lunes, 20 de abril de 2026
A Xunta de Galicia transmitiu directamente aos administradores concursais de Clesa o seu apoio á oferta de Feiraco como a mellor proposta para garantir a continuidade da planta de Caldas de Reis. No encontro, mantido en Madrid entre administración concursal, representantes de Feiraco e Xunta de Galicia, o Goberno galego deixou constancia do seu respaldo aos traballadores da empresa e a administración concursal comprometeuse a pór sobre a mesa unha solución na primeira quincena de xaneiro.
O director do Igape, Javier Aguilera, desprazouse a Madrid para reiterar ante os administradores o respaldo da Xunta á oferta liderada por Feiraco. Durante o encontro analizáronse e traballáronse aspectos técnicos da proposta e defendeuse a súa solvencia desde o punto de vista técnico, económico e de emprego. Manifestouse na reunión que a oferta de Feiraco, ademais de ter o respaldo da Xunta, conta coa confianza dos traballadores de Clesa como unha proposta seria e viable que aposta de maneira firme polo mantemento do tecido laboral, industrial e social da comarca.
O Goberno galego está levando a cabo un importante esforzo no seu compromiso de busca de solucións que garantan o futuro da planta de Clesa en Caldas e sobre todo, dos seus postos de traballo. Tanto a Xunta como Feiraco e máis os traballadores agardan que a administración concursal tome unha decisión no menor prazo de tempo posible facendo realidade a continuidade da planta.
O FIV de Vilalba volverá reunir na localidade lucense unha programación destacada da escena independente e alternativa estatal, cun cartel no que figuran nomes como Carlos Ares, Alcalá Norte, La M.O.D.A. e Ãngel Stanich, xunto a outras propostas moi presentes no panorama actual como Repion, Puño Dragón, Celia Becks, Futuro Alcalde, Grande Osso e Rapariga DJ. A boa resposta do público nas últimas semanas confirma, ademais, a gran acollida desta edición, coa previsión de que Vilalba volva encherse de ambiente festivalero a próxima fin de semana. A programación do FIV de Vilalba desenvolverase entre o Escenario Vibra Mahou, o Escenario #Fiver by Lactalis e a Zona DJ, consolidando un formato que combina os grandes concertos nocturnos coa actividade diúrna do sábado.
Galicia sitúase como a comunidade autónoma con menor porcentaxe de pacientes que agardan máis de 60 dÃas por unha consulta co especialista. Asà o referendan os datos publicados polo Ministerio de Sanidade sobre listas de espera no Sistema Nacional de Saúde a peche de 2025. Segundo os datos, en decembro de 2025 a comunidade galega situouse como a cuarta rexión española con mellores tempos medios de espera no ámbito das primeiras consultas. Neste eido, o Servizo Galego de Saúde rexistrou unha media de 63 dÃas de espera, fronte aos 102 do Sistema Nacional de Saúde. Estas cifras reflicten que os galegos esperan 39 dÃas menos para acceder a unha consulta co especialista que a media dos españois.
