Noticias deportes
Neste sentido, dos 1.009 deportistas galegos recoñecidos (381 mulleres e 628 homes), o 80% (808) son deportistas galegos de alto nivel (299 mulleres e 509 homes). Ademais, hai 101 deportistas de rendemento deportivo de base (39 mulleres e 62 homes); 64 deportistas de alto rendemento (25 mulleres e 39 homes); 15 técnicos de alto nivel (catro mulleres e 11 homes); sete árbitras (cinco mulleres e dous homes); cinco xuízas (catro mulleres e un home) e nove deportistas galegos de alto nivel vitalicios (cinco mulleres e catro homes). Entre eles atópanse algúns dos mellores deportistas de Galicia.
A Xunta de Galicia vén de entregar á Fundación Princesa de Asturias a candidatura de María Teresa Portela Rivas para o Premio Princesa de Asturias dos Deportes 2022 que serán entregados na segunda quincena do mes de outubro. A candidatura da padexeira galega céntrase no seu brillante currículo deportivo con 15 medallas mundiais e 17 europeas. En Toquío converteuse na muller española con maior número de participacións olímpicas, cun total de seis, e acadou unha medalla de prata aos seus 39 anos despois de xuntar cinco diplomas olímpicos.
O líder de La Vuelta 21 recibirá unha Cunchiña ao final de cada etapa; é dicir, un boneco de peluche que representa á mascota virtual do Xacobeo 21-22. Deste xeito, o portador do maillot vermello colaborará na difusión do dobre Ano Santo no percorrido da competición desde este sábado 21 de agosto ata a chegada á meta na praza do Obradoiro o 5 de setembro. A mascota virtual do Xacobeo foi ideada inicialmente para o seu uso nas redes sociais, onde acadou unha grande difusión cos seus 32 stikers e con case un centenar de gifs para o seu uso a través de WhatsAp, Facebook, Instagram e Telegram.
Tivo lugar a presentación dos vinte e un deportistas galegos preseleccionados no equipo español de cara aos Xogos Paralímpicos de Toquio que terán lugar entre o 24 de agosto e o 5 de setembro. No acto participaron, entre outros, a triatleta Susana Rodríguez, o tirador Juan Saavedra, a atleta Adiaratou Iglesias, o taekwondista Alex Vidal e o piragüista Adrián Mosquera. O 15% da delegación española ten acento galego, un feito que responde a un traballo intenso realizado por todo o tecido deportivo en prol dos deportistas con discapacidade. Do último recoñecemento de deportistas galegos de alto nivel, 17 teñen algunha discapacidade.
Nesta edición de 2021 a proba atravesará na súa antepenúltima etapa o 3 de setembro os concellos de Monforte, Lugo e Sarria para continuar polas Rías Baixas desde Sanxenxo a Mos pasando por Pontevedra, Redondela, O Porriño e Baiona deixando para a contrarreloxo individual do domingo 5 de setembro o tramo de Padrón a Santiago de Compostela, para chegar como tódolos peregrinos á porta da Catedral compostelá. Por iso, estiveron presentes os alcaldes de Santiago de Compostela, Padrón, Sanxenxo, Mos, e Monforte de Lemos, municipios de saída e chegada das tres etapas pola comunidade.
A Unión de Federacións Deportivas Galegas (UFEDEGA) ven de lanzar a campaña #ForteCoDeporte, unha iniciativa para fomentar o deporte federado seguro en tempos de pandemia. O obxectivo é impulsar a práctica deportiva federada durante a situación de pandemia na que nos atopamos. Con esta acción, trasládase á sociedade que o deporte federado é garantía de cumprimento de todas as medidas de seguridade. Todas as federacións deportivas de Galicia contan cun protocolo para o establecemento das medidas de prevención necesarias para facer fronte para facer fronte á crise sanitaria.
A Sociedade Iberoamericana de Psicoloxía do Deporte co apoio da Universidad Liberquaré e da Xunta, puxo en marcha a iniciativa Píldoras Solidarias. Entrenamiento Mental cunha primeira entrega a cargo do presidente da SIPD, Joaquín Dosil, baixo o título Deportista: ganar a competición persoal durante o confinamento. Esta primeira pílula solidaria, contou coa participación de 1.780 inscritos, dos que 887 foron deportistas e adestradores galegos e galegas, o 50%. Dos 18 países participantes, España (1.054) contou coa maior participación seguida de Arxentina (195), México (105), Colombia (98), Chile (78), Perú (56), Guatemala (38), Costa Rica (30), Brasil (28), Uruguai (27), Porto Rico (14), Portugal (11), Venezuela (11), Ecuador (9), Reública Dominicana (7), Bolivia (6), Paraguai (5) e outros países (8).
A Semana Europea do Deporte é unha iniciativa do Parlamento Europeo para a promoción da practica deportiva saudable nos cidadáns da Unión Europea. Os preto de 60 centros educativos responderon a esta iniciativa, programando diferentes actividades durante esta semana e celebrando o Día do Deporte Escolar con alomenos 120 minutos de actividade física dentro do horario lectivo. Galicia aposta así polo incremento da actividade física de calidade que se realiza nos centros educativos galegos, para loitar contra a inactividade física, o sedentarismo e consecuentemente, contra o sobrepeso e a obesidade, promovendo hábitos de vida activa que perduren dende a infancia ata a vellez, vinculados aos Proxectos de Vida Activa en centros educativos escolares.
O Abanca Galicia Classic Surf Pro recibiu durante a súa ultima edición a 350 deportistas procedentes de 31 países, o que subliña o carácter internacional do evento e o potencial para seguir avanzando na especialización da oferta turística galega e na súa proxección exterior. Entre as novidades deste ano figura unha das catro únicas probas do campionato mundial absoluto World Longboard Championship, fundamental para a clasificación dos vindeiros Xogos Olímpicos de Tokio, no que o surf será deporte olímpico por vez primeira. O impacto do Abanca Galicia Classic Surf Pro constátase no seu crecente número de visitantes, pasando dos 65.000 da edición de 2017 aos 100.000 de 2018 pero tamén no seu seguemento a través de internet, xa que as diferentes probas son retransmitidas por streaming a todas as partes do mundo.
A Cidade da Cultura de Galicia celebrará o sábado 25 de maio Cidade Rompetiño, unha xornada de oito horas de música, deporte e cultura urbana, que dá resposta a un alto interese de xente nova que vincula o seu lecer a actividades deportivas -como parkour ou skate- e estreitamente ligadas á música de estilos hip-hop ou hall-dance. Precisamente, este evento acollerá a final do primeiro Campionato oficial de España de Scooter Freestyle, co que os participantes se clasifican para a proba mundial, prevista para o mes de xullo en Barcelona.
Esta actividade enmárcanse na programación do +XTi, coa que o Executivo Municipal busca ofrecer alternativas de ocio saudables e didácticas aos mozos e mozas da cidade. Jorge Bustos: 'Buscamos fomentar a socialización entre a mocidade lucense, o traballo en equipo e a adquisición de habilidades que lles poidan ser útiles no seu futuro'.
O acto tivo lugar esta mañá na Praza do Obradoiro, no que participaron o presidente da Deputación, Valentín González Formoso, o alcalde de Santiago, Xosé Sánchez Bugallo, a deputada provincial de Deportes, Cristina Capelán, a concelleira de Deportes de Santiago, Esther Pedrosa, o presidente da Federación Galega de Atletismo, Iván Sanmartín e o padriño da carreira, Juan Carlos Higuero.
Os XXV Campionatos Galegos Universitarios de Deportes Colectivos reunirán os vindeiros días 7 e 8 de marzo na capital luguesa máis de 600 estudantes das tres universidades públicas galegas, que competirán en seis disciplinas deportivas diferentes: fútbol, fútbol sala, baloncesto, balonmán, rugby e voleibol, na modalidade masculina e feminina, segundo adiantou este xoves o reitor da USC, Antonio López, na presentación do evento.
Vense de constituír o Foro de Reactivación do Deporte Galego como espazo de deliberación, análise e proposta de actuacións para o sector deportivo de Galicia no contexto posterior á crise sanitaria do COVID-19. O obxectivo do foro será a análise das medidas de actuación que, desde os distintos ámbitos materiais afectados, poidan formularse para establecer un marco de recuperación sostible do sector deportivo galego.
No escenario excepcional da praia de Pantín, o certame celebra a súa 33 edición ata o día 23 de agosto atraendo a un importante número de profesionais de alto nivel e os datos sobresaíntes a nivel de competición e de asistencia de anos anteriores repercuten de xeito directo non só no concello de Valdoviño, senón en todos os concellos de Ferrolterra e na imaxe de Galicia o que contribúe a internacionalizar e a posicionar a nosa terra no exterior.
A Xunta de Galicia vén de publicar o segundo número das Guías DXT Galego Volvendo con sentidiño elaboradas pola Secretaría Xeral para o Deporte e expertos das tres universidades galegas que xa foi enviado a todos os clubs e federacións deportivas de Galicia e pode ser consultado na páxina web do Deporte Galego. Este segundo manual versa sobre as Recomendacións para a aceleración da reactivación e readaptación técnico/táctica do deportista para a súa motivación e achegamento progresivo ás esixencias do partido.
O secretario xeral para o Deporte participou nunha reunión virtual convocada pola Unión de Federacións Deportivas Galegas (Ufedega) e na que participaron un total de 42 das 58 entidades federativas do deporte galego. Nas súas verbas, o secretario xeral para o Deporte lembrou aos presidentes que a Xunta traballa nun Plan de Continxencias en coordinación coas federacións e coa participación de expertos, para planificar o futuro da actividade física e o deporte en Galicia.
A iniciativa Adestra #NaCasa ofrece un espazo no que as federacións deportivas de Galicia amosan o seu traballo cos deportistas no período de confinamento. Deste xeito configúrase un repositorio de arquivos, documentos, ligazóns e material de diversa índole orientado ao adestramento na casa en tempos de confinamento. O obxecto deste espazo é axudar a todos os deportistas galegos neste período.
Ponse en marcha a iniciativa 'Píldoras Solidarias. Entrenamiento Mental' da Sociedade Iberoamericana de Psicoloxía do Deporte (SIPD) que preside o psicólogo deportivo galego Joaquín Dosil. A Xunta promove, apoia e difunde xunto a SIPD este programa nacido para axudar á preparación e motivación dos e das deportistas, técnicos e técnicas, así como todos os representantes do tecido deportivo neste período de confinamento derivado da declaración do estado de alarma pola expansión do coronavirus.
El brote vírico surgido en China continúa su expansión por el mundo y afecta ya a competiciones deportivas. Si no se ataja rápido, la Eurocopa 2020 podría peligrar.
