Noticias sociedad
A Dirección Xeral de Saúde Pública da Consellería de Sanidade informa que, na última actualización, o número de casos de coronavirus en Galicia ascende a 1.598, deles 389 son da área da Coruña, 99 da de Lugo, 186 da de Ourense, 202 da de Pontevedra, 396 da área de Vigo, 288 da de Santiago, e 38 da de Ferrol. Do total de pacientes positivos, 69 permanecen en UCI, 409 están en unidades de hospitalización e 1.120 no domicilio. Polo de agora, en Galicia rexistráronse 25 altas de pacientes e 30 falecementos. Os últimos falecementos corresponden a dous varóns de 82 anos, que estaban ingresados no Complexo Hospitalario Universitario da Coruña, e que tiñan patoloxías previas; e a outro varón de 74 anos, que estaba ingresado no Hospital Montecelo de Pontevedra, e que tamén tiña patoloxías previas.
O presidente do Goberno galego, Alberto Núñez Feijóo, anunciou esta tarde que a Xunta habilitará dúas residencias integradas para a atención das persoas maiores usuarias deste servizo que dean positivo por coronavirus e precisen máis asistencia sanitaria que a que reciben no seu centro. Os que requiran hospitalización, por suposto serán hospitalizados. Logo de precisar que estes centros contarán cun control sanitario intensivo e que os pacientes serán trasladados ao hospital sempre que o requiran, subliñou que para Pontevedra e Ourense se habilita un centro con 93 prazas en Baños de Molgas. E para Coruña e Lugo, habilítase a residencia Porta do Camiño, en Santiago, con 84 prazas.
Hoxe os profesionais do Servizo de prevención e defensa contra incendios forestais (SPDCIF) de Galicia inician a desinfección dos exteriores das residencias de maiores, das de discapacitados e dos centros de saúde dos municipios galegos de menos de 5.000 habitantes. Así, o persoal do SPDCIF actuará en preto de 100 residencias de persoas maiores e de discapacitados e en máis de 460 centros de saúde de 200 concellos do rural durante a situación de emerxencia sanitaria por mor do coronavirus. Os profesionais do SPDCIF desinfectarán estas áreas rurais tan concorridas e nas que existe un risco superior de contaxio.
A Dirección Xeral de Saúde Pública da Consellería de Sanidade informa que, na última actualización, o número de casos de coronavirus en Galicia ascende a 1.374, deles 359 son da área da Coruña, 97 da de Lugo, 152 da de Ourense, 179 da de Pontevedra, 312 da área de Vigo, 239 da de Santiago, e 36 da de Ferrol. Do total de pacientes positivos, 54 permanecen en UCI, 337 están en unidades de hospitalización e 983 no domicilio. Polo de agora, en Galicia rexistráronse 19 altas de pacientes e 22 falecementos. Os últimos falecidos eran un varón de 83 anos, que estaba ingresado no Hospital da Mariña, e que tiña patoloxías previas; e outro varón, de 61 anos, que estaba ingresado no Complexo Hospitalario Universitario da Coruña, e tamén tiña patoloxías previas.
Os hospitais comarcais da rede do Servizo Galego de Saúde, en concreto os hospitais da Barbanza, Burela, Monforte e Valdeorras poñen en marcha o sistema para realizar as probas do coronavirus aos pacientes desde os seus propios vehículos sen que teñan que baixarse deles. Na actualidade xa funciona tamén nos hospitais de Vigo, Ourense, Lugo, Coruña, Pontevedra, Santiago e Ferrol. En total, en todos os puntos de mostraxe dende o inicio desta medida a pasada semana realizáronse 955 probas a pacientes dende os seus vehículos. O hospital da Barbanza xa ten operativo un punto fixo de toma de mostras, nos Hospitais da Mariña e Monforte comezará proximamente, e o Hospital do Barco de Valdeorras iniciará a recollida de mostras mañá.
A Dirección Xeral de Saúde Pública da Consellería de Sanidade informa que, na última actualización, o número de casos de coronavirus en Galicia ascende a 1.170, deles 298 son da área da Coruña, 62 da de Lugo, 142 da de Ourense, 164 da de Pontevedra, 278 da área de Vigo, 189 da de Santiago, e 37 da de Ferrol. Do total de pacientes positivos, 46 permanecen en UCI, 270 están en unidades de hospitalización e 854 no domicilio. Polo de agora, en Galicia rexistráronse 19 altas de pacientes e 19 falecementos. O último falecido era un varón de 81 anos que estaba ingresado no Hospital Universitario Lucus Augusti, e que tiña patoloxías previas.
Alberto Núñez Feijóo trasladou a preocupación ante a falta de material comprometido polo Goberno de España e afirmou que a Xunta seguirá traballando a través do Sergas para dotar á Comunidade do material sanitario que precisa. Durante a reunión por videoconferencia co Executivo e cos outros presidentes autonómicos, Feijóo transmitiu as principais preocupacións de Galicia: a necesidade de material sanitario para protexer aos profesionais, para garantir a asistencia sanitaria aos pacientes e para facer os test de recoñecemento; o coñecemento da curva epidemiolóxica, de cara á avaliación da necesidade de camas de UCI e de hospitalización; e a atención das necesidades das residencias de maiores e das residencias de discapacidade.
A Dirección Xeral de Saúde Pública da Consellería de Sanidade informa que, na última actualización, o número de casos de coronavirus en Galicia ascende a 885, deles 226 son da área da Coruña, 58 da de Lugo, 95 da de Ourense, 136 da de Pontevedra, 212 da área de Vigo, 130 da de Santiago, e 28 da de Ferrol. Do total de pacientes positivos, 33 permanecen en UCI, 227 están en unidades de hospitalización e 625 no domicilio. Polo de agora, en Galicia rexistráronse 16 altas de pacientes e 14 falecementos. Os dous últimos falecidos foron un varón de 81 anos que estaba ingresado no CHUAC e unha muller de 77 anos ingresada no Hospital Juan Cardona de Ferrol. Os dous tiñan patoloxías previas.
A Dirección Xeral de Saúde Pública da Consellería de Sanidade informa que, na última actualización, o número de casos de coronavirus en Galicia ascende a 721, deles 195 son da área da Coruña, 54 da de Lugo, 74 da de Ourense,112 da de Pontevedra, 152 da área de Vigo, 108 da de Santiago, e 26 da de Ferrol. Do total de pacientes positivos, 28 permanecen en UCI, 166 están en unidades de hospitalización e 527 no domicilio. Polo de agora, en Galicia rexistráronse 6 altas de pacientes e 12 falecementos. Os tres últimos foron o dunha muller de 68 anos e dous varóns de 93 e 74 anos que estaban ingresados no CHUAC. Todos tiñan patoloxías previas.
O vicepresidente da Xunta, Alfonso Rueda, participou hoxe por videoconferencia na Conferencia Sectorial de Xustiza, na que o Ministerio de Xustiza confirmou que os xulgados e tribunais permanecerán abertos durante o estado de alarma como consecuencia da evolución do coronavirus e que se manterán os servizos mínimos decretados segundo os criterios do Goberno central. Ante esta decisión, a Xunta aposta por estudar distintas fórmulas de flexibilidade no marco das directrices fixadas polo Goberno central co obxectivo de que o persoal funcionario poida atender de forma presencial os servizos mínimos decretados na Administración de Xustiza, de maneira que se sigan a atender as urxencias da cidadanía.
O Concello de Santiago vai colaborar coas emisoras de radio de Compostela na celebración do Día Mundial da Radio, o 13 de febreiro. Por ese motivo, os semáforos de varias rúas da cidade utilizarán durante varios días as voces dos locutores dos programas locais, as mesmas que acompañan a diario aos oíntes da capital galega.
O novo método, que mellora todas as técnicas dispoñibles, atraeu xa a atención de investigadores do prestixioso Massachusetts Institute of Technology (MIT). Desenvolvido por investigadores do programa de e-Saúde do CiTIUS, publícase no IEEE Journal of Biomedical and Health Informatics.
O alcalde da Coruña salienta que os actos da Conferencia de Cidades do Arco Atlántico que terán lugar na Coruña desde o venres 10 de febreiro e"demostran o seu peso a nivel estatal e internacional", así como a vontade do Goberno local "de aproximar A Coruña ao mundo, de traballar en rede e de cooperar con outras cidades".
Trátase dunha convocatoria bienal que recoñece as políticas e medidas que as autoridades locais ou rexionais teñen adoptado para protexer, xestionar e planificar as súas paisaxes. O catálogo foi elixido por un xurado integrado por un responsable da paisaxe dos Ministerios de Educación, Cultura y Deporte e de Agricultura, Alimentación y Medio Ambiente e 3 expertos.
A Xunta recorda a necesidade de seguir as medidas de protección pertinentes e consultar a súa web www.112galicia.org ante o temporal de chuvia e vento. Por provincias, a que rexistrou máis incidencias foi A Coruña con 182, seguida de Pontevedra con 112, Lugo con 63 e Ourense con 47 incidencias. A Xunta traballa para arranxar o antes posible os problemas causados polo temporal nas estradas galegas.
O alcalde participou en Santiago de Compostela nunha xornada sobre Transparencia Pública, onde salientou as medidas impulsadas polo Goberno local para facilitar que a veciñanza teña acceso ao funcionamento e xestión municipais. Nesta xornada concedéronse as certificacións á transparencia e rendición de contas.
A Coruña acollerá entre o 20 de febreiro e o 5 de marzo a segunda edición das Xornadas Gastronómicas do Lacón con Grelos, nas que participan 32 establecementos da cidade. o certame gastronómico Lacónicas completarase con talleres e obradoiros para persoas adultas e menores que se celebrarán nos mercados da Praza de Lugo e de San Agustín, según o Concello.
O presidente da Xunta mantivo unha reunión co ministro de Educación, Cultura e Deporte na cal abordaron outras materias específicas da Comunidade. Íñigo Méndez e Feijóo coinciden na necesidade dun plan de rehabilitación dos BIC ao longo do Camiño de Santiago, de cara ao Xacobeo do ano 2021.
Esta actuación pon en valor a Ruta da Lamprea a cal combina os numerosos recursos vinculados á lamprea coa visita a lugares de interese natural e cultural da súa contorna. É resultado dun convenio polo que Turismo de Galicia achegou preto de 70.000 euros ao concello para crear este novo espazo onde gozar do tradicional peixe galego.
A través de Portos de Galicia coordina a presenza de entidades e institucións galegas no evento de referencia do sector náutico recreativo en Alemaña. Afondará nas posibilidades dos portos deportivos galegos como destino de rallies marítimos e navegación de catamaráns.
