitario "Erasmus+", para o alumnado do Sistema universitario de Galicia que participa en Erasmus Estudos no curso 2019/2020, que conta cun orzamento de 1.517.000 euros. Deste xeito, todos os estudantes galegos que tiveran dereito ás axudas europeas poderán ter acceso tamén ás axudas complementarias autonómicas.
