Noticias economia
Esta mañá déronse a coñecer na sede do Clúster Alimentario de Galicia (Clusaga) en Santiago de Compostela os proxectos que serán acelerados na Business Factory Food (BFFood), programa especializado no sector alimentario galego impulsado pola Xunta de Galicia e coordinado polo clúster. Das 38 candidaturas recibidas, presentáronse 18 no pitch day desta mañá e, tras unha reunión do comité executivo, decidiuse seleccionar oito que achegan solucións innovadoras aos retos identificados pola industria alimentaria galega como a dixitalización e automatización, loxística, sostibilidade e packaging e desenvolvemento de novos produtos.
Galicia defende que a Política Agrícola Común teña en conta as peculiaridades do medio rural galego. Así o reiterou hoxe en Bruxelas o conselleiro do Medio Rural, José González, que asistiu ao Consello de ministros de Agricultura da Unión Europea en representación das comunidades autónomas españolas, acompañando ao ministro Luis Planas. Nesta liña, o titular de Medio Rural manifestou que a postura de Galicia é de plena lealdade co Goberno de España á hora de apoiar unha PAC común para toda a UE, pero tamén de absoluta firmeza na defensa dos intereses dos agricultores, gandeiros e silvicultores galegos diante das instancias europeas.
As exportacións galegas acadaron nos primeiros once meses do pasado ano un volume total de vendas de 20.369 millóns de euros. As vendas ao exterior en novembro de 2019 subiron 6,6% con respecto ao mesmo mes de 2018, acadando un volume total de 2.110 millóns de euros. Galicia situouse así como a terceira comunidade na que máis medraron as vendas, despois das Illas Baleares e do País Vasco. De continuar esta tendencia, en 2019 o total das vendas no exterior superará por terceiro ano consecutivo os 21.000 millóns de euros, cifra que se acadou por vez primeira en 2017.
O conselleiro de Economía, Emprego e Industria, Francisco Conde, asistiu esta mañá en Lugo á mesa de traballo de Alcoa, na que ademais da Xunta estivo presente o Goberno do Estado, a empresa e representantes dos traballadores. Conde amosou a súa decepción xa que as medidas que o Goberno ten previsto poñer en marcha son, segundo a propia empresa comunicou, insuficientes para manter a produción de aluminio primario en Galicia e España -San Cibrao é a única planta que produce aluminio primario no país-. Por este motivo, Conde instou ao Goberno a que revise as actuacións previstas co obxectivo de poñer en marcha iniciativas que garantan un prezo competitivo.
A Tarxeta Benvida destina máis de 36,2 millóns de euros para que as nenas e nenos nados en 2020 teñan acceso a axudas directas para contribuír a sufragar os custes que trae consigo o chegada dun novo membro á familia. Publicáronse hoxe as bases para a concesión desta axuda, que conta con catro importantes novidades. En primeiro lugar, para as familias que vivan en concellos de menos de 5000 habitantes increméntase un 25% o importe da achega, coa finalidade de apoiar aos fogares con fillos no rural. En segundo lugar, duplícase a cantidade que se percibe polo terceiro fillo e sucesivos durante o primeiro ano, de xeito que recibirán 2400 euros anuais. Esta cantidade elevarase ata os 3000 euros en caso de que vivan nun concello rural.
A Xunta de Galicia propúxolle ao Goberno de España un acordo global de colaboración para impulsar conxuntamente as obras de saneamento máis prioritarias para a Comunidade autónoma. O goberno autonómico trasladou a súa disposición a colaborar economicamente, achegando fondos da Comunidade Autónoma, para cofinanciar as actuacións de saneamento declaradas de interese xeral do Estado, como son as de Ponteareas, A Illa de Arousa, Raxó e Sanxenxo. O acordo formulado consiste en que, ademais, o Goberno de España colabore achegando fondos europeos do treito estatal para cofinanciar outras obras igualmente necesarias.
Ábrese mañá o prazo de solicitude para as catro liñas do programa Galicia Emprega, cuxo obxectivo é favorecer a formación e a contratación de máis de 1100 mulleres, parados de longa duración, mozos e mozas, e persoas discapacitadas ou en risco de exclusión, para impulsar, deste xeito, o traballo nos colectivos con máis dificultades para atopar un emprego. Galicia Emprega conta cun orzamento global de 10,5 millóns de euros para fomentar o traballo na Comunidade. Trátase de favorecer os contratos asociados á posibilidade de mellorar a formación. Inclúe catro liñas de axudas -Emprega Muller, Emprega Persoas con Discapacidade ou en Risco de Exclusión Social, Emprega Parados de Longa Duración e Emprega Xuventude-.
O paro baixou no último ano en 3987 persoas, é dicir, un 2,36% menos que en decembro de 2018, o que sitúa á Comunidade como a quinta na que máis descende o desemprego, mellorando a media estatal, que foi de -1,21%. No que respecta ás afiliacións, medran por sexto ano consecutivo (2014-2019) e, ao igual que en 2018, péchase o exercicio por riba do millón de afiliados. A Comunidade Autónoma sitúase a niveis de paro inferiores aos de antes de 2008, sumando xa sete anos de baixadas consecutivas, desde decembro de 2013. Neste tempo a cifra de paro descendeu en máis de 113.000 desempregados, é dicir, 2 de cada 5 parados abandonaron as listas do paro neste período.
Entran en vigor as novas rebaixas de impostos incluídas nos Orzamentos Xerais de Galicia para o 2020, que entran hoxe en vigor. As contas deste ano inclúen novas rebaixas no Imposto de Transmisións Patrimoniais (ITP), no Imposto sobre Sucesións e unha novidosa dedución verde no IRPF. Desde hoxe, en Galicia aplícase unha rebaixa no imposto pola compra dunha vivenda usada en 3.459 parroquias que teñen a cualificación de zonas pouco poboadas (ZPP) e que representan o 94% do territorio galego. En todas elas, redúcese o ITP do 7% ao 5% no caso de compra de vivenda habitual, e do 10 ao 6% para o resto de compras de vivenda, co obxectivo de fixar poboación no rural.
O número de empresas con sede social en Galicia ascende a 247.631, segundo indica o Directorio de empresas e unidades locais do ano 2018 publicado hoxe polo Instituto Galego de Estatística (IGE). Isto supón un incremento de 1.973 empresas respecto ao ano anterior, un 0,8% máis. Ao número de empresas con sede social en Galicia súmanse outras 4.359 empresas que teñen actividade na comunidade autónoma pero a súa sede social está fóra de Galicia. Isto significa que o 98,3% das empresas que operan en Galicia teñen a súa sede social nalgunha das catro provincias galegas. Precisamente, o incremento de empresas galegas a 1 de xaneiro de 2018 rexistrouse nas catro provincias.
Galicia Calidade promociona no V Salón Vinis Terrae de Ourense os produtos amparados polo selo de garantía. Os viños das 9 adegas que contan coa marca estarán presentes no Tunel do Viño que inclúe unha degustación agroalimentaria de produtos con este selo.
Subliña que, pese ao déficit tarifario millonario que encontrou o Goberno central en 2011 ,non podemos en ningún caso esquecer que é necesario un marco estable e razoable para poder seguir investindo no ámbito da enerxía.
Durante un encontro co ministro de Exteriores, Feijóo agradeceu o mantemento do Tax Leaxe na axenda comunitaria e urxiu á Unión Europea (UE) unha decisión favorable para que o sector naval galego teña certezas canto antes. Insistiu na necesidade de redobrar os esforzos das negociacións con Bruxelas sobre este modelo.
O Goberno galego mantivo un novo encontro co comité de empresa no que manifesta que o compromiso da Xunta para salvar a empresa segue intacto, e traslada aos traballadores de Alimentos Lácteos que é imprescindible aliñar todas as posturas para salvar o proxecto.
Ao abeiro do convenio asinado entre a Xunta e Peugeot Citroën, a compañía cederá vehículos de última xeración a 4 centros educativos que imparten estas ensinanzas. Ademais o alumnado de ciclos formativos poderá realizar prácticas nas instalacións da empresa, coa que tamén se cooperará para a formación de profesorado.
O titular de Economía e Industria da Xunta destaca a necesidade de inculcar a cultura emprendedora entre os estudantes. Conde defende a transferencia do coñecemento universitario ao mercado para que Galicia gañe competitividade e xere emprego, potenciando o traballo conxunto das empresas e os investigadores públicos
Destaca o investimento de 4,4 millóns de euros para as administracións locais que melloren os parques empresariais instalados nos seus termos municipais, o que supón duplicar o orzamento do exercicio anterior destinado a este fin. Investiranse 10,2 millóns de euros en obradoiros de emprego, que suporán a creación de 1.000 empregos.
O presidente do Banco Sabadell, Josep Oliu, presenta a Feijóo unha estratexia de crecemento en Galicia e trasládalle o compromiso co mantemento do nivel de emprego do Banco Gallego. Feijóo pide fluidez do crédito para familias e emprendedores.
Feijóo asegura que aproveitamos a oportunidade de Pemex ao confirmar a construción dos dous floteis e a base loxística no Porto da Coruña, e ao abrirse a vía para a renovación da súa flota menor e a entrada no capital dun estaleiro da ría de Vigo.
O titular da Xunta di que México pode ter máis barcos galegos e Galicia máis investimento mexicano, durante o encontro que mantivo co presidente Peña Nieto. Logo desta entrevista, Feijóo visitou Porto Progreso, considerado como a porta de entrada ao Golfo de México.
