lunes, 14 de septiembre de 2026
Sobre esta última, explicou que para o seu funcionamento trasladarase, primeiramente, aos seus usuarios todos eles válidos- ao Hotel Congreso, en Teo, e posteriormente desinfectarase toda a residencia.
Así mesmo, o presidente do Goberno galego asegurou que en función das necesidades asistenciais que se detecten nos próximos días ou semanas, poderanse habilitar novas residencias integradas.
Feijóo quixo aproveitar a súa intervención para trasladar unha mensaxe de confianza nos profesionais das residencias de maiores e dos centros de discapacidade con internamento, incidindo no bo traballo que están a facer, especialmente, neste momento.
Sobre este punto, subliñou que, na actualidade, dos 22.400 usuarios de residencias, 57 persoas deron positivo; e das 291 residencias 223 de maiores e 68 de discapacidade rexistráronse casos en 14 centros. E, por suposto, como fóra e dentro das residencias, todos estes casos están a ser tutelados polas autoridades sanitarias, abundou, facendo fincapé en que hai un contacto permanente con todas as residencias de maiores que, á súa vez, teñen a obriga de reportar dúas veces ao día o que alí sucede.
E naqueles centros onde hai máis incidencia, tamén estamos actuando con maior intensidade, recordou, referíndose aos protocolos aprobados ata agora.
No tocante ao subministro de material, Feijóo resaltou que, en concreto, a Comunidade dispensou ata o día de hoxe aos centros residenciais 59.000 mascarillas, 1.000 solucións hidroalcóholicas e 28.000 luvas.
E, en segundo lugar, trasladou que todas as residencias privadas pasarán, a partir de hoxe, a ser residencias tuteladas, é dicir, residencias baixo o seguimento das autoridades sanitarias.
Neste punto, Feijóo apelou á responsabilidade dos xestores destas residencias privadas, que seguen a ser responsables do mantemento, a adecuación e o funcionamento das residencias. Teñen que seguir ao fronte das mesmas, garantir persoal necesario, que estas funcionen conforme aos protocolos que xa se viñan empregando e aos que temos aprobado e segundo as últimas instrucións ditadas no BOE, explicou.
Ao longo da súa intervención, Feijóo tivo tamén palabras de agradecemento para a UME pola labor que está a desempeñar na desinfección das residencias de maiores con casos de positivos.
Feijóo aseverou que os máis vulnerables son e seguirán a ser unha das prioridades para a Administración autonómica. Así, desde o minuto un, a Xunta puxo en marcha medidas para evitar contaxios nas residencias de maiores e de discapacitados, como: a suspensión das visitas; a suspensión dos novos ingresos nas residencias, agás nos casos derivados polas autoridades sanitarias; así como a suspensión de toda actividade nos centros sociocomunitarios e nos centros de día, tanto de persoas maiores como de persoas con discapacidade.
Por outra banda, e no tocante ao protocolo de emerxencias e urxencias, o titular da Xunta aseverou que na xuntanza desta mañá se definiron, tamén, as actuacións de urxencias que habería que tomar no caso en que se incremente a ocupación hospitalaria; ademais dunha previsión do número total de camas que se poden destinar en todas as áreas sanitarias para atender a pacientes con coronavirus, e que se achegan ás 4.000.
O presidente do Goberno galego reiterou que a Xunta segue a traballar para tentar conseguir o material sanitario necesario, en paralelo coas xestións que segue a facer o Goberno de España. Ao respecto, insistiu na importancia da presión do Executivo central no mercado internacional; trátase de coordinarnos e de sumar apoios, e para iso é fundamental a unidade, a anticipación e a información leal e coordinada entre todos.
Feijóo concluíu insistindo na necesidade de redobrar as atencións e os esforzos para coidar ás persoas maiores, recoñecendo o labor de todos aqueles profesionais que cada día se encargan nas residencias de velar polo seu benestar. E trasladando o agradecemento a todos os maiores que están nas súas casas e nas residencias extremando as precaucións para non contaxiarse e a todos os que están nas súas casas, respectando o confinamento, fundamental para salvar vidas.
A reposición dálle continuidade á aposta do Centro Dramático Galego por recuperar títulos do seu repertorio que manteñen a demanda do público máis alá da súa primeira exhibición. No caso de 'A serie clopen', as 33 funcións ofrecidas no Salón Teatro durante a súa estrea en 2025 reuniron arredor de 5.500 espectadores, antes de iniciar unha serie de representacións por outros espazos de Galicia e de Portugal. O regreso aos escenarios prodúcese despois do recoñecemento acadado pola produción nos Premios de Teatro María Casares, pois obtivo dous galardóns: Natalia Pajarito, como mellor actriz protagonista, e Marta Alonso Tejada, pola dirección de movemento.
O sábado 12 de setembro chegará un dos pratos fortes do ciclo: A Movida Viguesa e a Homenaxe a Golpes Bajos. Esta histórica xornada supón o regreso aos escenarios de artistas fundamentais para comprender a historia musical de Vigo e de Galicia. Bandas e músicos que naceron na cidade e que, desde aquí, conquistaron o panorama nacional e mesmo internacional. Reunir nun mesmo escenario a Golpes Bajos, Semen Up, Miguel Costas de Siniestro Total, Killer Barbies e Stoned at Pompei é moito máis que un concerto: é unha homenaxe a unha xeración irrepetible e a unha cidade que marcou unha época dentro da música española.
