Actualidad de Economía

Zona Franca de Vigo presentou o Informe Económico e de Competitividade de Ardán 2021, elaborado en colaboración coa agrupación estratéxica Ecobas e o Grupo Gen da Universidade de Vigo. Nel preséntase un monográfico que aborda 'a excepcional situación' que provocou a pandemia da covid-19 e 'pon de relevancia que Galicia sufriu un impacto menor que o conxunto de España en perda de riqueza'. O documento, 'o primeiro informe sobre os efectos da pandemia da covid-19 na economía galega' segundo indican en nota de prensa desde Zona Franca, foi presentado por David Regades, delegado do estado, acompañado por parte da Universidade de Vigo do catedrático Santiago Lago e do profesor Xavier Martínez Cobas.

Galicia, que preside agora este organismo interrexional, pasará nos vindeiros días a testemuña a Portugal. Neste período, a comunidade transfronteiriza traballou no seu obxectivo principal de consolidar a Eurorrexión, pero tamén centrou os seus esforzos na dinamización económica, a cooperación ambiental, a cooperación para o desenvolvemento das infraestruturas e da mobilidade, a cooperación para a proximidade e o desenvolvemento de proxectos conxuntos nas áreas de cultura, educación e turismo.

Galicia segue a recuperar os resultados positivos das súas vendas ao exterior. Unha tendencia que xa comezou a reflectirse nos últimos meses do ano, e que se consolida agora nos primeiros meses deste exercicio. Así, e como amosan os últimos datos dispoñibles, as exportacións galegas de maio duplicáronse con respecto ao mesmo mes do ano anterior (+109,7%), permitindo acadar nesta ocasión os 2100 millóns de euros. Un dato, que sendo bo, mellora en comparación co total de España. No conxunto do Estado, as exportacións en maio medraron á metade de ritmo que en Galicia: a media nacional de crecemento neste mes con respecto ao mesmo período do ano pasado sitúase nun 55,3%.

O Diario Oficial de Galicia publica hoxe a modificación da orde que regula as bases para o 3º plan de rescate, xestionado pola Xunta cos 234,4 millóns de euros que lle corresponderon do reparto do Estado para axudas directas ao tecido empresarial, coa que amplía o prazo de solicitude dos apoios ata o 30 de setembro para permitir que os cartos cheguen a máis persoas traballadoras autónomas e empresas afectadas pola covid-19. A pesares dos esforzos da Xunta por axilizar e simplificar o 3º Plan de Rescate, as cargas burocráticas impostas no Real Decreto que regula as axudas directas para xestionar as Comunidades están disuadindo ou imposibilitando o acceso ás mesmas de gran parte do tecido empresarial galego.

Galicia insiste en reclamar o que xustamente lle corresponde na defensa lexítima dos intereses dos seus agricultores e gandeiros con respecto á aplicación da futura PAC. A nosa comunidade e o resto dos territorios da Cornixa Cantábrica (Asturias, Cantabria e País Vasco) demandan de xeito conxunto ao Goberno central que se teñan en conta as peculiaridades da España húmida á hora de desenvolver esta política, fronte á orientación “mediterránea” que vén amosando o Ministerio de Agricultura, Pesca e Alimentación (MAPA).

A conselleira de Política Social, Fabiola García, anunciou hoxe, nunha resposta no pleno do Parlamento galego, que a Xunta condonará total ou parcialmente a débeda do 80% das persoas que recibiron o Ingreso Mínimo Vital (IMV) e a Renda de Inclusión Social de Galicia (Risga) de xeito simultáneo. Trátase daquelas persoas que teñen fillos ao seu cargo. Fabiola García explicou que, como Galicia, son moitas as comunidades que coa aparición do Ingreso Mínimo Vital se atopan con duplicidades entre prestacións. Para que as persoas que cobraron ambas rendas poidan normalizar a súa situación o Goberno galego achega varias facilidades, como conceder un prazo de 30 meses para devolver as contías ou condonar a débeda.

O Foro Económico de Galicia, coordinado desde o campus de Ourense da Universidade de Vigo polo Grupo Governance and Economics Research Network (Gen), reuniu este venres na xornada A Galicia Dixital de 2040 'a un nutrido grupo de expertos tecnolóxicos para dar resposta ás preguntas chave sobre o estado de dixitalización da economía galega'. Nela, os seus especialistas advertiron de que 'nos próximos 20 anos con seguridade produciranse transformacións tecnolóxicas a unha escala maior do coñecido'.

O titular do Goberno galego, Alberto Núñez Feijóo, anunciou hoxe, na rolda de prensa posterior ao Consello da Xunta, unha nova convocatoria do Bono Autónomo cun orzamento de 5,5 millóns de euros para beneficiar a 2.000 profesionais con axudas de ata 3.000 euros. Tras destacar que a iniciativa se pon en marcha por quinto ano consecutivo e que o único requisito será unha antigüidade superior aos 42 meses, Feijóo avanzou que a convocatoria se abrirá nas vindeiras semanas “apoiándose os gastos que se teñan realizado desde o día seguinte da súa publicación ata o 31 de decembro de 2021”.

A conselleira de Emprego e Igualdade, María Jesús Lorenzana, avanzou hoxe en sede parlamentaria que o próximo venres o DOG publicará as bases da convocatoria do 3º Plan de Rescate co que a Xunta porá a dispor de autónomos e empresas 234,4 millóns de euros de fondos transferidos polo Estado. Con estes novos apoios directos do 3º Plan, aprobado en Consello o 2 de xuño, a Xunta, a través dos diferentes departamentos, terá posto a dispor de autónomos e empresas máis de 560 millóns de euros en axudas directas.

Vaise celebrar este sábado a I Feira Iniciativa Xove para poñer en valor os diferentes proxectos xurdidos ao abeiro deste programa. O Edificio Cinc da Cidade da Cultura acollerá unha completa xornada de actividades cun espazo expositivo de proxectos, obradoiros ou un punto de asesoramento, entre outros. Iniciativa Xove é un programa creado en 2010 polo Goberno galego a través do cal se conceden axudas de ata 5000 euros para que as mozas e mozos de Galicia poidan desenvolver ideas que, transformadas en proxectos empresariais ou programas de interese, revertan na sociedade.