Noticias economia
Galicia continúa sendo a comunidade autónoma que mellor paga aos seus provedores, ao acadar no mes de agosto un período medio de pago de 14 días, fronte aos 38 días de media autonómica, segundo os datos oficiais do mes de referencia publicados hoxe polo Ministerio de Facenda. Neste mes, o período medio de pago de Galicia situouse 16 días por debaixo do límite que establece a normativa estatal, que é de 30 días. Pola contra, a media autonómica quedou en 38 días, o que ratifica que Galicia aboa os seus pagamentos 24 días antes que o conxunto das comunidades.
A primeira incubadora galega do sector biotecnolóxico, converterase nun verdadeiro viveiro de oportunidades de investimento de alta rendibilidade permitindo a incubación de 40 novas bioempresas en Galicia. BioIncubaTech, da que xa manifestaron o seu interese en participar máis de 30 empresas tratoras como Inditex, Coren, Finsa ou Biofabri, enmárcase na Estratexia galega de impulso á biotecnoloxía 2016-2020, que ten entre os seus principais eixos de acción o de fomentar a transferencia de coñecemento ao mercado.
Manteranse as rebaixas fiscais en vigor e aprobaranse catro novas baixadas: no Imposto sobre Transmisións Patrimoniais no caso de vivenda usada habitual, no de Sucesións para as herdanzas entre irmáns, no de Patrimonio e en innovación
Tanto a Xunta como o Principado de Asturias xa se puxeron en contacto co Ministerio de Industria e co Ministerio para a Transición Ecolóxica para coñecer as propostas que se contemplan neste asunto
Prevese o investimento máis cuantioso por proxecto en toda Europa, con ata 100.000 euros de axuda por iniciativa, só na fase de incubación. A previsión é lanzar tres convocatorias (a primeira, en novembro) que mobilizarán como mínimo 4.750.000 ata finais de 2021, dando soporte a 19 empresas e creando 60 empregos directos.
O Conselleiro de Facenda presentou no Parlamento o teito de gasto para 2019, asegurando que é realista e prudente, e o máis san e o que menos recorre á débeda de toda a década. A revisión á alza da previsión de crecemento para 2018 queda no 2,8% e no 2,5% en 2019, polo que Galicia seguirá experimentando un forte crecemento
O presidente do Goberno Galego inaugurou as xornadas Hacia el astillero 4.0 por la transformación digital, que en Ferrol organizan Navantia e a Universidade Internacional Menéndez Pelayo.
Núñez Feijóo incide na necesidade de que Navantia prosiga co seu plan para converterse nun asteleiro máis tecnolóxico e que, por parte do Goberno central, se apoie ese esforzo con máis concreción e máis certezas, subliñando que a Axenda Galicia Industria 4.0 da Xunta, cun orzamento total de 352 millóns, xa beneficiou a máis de 7.100 empresas e permitiu a creación de máis de 18.000 postos de traballo.
alicia convértese nunha das primeiras comunidades en aprobar o teito de gasto para 2019. Un teito de gasto de 9.850 millóns de euros, o que supón que o gasto da Comunidade para o vindeiro exercicio poderá aumentar ata 363 millóns de euros, respecto ao orzamento para 2018, é dicir, un 3,8% máis. O teito de gasto non financeiro contará con máis recursos e con menos débeda, xa que a Comunidade reducirá o seu déficit ata os 69 millóns de euros, o 0,1% do PIB, o que significa que, no 2019, Galicia non dependerá practicamente da débeda pública.
O presidente da Xunta, Alberto Núñez Feijóo, ratificou, despois de reunirse co ministro de Fomento, José Luis Ábalos, que as obras do tren de alta velocidade a Galicia estarán rematadas no último trimestre de 2019: un compromiso inequívoco adquirido tanto co anterior Goberno como co actual. A partir do 2019, cando se entreguen formalmente as obras finalizadas na súa totalidade, é necesario que a Axencia de Avaliación de Infraestruturas faga as auditorías que considere oportunas, explicou Feijóo, quen agarda que as auditorías conclúan á menor brevidade posible.
Galicia lidera a caída do paro en España ao pechar o mes de setembro con 17.737 parados menos, un descenso do 9,64%, o que supón unha caída do case o dobre que a rexistrada en setembro de 2017 con respecto ao mesmo período de 2016. A baixada do 9,64% é tres puntos e medio superior á media do Estado que se situou nun -6,09%. Trátase, ademais, do terceiro maior descenso nun mes de setembro de toda a serie histórica, desde 1996. A Comunidade galega, así mesmo, encadea case 5 anos de baixadas consecutivas do paro, desde novembro de 2013, situándose a niveis de hai 9 anos.
Máis de 7.200 persoas puideron disfrutar dos 4.170 menús, paquetes ou fins de semana que comercializaron as 125 casas de Turismo Rural participantes no V Outono Gastronómico. O 90,08% dos participantes nesta promoción cualifican de boa a relación calidade/prezo desta oferta.
A Xunta transmite directamente á administración concursal de Clesa o seu firme apoio á oferta de Feiraco. Os administradores comprométense ante o Goberno galego a tomar unha decisión na primeira quincena de xaneiro.
Feijóo di que este Goberno é o Goberno que máis adicou en termos porcentuais de presuposto corrente aos servizos públicos nos 30 anos de autonomía e asegura que ao final da lexislatura, haberá máis hospitais; máis garderías; máis centros de día; máis residencias da terceira idade...".
Constitúese o novo Clúster da Loxística co apoio da Xunta de Galicia a través da Consellería de Economía e Industria. O sector aglutina a máis de 43.000 traballadores nos que o Goberno galego investiu 6 millóns de euros en formación.
A xerente da Fundación Centro Galego da Artesanía e do Deseño, Elena Fabeiro Castro, recollerá esta noite o galardón que lle outorga a revista Galiciademoda á marca Artesanía de Galicia, propiedade da Xunta, en recoñecemento ao traballo do goberno galego en favor da promoción e do impulso do sector artesán galego.
Abre en Expourense o alón do Moble, Fogar, Decoración e Antigüidades: Mi Casa 2011. Achegar ás empresas aos seus clientes en momentos de crise é a principal aposta deste evento do sector do moble, considerado sector estratéxico na provincia de Ourense.
Aprobouse, ademáis, a entrada de dous novos membros con carácter permanente: o reitor da USC, Juan Casares Long, e José Luis Antuña en representación das industrias agroalimentarias de Galicia.
Os representantes rexionais na comisión de Cohesión Territorial coinciden en sinalar as dificultades de condicionar as axudas europeas polas rexións a que os Estados cumpran os requisitos do pacto de estabilidade orzamentaria.
Economía e Industria reitera o seu apoio ao téxtil como sector estratéxico para a economía de Galicia, na apertura do show room de Viriato en Santiago. O Goberno galego tamén amosa o seu apoio a Barreras en agarda do seu plan de viabilidade condicionado pola incertidume en torno ao tax lease que complica a planificación.
Axustarase á porcentaxe establecida nas leis de orzamentos xerais do Estado e de Galicia do ano 2011, con 176 prazas vacantes ocupadas. Irá precedida do correspondente concurso de traslados previo e para propietarios de prazas.
