martes, 21 de abril de 2026
A explicación a estes datos hai que buscala nas dúas metades diferenciadas que presentou o mes, cunha primeira quincena de predominio das altas presións e presenza de aire cálido en superficie, e as dúas últimas semanas, nas que o achegamento dalgunha borrasca con episodios puntuais de chuvias moi cuantiosas explican que a precipitación total acumulada en todo o mes estivese moi por riba do habitual.
En todo caso e tendo en conta o período de referencia 1981-2010, o comportamento do pasado xuño ten un precedente recente: o do ano 2018, cando a anomalía pluviométrica neste mesmo mes foi un 108% superior á media histórica.
Así mesmo e aínda que en xeral xuño foi un período húmido en Galicia, as maiores concentracións de chuvia déronse na metade septentrional e nas comarcas dos Ancares e do Xallas, con valores por riba dos 200 L/m2, é dicir, case o dobre que a precipitación media acumulada no conxunto da Comunidade (109 L/m2). Pola contra, os valores máis baixos concentráronse sobre todo no Baixo Miño, onde se quedaron preto dos 23 L/m2.
Termómetros algo baixos
En canto ás temperaturas, o informe mensual de MeteoGalicia conclúe que foi un período lixeiramente frío tendo en conta que a anomalía media da temperatura foi de apenas 0,38 graos menos con respecto aos valores do período de referencia.
Malia que os termómetros acadaron valores próximos aos que se poden considerar normais, cómpre subliñar tamén que o mes presentou unha variabilidade importante.
Así, durante as primeiras semanas predominou a calor e o tempo anticiclónico o que fixo que as temperaturas se situaran por riba dos valores históricos; pero a medida que avanzou o mes, a inestabilidade foi revertendo esta situación. De feito, os episodios de aire frío detectados a partir do día 17 anularon as anomalías positivas da primeira quincena, de xeito que xuño no seu conxunto acabou con medias por debaixo do habitual.
Por zonas, en moitas localidades galegas o mes foi incluso frío, destacando o leste da provincia de Lugo, a comarca da Coruña, as mesetas e gran parte da provincia de Ourense. A excepción foi a comarca ourensá de Verín, que viviu un mes cálido cunha temperatura media 1,1 graos por riba da habitual nesta zona.
En 2025, Lara Weed e Jamie M. Zeitzer, da Universidade de Stanford, publicaron un artigo no que se relacionaba a práctica do cambio estacional de hora con aspectos negativos para a saúse, tanto de sintomatoloxía aguda (infartos ou accidentes cerebrovasculares), como crónica (obesidade). Agora, os profesores José María Martín Olalla, da Universidade de Sevilla, e Jorge Mira Pérez, da Universidade de Santiago de Compostela, tras analizar a metodoloxía aplicada neste estudo, constataron que 'o que o mundo leu como unha evidencia científica contra o cambio de hora resultou ser unha ilusión matemática'.
Un total de 15.733 persoas concorrerán ás oposicións de Educación deste ano 2026 segundo a listaxe provisional de admitidos publicado no Portal Educativo. Cómpre lembrar que, froito do acordo entre a Consellería de Educación, Ciencia, Universidades e FP e os sindicatos CC.OO., ANPE, UGT-SP Ensino e CSIF, como novidade nesta ocasión os interinos non teñen a obriga de presentarse ao exame, co obxectivo de axilizar o proceso. Isto provoca un descenso de case o 23% nas probas respecto á convocatoria do ano pasado. En concreto, 4.689 aspirantes menos. A Xunta de Galicia convoca para este proceso un total de 1.601 prazas, o que supón esgotar o 120% da taxa de reposición marcado polo Estado.
